Ka Hoku o Hawaii, Volume XXII, Number 16, 18 September 1928 — Hoomanao aloha [ARTICLE]

Hoomanao aloha

Ke haawi aku nei na Lunanui me na Lala apau o ka Ahahui Kaahumanu Makua, Helu I o Honolulu, Oahu, i ka lakou hoomaikai nui ina Ahahui Pokii o Kaahumanu mai Hawaii nui moku o Keawe, me Maui o Kama na Hono o Piilani a hiki loa aku i ka aina kaili la o Manokalanipo, no ko oukou komo pu ana mai e U pu, e kumakena pu a e auamo pu ina luuluu me ke kaumaha i ili iho maluna o kakou a pau, no ko kakou Peresidena nui Lucy Kaheiheimalie Kaopaulu K. Peabody. Iuiau palanehe ihoo nei, a hoi aku la i ka moe Kapu o Niolopua e moe aku ana i ka moe kau a moe hooilo. Me ka minamina nui ame ke aloha paumako, oiai, luuluu Kaala i ka waimaka i ke kehau. Hau hoapulelehua o Kanoenoe, noe aloha ka Lana Waikoloa. Aloha wale la. Aloha ka makuahine hoomanawanui i hala. Aloha oia ina hoa kanaka apau. He mea hauoli nona ka ike ana mai ia kakou apau iloko o ke apo o ka nohona aloha me ka lokahi. Ke noi pu ae nei ka leo pule ina Manalani ia ka uhane o ko kakou Peresidena i aloha nui ia ma kela au ma o. O ke aloha o ke Akua me oukou a hui hou kakou. LAHILAHI WEBB Kakauolelo Ahahui Kaahumanu o Honolulu

Ma ka i&oko oka Poeha o kela pole ako oei, maiona oka Hah—* akaU i kao oa poalikoa on Maai oo ka hoooloiu aoa oo «lot pola.