Ka Hae Hawaii, Volume 1, Number 40, 3 December 1856 — LAHAINA. 14 NOV., 1856. [ARTICLE]

LAHAINA . 14 NOV., 1856.

O makou, na mea i kakauia na inoa malalo, ke haawi nei makou, me ka hauoli, i kumuhooiaio no ko makou hoike ana i kekahi mau haumana o Kaukale, (Dr. John Rae,) no Hana, i hele wale mai ma Lahaina nei; ua holomua no ko lakou akamai ma na kanawai hooponopono o ka olelo Beretania, (grammar,) ma ka heluhelu, a me ke kakau ana kekahi; nolaila, ua oluolu loa ko makou manao, no ka mea, he pokole wale no ka manawa o ke ao ana o ia haole ia lakou, ehiku wale no malama i ko makou lohe ana; a ke manao nei makou, ina e hoomanawananui ia mau haumana, aia no lakou ma ke alanui e lanakila loa ma na kanawai o ia olelo, a ma ke kamailio kekahi.

G. M. ROBIKANA, WILIAMA, Lunakanawai Apana. FERDINAND W. HUTCHISON, Kauka Beretania.