Ka Hae Hawaii, Volume 4, Number 9, 1 June 1859 — NA KE AUPUNI. NA KANAWAI CIVILA O KO HAWAII PAE AINA. MOKUNA VI. [ARTICLE]

NA KE AUPUNI.

NA KANAWAI CIVILA O KO HAWAII PAE AINA.

MOKUNA VI.

JVo. na Kuhina ; ano na Kiaaina. Pauku 30. Aole kupono kekahi kanaka no ka Oihana Kuhina a ke Alii, a no ka Oihana Kiaaina paha; ke ole oia he kanaka kupa a i hookupaia, a ke ole hoioia i hiki aku i ka pau ana o na makahiki he iwakaluakumamakahi Pauku 31. O kela Kuhina keia Kuhina, a o kela Kiaaina keia Kiaaina, mamua o kona hapai aha i kana Oihana, e hoohiki oia a e kakau i kona inoa ma ka palapala hoohiki, e iokua i ke Kumukanawai a me na kanawai, a e hana me ka pololei a me ka paewaewa ole i na hana i pili i kana Oihana. £ waiho puia a e malama pu ia ia palapala hoohiki me ka moolelo o ka Ahakukamalu, Pauku 32. E noho kela Kuhina keia Kuhina, a e malama i kona KeenaOihana, raa kahi e noho ai ke Aupuni, aole hoi oia e holo mawaho o ke Aupuni oiai kona noho Kuhina anaj koe wāle no ka hana o ke Aupuni a ka Moi e manao ai e holo aku ai oia e hana.