Ka Hae Hawaii, Volume 2, Number 19, 5 August 1857 — Ka Mokumahu Hikina Nui. [ARTICLE]

Ka Mokumahu Hikina Nui.

Ua kapiiiia iho nei ma Ladana, he moku papa hao, e oi ann kona nui i na moku e ae i hana ia. He 680 na kapuai o kona loa, a he 83 na kapuai oka laula. He 23,000 na tona o ka moku, he 30,000 na papa hao i kapiliia iloko o kona mau aoao, i kuipaaia i 3,000,000 na kuihao. Eono na kia oka moku, me na huiia kaa ma na aoao, me ka huila wili mahope. He moku lawe ina ka> naka a me ka ukana mai Emlani aku a Auseteralia. E kuonoono na kanaka 4,000 ma ia moku. Ika malama o e makaukau ia e holo, a e hiki ke holo a ku ma Auseteralia i ka malama hookahi. He hao kona mau kia elima, a hakahaka maloko me he ohe la. Aka, he laau no ke kia hope, a maluna olaila, he 80 nakapuai maluna ae o ka papa moku e kauia’i ke panana. Ua kaawale ke panana i ka hao, no ka mea, e lalau no ke kui panana ke kokoke ia me ka hao. Ua manao ia, e hiki ia ia ke holo i na mile he 20 iloko o ka horahookahi. E holo mua ana ia i Amehka, a hoi aku, i mea hoao i ka pono o kona holo ana.