Ka Elele, Volume 9, Number 19, 1 December 1854 — KELA MEA KEIA MEA. [ARTICLE]

KELA MEA KEIA MEA.

He pea- Heaha ia ? Eia he hana kokua i ka poe piiikia. Ua hanaia pela ma Honolulu nei i kela po aku nei, o ka poaha. Ua hui na wahine haole a ua hana i na mea kuai, he nui wale ; lie lole, palule, lakeke, wawae, hainaka, a me ka al ono ke ko, kope, wai lemi, a pela aku. Iloko oka lumi nui o ka Halehookolokolo kahi i hana ai. A hele nui ilaila na kane, wahine, keiki haole, a piha ka hale, e kuai ma ke kuelala ana ; pii loa ke kuai ana no ka hoihoi o ka naau o na kane e kokua i ka poe pilikia. Ona dala puka ia po, ua $1,200. Maikai no. Lawe na wahine ia dala e kokua i ka poe mai, ilihune, na wahine kane make, me na keiki makua ole. I ka la 22 iho nei, ku mai ka manuwa Farani “AIceste;” he moku nunui. Eia kekahi; ua 50 na moku okohola i holo aku i ka moana al<au loa e imi i ka aila a ua hoi mai 30 mo ka loaa ole oka aila,; aole loaa iki ; o ka 20 i koe ua lawe uuku loa no. Aloha iuo keia poe hoomanawanui i keanu, iloko o ka hau, a mo na pilikia a pau o ka moana ? Pehea kakou ke molowa a haalele ka poe imi aila ? Auhea ka poe kuai i na mea kuai o kakou ? Mahea hoi e loaa’i ka aila.