Ka Hoku o Hawaii, Volume XXXVII, Number 38, 13 January 1943 — Hoomanao No Kuu Mea Aloha [ARTICLE]

Hoomanao No Kuu Mea Aloha

Kulu Iho La Kuu Waimaka Nona Keia Wahi Kanaenae Kuu wahine i ka home a o Palikea, I ka uluwehi a o na Pua, Aloha no, ua hala, ua meha ia home. A he leo ua hala, ua pau Kuu wahine i Kauakukalahala o ke kaona Aloha kaua e Paumahao, Aloha no ka aekai o Nanakuli, Ua pau ko oukou hoope ana I kona mau helehelena, Aloha no ia mau wahi a maua i pili ai, Hala loa aku la no i ke Ehu Kai o Puaeha, Waialua Ua pau kou lohe hou ana i kona leo A hala loa aku no l na pali hauliuli o na Koolau. Aloha no oe, ua pau, ua hala Pau na mokupuni i ka hele ia, Me kuu hoa i na pali o ahi o Kamaile Kamaile, Aloha no kaua, ua pau, ua hala Aloha e na Pali kaulana o Makana, E kilohi ia ai ia mau wahi e kuu wahine hele loa Ua lei no wau i ko aloha, E kuu hoapili o na hono a Piilani Aloha no kaua, ua hala, ua pau No ka manawa mau loa. Mr. James Akimo