Ka Elele, Volume 8, Number 22, 28 December 1853 — UAHANA. STRONG’S ISLAND. [ARTICLE]

UARANA. STRONG’S ISLAND.

Kokoke mai ka wa, e holo kekahi Moku okohola i Uarana, a i Bonebe hoi paha. Oia ka moku e lawe ana i ka waiwai i ko laila poe Misionari. Nolaila pono i na hoahanau ke palapala koke, a lawe i na palapala i ka hale kuai o Kakela laua o Kuke, i Kawaiahao. Eia hoi ka wa pono e kokua i na dala maoli, a me ka lole, a me na papale, a me na kamaa, a me na makana aloha a pau, no kela poe Misionari. Mai poina kakou i ka wahine kane make ia Doreka Kaholua, a me kana keiki kane. E haawi nui mai ka lole i ku pono ia laua. E hoomanao hoi ia Kaaikaula ma me kana wahine, a me ka laua keiki hou. I ko kakou kokua ana i na Misionari ma ka aina e, e hoomanao i ka olelo a ka Haku, a Iesu, i kana i ana mai, “Ua oi aku ka pomaikai o ka haawi ana’ku mamua o ka loaa ana mai.”