Ka Hae Hawaii, Volume 3, Number 24, 15 September 1858 — Hoolaha Hewa. [ARTICLE]

Hoolaha Hewa.

Ua ike au i na manao o Hoohalahala i hai ia.ma ka Hae okala 28 o lulai. E hoolaha ana no na mea pili i na aha hookolokolo, nolaila, ke hoolaha nei au, aqle nae me ka manao e hoahewa wale aku i kona mau manao a pau, aka, no kuu manao, o kuhihewa ka poe i ike ia mau manao, nolaila, ke hana nei au, me ka manao e pai koke ia, i pau ai ke kuhihewa o ka poe i heluhelu ia mea. Eia ka mea kupanaha a’u i luhe ai, o ka olelo a kekahi jure, o Kaeo ka inoa, he hewa ka hoike a Rev. G. B. Rowela, a ua pololei hoi ka hoike o kela lawehala Ma keia mea, ke hoike aku nei ka mea ike maka. Aole pololei ka lohe o Hoohalahala, a ke manaolana nei au, ua pololei no ka olelo o ko Hophulahala mea i lohe ai, malia paha, ua kuli iki o Hoohalahala, nolaila ka hoolaha hewa, no ka mea, aole au i lohe i ka hoopuka ia ana o ia mau-olelo, nolaila, lee hai aku nei i ka poe a pau i ike ia mau manao, e hooki i ka manao ana ua pololei ia hoolaha ana a Hoohalahala, a ke noi aku nei hoi au e kala’ku ia ia no kona kikaho.

Eia ko’u manao hope a pau, no kuu ike ma ka Hae, ua-pinepine ka hoolaha ia ana o na m'anao like me keia,’oia hoi na mea i lohe wale ia me ka maopopo ole, nolaila, ke hoike nei au i ko’u manao me ka hookampni ole. Aole o’u manao ua kupono ka hoolaha ana i na mea i lohe ia me ka maopopo ole, a owau wale iho no i ko’u mānao ana pela; a ke npi aku nei e kala mai ia’u, ina ua kuhihewa au. OLIVER CHAPIN. Apua, Augate 10, 1858.