Ka Hae Hawaii, Volume 5, Number 10, 6 June 1860 — Hoolewa kupapau. [ARTICLE]

Hoolewa kupapau.

I ka hora 5 o ka la hoomalolo iho nei ua hoolewaia ke kupapau o J. W. E Maikai. Akoakoa ka poe kanikau ma knna hale, ia hora; ilaila ka Moi, me L. Kamehameha, M. Kekuanaoa, Mr. Gregg, li, a me na’lii o Hale Alii, a me na Lunamakaainana, a me na koa haole, nui loa; ua kahikoia hoi a maikai, a me na wahine he nui loa. Ku o Limaikaika a hai i kekahi olelo kanikau no ka mea i make. Hookahi manao wahi ana iloko o na mea a pau ia hora, oia hoi o ke aloha, kaumaha, minamina, no ka nui o ka poho. Ua hele aku kekahi alii maikai, i manao nui ia e ka Moi, a me na’lii, a me keia lahuikanaka a pau loa, a nolaila keia uwe nui. Aole nae pono ke hoohalahala, a hoole hoi i ka hana a ke Akua nana i haawi mai, a lawe aku hoi; ua hemolele kana hana. E nana nae i ka pono o kana hana ia J. W. E. Maikai; he kanaka liilii ia mamua a ua lilo i kanaka nui, he kanaka hewa no hoi, a ua lilo i kanaka no ke Akua, i kana pule, i kona mau la hope, ua lana loa kona manao ia Iesu Kristo ka mea ola’i. Ua lana ka manao i kona make ana, e ala hou auanei i ka la mahope me ka nani, a me ka hauoli pau ole Pau ia, pule o Limaikaika, alaila hoolewaia ke kupapau maluna o ke kaa me ka pu kuniahi. Nani ka hele ana me ke kani o ka pahu. Hele pu ka wahine kanemake me ka Mea Kiekie L. Kamehameha, a ma- ? na makua a me na mea he nui ka poe hele lalani pololei. Hiki aku i ka lua, ka a pule o Kalaka; kuuia ka pahu, kani like na pu o na koa haole, a me na koa maoli, o ka pau no ia, a hoi nui. He umi keiki a Ehu ma, a ua pau loa i ka make aole koe; o Maikai ka hope loa. Hookahi moopuna e noho nei.