Ka Hae Hawaii, Volume 4, Number 27, 5 October 1859 — Lui Napoleona Bonepate, ka Moi o Farani. [ARTICLE]

Lui Napoleona Bonepate, ka Moi o Farani.

O keia aiii ka mea e ku pookela ana i keia wa imua o na kanaka a pau o ke ao nei. He mana nui kona e noho ana maluna o ke aupuni koa ikaika, a lehulehu oi i ko kekahi aupuni e ae. lloko o ke kaua ma Italia i pau iho nei, oia ka mea makaukau no ka hoouka kaua ma ke akamai no ka lanakiia. Ua oi aku paha ka nui o na koa o Auseteria, a ua makaukau like lakou no ke kaua ana, aka, aohe alii koa o kela aoao i akamai me ia i ke alakai ana a i ka hoouka ana. A ua . hoi hou mai ia i Parisa me ka hoonani nui ia n me ka mahaloia e like me ka mahalo nui ia 0 Bonepate akahi. Ua hanau o Lui Napoleona ma Parisa i ka wa e alii ana o Napoleona akahi maluna o Farani. O Lui Bonepate ke kaikaina o Napoleona kona makuakane. A i ka wa i kipakuia ka ohana Bonepate mai Farani ak.u, he keiki o Lui Napoleona. Nohono ia ma, Italia i keknhi wa, a i Helevilia hoi i kekahi wa, a ua hele hoi oia ma Amerika i kekahi manawn. Ua noho ilihue kela i kahi manawa, a he waiwai iki hoi oiai kekahi manawa. I na makahiki mamun, he haunaele kipi o kanaka ma Ilalia, a iloko o ke kaua ana o lakou me na koa o Auseteria, ilaila o Lui Napoleona me kona kaikuana. A make iho la kona kaikuaana iloko o ia kaua, a pakele wale o Lui Napoleona no ka [holo malu a pee. I ka wa i haunaele ai o Farani, makahiki 1848, a kipakuia o Lui Pilipo, e noho wale ana o Lur Bonepate roa Enelani. A lilo o Farani i Repubelika, ua kohoia o Lui Bonepate i luna ahaolelo me ke kahaha nui o na kanaka kua ia ia a pau. A koho ke aupuni 1 Pereaidena, ua loaa ia ia ka hapanui o na balota a pau, a noho Peresidena no ia i mau makahiki. Aka.no ka nui loa o ko kue mai 0 kona mau enemi, me ka ohumu e kihi ia ia, kali kela i ko lakou hoomakaukau ana e haunaele, hopu iho o Lui Napolena i na luna enemi, a hoolei ia lakou i na aina e. No ke keakea nui ia mai o Lui Napoleona 1 kona hoomalu Peresidena ana, haalele kela ia oihana mana ole, a kauoha aku kela i na makaainana e koho balota i moi. I ke koho ana ua loaa ia ia ka nui o na balota no kona moi nna e like me ka noho moi ana o Bonepate akahi. Mai ia manawa mai kona noho ikaika ana maluna o Farani. He nui kona kokua i oihana waiwai a pau, a ua lilo kona aupuni i mea waiwai nui. Ua nui na hana i paa ia ia, na pakaua hou, na awa, na manuwa, na pukuniahi, me na mea kaua a pau. Ua hoonani hoi oia ia Parisa i na hale nani hou, a me na alanui hou. Ua nui loa kona mau moku mahu, a ua makaukau kona mau manuwa e like me ko Beritania. Aole no i nui loa ka waiwai o Farani mamua e tike me keia wa, aole hoi i auhau nui ia oia mamua e like me keia manawa. No ka mea oa oi ka nui o na koa, a he mea hoopau nui na koa a me na kaua i ka waiwai. Ua makau nuiia’ku o Lui Napoleona e na luna kanaka o na aupuni e ae, I ko lakou manao, ua ma|emake ia e kaua hoopio i ko iakou mau aupuni. Aka, ke hoole mai ncj

ke Alii o Farani i kela manao. He aupuni kaua ole kona, walii ana Aka, ina hoino mui kekahi ia Farani, mo ka hana ino, mai, alaila he kaua. Nolaila i kona hele ana i Ilalia i ke kaua me Auseteria, hoomakaukaii koke iho la no kela mau aupuni o Europā i ko lakoH mau poe koa he lehule.hu e kue ia ia. O keia kue mai ke kumu o kona kuikahi e ana me Auseteria i kn vva i pau pono ole ke kumu i kaua ai. He alii naauuo o Napoleona, ua ike pono n.o ia i hana akamai. He nui loa nae kona poe enemi maloko a mawaho o kona aupuni, Nolaila kona ikaika e kinai i na oielo a me na hana kue ia ia. Ina i paa kona noho alii ana, ina ua oluolu paha kona hoomalu. E kali iki kakou e nana i kana mau hana mahope aku. Ke hooikaika nei ia e hoopau i ka makau oko Europa ia ia. E hoopololei āna i na kekee o kana mau hana mua; e hooluolu ana oia ika poe oluolu ole. Pela paha kona manao. Aia ike kakou, ua palekaua o Italia i kolaila mau mea kaumaha loa, a malu lakou mam.uli o ko lakou mau alii iho, a inama lakou ina mea koikoi e kau nei. A ike mai na aina o Europa aohe ona manao e hoopio ia lakou, alaila e maopopo no kona maikai. Aole i maopopo loa ia mau mea i keia wa. ,. Ke olelo nei ka poe kilokilo manawa, aole i pau ke kaua ana, no ka pau ole o na kumu kaua. He nui na mea hihia o Eumpa i koe, he nui ke kue o kekah: aoao i kekahiaoao. Pela no paha, Aole o kakou ike ina mea e hiki mai ana. Ike Akua no ia ike; ia kakou ka nana aku me ka noonoo i naauao ai.