Ka Holomua, Volume I, Number 25, 21 March 1914 — Poiia e ka Nalu a Make ia Hawaii. [ARTICLE]

Poiia e ka Nalu a Make ia Hawaii.

s Hilo, Maraki 20—Ma ka la 5 o Maraki, ua hele aku kekahi poe kanaka eha i ke ku'i opihi ma kekahi aoao o Hakalau. O Puulono o lakou kai iho mua aku no laio o ka papali kahi o ka opihi, a me ka moeuhane mua ole, aia hoi, ua ku mai la kek ahi nalu kiekie, a mamua o ka hiki ana iaia ke hoopakele iaia iho, ua po'iia mai la oia eka nalu a lilo aku la i ke kai a make loa, aole mamuli o kona īke ole i ka au, aka, ua manao wale ia mamuli o kona lumilumiia ana e ke kai, na ia mea i hoonawaliwali iaia, a pela oia i piholo ai. Ua hoea like aku no keia poe kanaka no kahakai, a oke kanaka no i make aku la, oia no kai iho mua, a j ka ike ana aku o. na kanaka 'ekolu i ka nalu, aole loa kekahi o lakou i a'a e iho aku, a i ole, e hele aku paha e hoopakele i ko lakou hoa oiai hoi kela e noke ia ana i ka lumilumi, me ko lakou ikemaka Sku* i ka hana a ka "Aalu, a hē ku maoli i ka weliweli, a maiaila iho la no, o ko lakou hoi iho la no ia. Mamua o ko lakou hoi ana, ua kali iki lakou malaila no kekahi manawa no ka nana ana, ina paha e ike hou ia aku ana kona kino, aka, "aole nae he haawina oia ano i ikeia, a ua manao iho la lakou ua piholo loa.