Kuokoa Home Rula, Volume VII, Number 41, 8 October 1909 — He Keikialii Iapana a Hoea Iho. [ARTICLE]

He Keikialii Iapana a Hoea Iho.

Ua loaa mai nei ia makou he lono telegarapa, eia ae a hoea mai o Lutanela Kuni ame kana aliiwahine i Honolulu nei maluna o ka mokuahi Tenyo Maru i ka la 18 ae nei, ma ko laua alahele huli hoi no ka home. Ua hoouna ia aku nei oia e ka Emepera i Amerika no ka nana ana i na hana'hookahakaha a na mokukaua ma ka Hudson Fulton ma ko Iapana aoao. A he hoa kula hoi oia no ko makou hoa o ka maka peni J. H. Hakuole ma ke Kula alii o Iapana i na wa i hala.