Ka Hoku o Hawaii, Volume XXXIV, Number 11, 12 July 1939 — Maemae Ka Papa Kakau [ARTICLE]

Maemae Ka Papa Kakau

Haaheo nohoi makou i ka loaa ana ae o kekahi lono i hoopuka ia ma kekahi la o kela pule aku nei. no ka maemae o ka papa kakau o ke kulanakauhale o Hilo nei ma ka la 4 iho nei o keia mahina iho la.

I kau ia ae la kela poo manao maluna no ka hoomanao ia ana o ka la 4 iho nei mai ke kakahiaka a hiki wale no i ka po ana me ka loaa ole ana o kekahi ulia poino. Oia hoi ka ulia kaa, o kekahi ano ma ia la, eia nae hoi ma kekahi mau wahi okoa aku ua loaa maila na lono no ka poino ana o ke ola o kekahi poe a pela me kekahi mau ulia e ae oia nohoi na ulia kaa.

He hoailona keia no ka makaala ana o na makai i ka lakou hana, a pela nohoi me na poe e holo ana maluna o na kaa, ua holo me ke akahele a nana ae nohoi i ka pono o kekahi mea okoa aku.

Malia paha aia no iloko o kekahi poe kela iini aole o lakou makemake e loaa kekahi uīia ma ko lakou alahele no kahi e malamaia ana na hana hoikeike ame na hana lealea nohoi. Malia paha hoi, ua ike a hoomaopopo iho no lakou i ke koikoi o ka haawe e kau mai ana maluna o lakou pakahi i na nei no ke akahele ole e 01 loa iho ana paha ka haawe e auamo ana. He wa keia no ke koikoi oka haawe iloko ona auhau. He auhau ia ka waiona ame ka pakā puhi. O kekahi mea oi loa o ka nani ma kela la oia no he kakaikahi loa o na poe i ikeia aku ma kela kahaiaka ua luhe i ka wai o Paieie, a ola paha kekahi mea nana 1 hooemi mai 1 na ulia.

He mailie nohoi keīa la i ka wa i malamaia ai ke ka'i huakai a pela wale no a hiki i ke ahiahi ana, a hui me kela loaa hele loa o Hilo iluna, a kau i ka hano l na nohoi pela i na wa apau, he oi loa aku ia.