Ke Kumu Hawaii, Volume I, Number 18, 2 September 1835 — Page 142

142 KUMU HAWAII. (SEPATEMABA,

wale no ka hana ana a ka poe naaupo.
                19. No ke aha la i ae aku ai ka poe pono i keia hewa nui, aole i hooki ae?
                Eia kekahi, no ka ike ole ia mau hewa nui; eia hoi ka nui, no ke aloha ole i kanaka naaupo, a me ka malama ole i ke kauoha a Iesu.
                20. Heaha ka mea e hoola'i ka poe pono i ikaika lakou ma ka hoopau ana ia mau hewa nui?
                He pono ia lakou e aoia mai i ikelakou i ke ano io o ka poe naaupo i mahuahua ko lakou noonoo ana malaila, a i pule nui aku hoi lakou i ke Akua i hoola mai ia.
                21. He mea pono anei i ka poe Kristiano ke imi i ke ano o ka poe naaupo, a e minamina aku i ko lakou make ana?
                Ae; "Na ke Akua i hana i na lahuikanaka a pau i ke koko hookahi i noho ma ka honua nei,'' a nana no ia i hoonoho i ka poe Kristiano a pau i mau puukuu no ka olelo maikai, nolaila he mea pono ia lakou ke imi i ke ano o ka noho ana o kanaka a pau loa, i ike lakou a i hooponopono hoi.

NO KA HALE PULE MA WAILUKU.

WAILUKU, Maui, Iulai 27, 1885.
                E Tineka - E hauoli pu oe me makou, ma kou wahi mamua, no ka mea, ua paa ko makou hale pule. He hale lepo ia - ua maikai no nae. He umi kumamalima anana ka loa. Ehiku anana ka laula. Elima puka komo, ua paa i ka pane a me ma ami. He umi kumamalima puka makani, ua paa i na paneolepelepe. Ua hamo ka hale oloko i ka puna.
                A paa, hoolaa aku la makou i na hale nei ia Iehova, ka Makua, ke Keiki, a me ka Uhane Hemolele. Ia la, piha loa iho la ka hale – aole pau na kanaka i ke komo. Peneiia makou i hana'i.
                1. Noi aku ia Iehova, ka Makua, ke Keiki, ame ka Uhane Hemolele e kokua mai mamuli o ka makou hana ana ia la.
                2. Heluhelu makou i ka olelo a ke Akua. II. Oihanaalii, mokuna 6.
                3. Himeni aku makou i ka himeni 55.
                4. Pule aku la makou.
                5. Himeni hou i ka himeni 52.
                6. Ua hoakakaia kekahi olelo a ke Akua. Eia ka olelo. II. Oihanaalii 6:18. "E noho io anei ke Akua me ke kanaka ma ka honua ?"
                Ua haiia mai penei,
                I. He mea kupanaha ko ke Akua noho pu ana me kanaka.
                No ka mea - He Akua nui ia. - He nani - he mana - he hemolele - he maikai kona. Maemae kona naau - pono wale no kona noonoo ana - pololei wale no kana hana ana. Ke Akua lili no hoi ia hoopailua kona naau i ka hewa.
                A o ke kanaka, he mea liilii ia – ua nawaliwali - aole ona maikai – haumia kona naau. He kipi ia. He enemi i ke Akua. Pehea e hiki i ke Akua ke noho pu me kanaka ma ka honua?
                II. He mea makemake nui ia ko ke Akua noho pu ana me kanaka.
                O ko ke Akua noho pu ana me kanaka, he mea ia e oluolu ai, a e pono io ai kanaka. He mea ia e hiki ai lakou ke malama i ka la Sabati - ke noho pono imua ona iloko o kona hale - ke heluhelu pololei ma kana olelo - a ke pule pono aku ia ia.
                III. He mea oiaio ko ke Akua noho pu ana me ka poe makemake aku ia ia.
                Ma kona hale, hookokoke mai ke Akua, a noho pu me ka poe i komo iloko olaila me ka manao maikai.
                Me ka manao haahaa.
                Me ka manao pule.
                Me ka manao makemake.
                E pololi a e makewai ana i ka maikai.
                Me ka manao paa e malama i na mea a pau a ke Akua i kauoha mai ai.
                Manao uuku iho.
                1. Ua moakaka ka maikai o ka la Sabati.
                2. He walu hemolele ka hale o ke Akua.
                A pau keia olelo, haawi aku makou i ka hale ia Iehova, ka Makua, ke Keiki, a me ka Uhane Hemolele i lilo ia i hale nona, nona wale no - nona mau loa.
                E pule oukou - ea - e pule i ke Akua no makou i lilo keia hale a makou i kukulu ai i ipuka o ka lani.
J. S. G.

AI O KA LA.

HELU 24.
KA EPISETOLE A PAULO I KO ROMA.
MOKUNA 11: 16 - 36.

                16 A ina i laa ka hua mua, pela aku hoi ka popo palaoa; a ina i laa ke kumu, pela aku hoi na lala.
                17 A ina i haihaiia kekahi mau lala, a o oe he oliva ulu wale, i pakuiia, ma ko lakou wahi, e loaa pu ana ia oe ko ke kumu, a me ka momona o ka oliva,
                18 Mai hookiekie ae oe maluna o na lala; aka, ina hookiekie ae oe, aole e kau ke kumu maluna ou, aka o oe maluna o ke kumu.
                19 Alaila e olelo no oe, ua haihaiia na lala i pakuiia'ku ai o'u.
                20 Oia, ua haihaiia na lala no ka manaoio ole, a ma ka manaoia e ku nei oe, mai hoonaaukiekie oe, e hopohopo nae.
                21 No ka mea, ina i hookoe ole ke Akua i na lala maoli, aole no hoi e kokoe oia ae.
                22 No ia mea, e mana oe i ka lokomaikai a me ka oolea o ke Akua, he oolea i ka poe i haule, aka he lokomaikai no oe ke noho mau oe ma ka pono; a i ole e okiia auanei oe.
                23 A o lakou nei hoi, i ole lakou e noho mau ma ka manaoio ole e pakui hou ia auanei lakou; no ka mea e hiki no i ke Akua ke pakui hou ia lakou.
                24 No ka mea ina i okiia oe no luna mai o ka oliva ulu wale me kou ano maoli, a ua pakuiia ma ka oliva maikai me ke ano e, aole anei e pakui io ia na lala maoli i ko lakou oliva ponoi?
                25 No ka mea, aole makemake e ike ole oukou, e na hoahanau, i keia pohihihi (o akamai oukou i ko oukou manao;) ua loaa ka moowini i kekahi poe o ka Iseraela a hiki i ka manawa e komo mai ai ka nui o ko na aina e.
                26 Alaila e hoolaia ka Iseraela a pau, e like me ka mea i palapalaia, no loko mai o Ziona e puka mai ai ka hoola, a e pale aku i ka aia ana, mai o Iakoba aku
                27 A o keia ka'u berita me lakou i ka manawa e kala aku ai aui na hewa o lakou.
                28 No oukou hoi i lilo ai lakou i poe enemi, ma ka auanelio, aka, no na kupuna he poe aloha, ma ka wae ana.
                29 No ka mea, o na makana a me ke koho ana a ke Akua, me ka luli ole no ia.