Ke Kumu Hawaii, Volume I, Number 26, 23 December 1835 — Page 208
208 KUMU HAWAII. (DETEMABA,
ana, no ka ino o ka baka. Penei kekahi olelo ma kana palapala. "O ka puhi baka he moloa ia. He ino ke nana aku; he ino (pilopilo) i ka ihu; he ino i ka lolo; he kumu mai i ke ake-mama; a o ka uahi eleele pilau i hemo ae, ua like me ka uahi ino o ka lua ahi hohonu."
Hookokoke aku au i kekahi mau hoahanau ma Hawaii nei, e kamailio a he mea e ka hohono o ko lakou waha no ka ipu baka.
O kekahi wahine ma Kaawaloa. O Kaula. Puhi oia i ka baka, a pau ka muki ana i ka ipu baka aole i emo a poniuniu. Hele ae la ia iwaho a kiwi ae a hina ilalo i ka imu enaena. No ka nui o ka ona, aole ia i ike, a wela loa kona umauma, me ka ai a me ka maka. I kona moe ana pela, loaa i kahi kaikamahine, a kii koke mai la na makamaka a unuhi ae ia ia aka no ka nui loa o ka eha, aole i ola, kupaka iho la kekahi mau la a make e, oia ka hope o kona muki baka ana, aloha ino na muki baka!
Nui wale ka poe i hune—mai—haumia a make ma keia pae aina i ka baka, aka ke hoopili ino nei na'lii a me na kanaka i ka baka me he mea maikai la! Minamina lakou i keia kawowo ino kahiki.
Aole pela ke Alii o Tureke; ke Alii o Peresia a o ke Alii o Beritania. Aloha lakou i ko lakou poe kanaka,makau i ka mai, ka hune, ka nawaliwali e hiki mai ana ke lawa na kanaka i ka baka, nolaila ua papa aka la lakou i ka baka. C. F.
KAHI MELE.
HE HIMENI
1 Auwe, ke noho nei no au
Mawaena o ka make mau,
A me ke ola nae,
O kuu naau, ua paakuku;
Ua hoomaloka ia Iesu,
Ka mea e ola'i.
2 E Iesu, e hoano hou
I ka naau nanea o'u,
I pono kuu manao.
Nau hoi au e hoomaemae,
Ano, i keia la ola'i,
O make e no wau.
3 A hiki mai ka Haku mau,
Maluna iho o na ao,
I kela la hoopai,
E ku iluna anei au,
Aia ma kona lima akau,
E maluhia mai?
4 Eia no ka'u e malama'i,
E mihi a e hilinai
Maluna o Iesu.
A kii mai nei ka make ia'u;
Aole loa o'u makau;
E palekana no. L. L.
HE PUAHIOHIO.
He umikumamakolu hale i hina ma Honolulu nei, i ka makani ikaika loa makai mai. He puahiohio ke ano; hookahi minute, hina koke iho la na hale, i ka pili o ke ao, i ka 15 o ka la o Detemaba.
Eia ka inoa o na mea nona na hale,
Kinopu, 3
Kaumealani, 2
Wahinealii, 1
Keoniana, 1
Keaweluahi, 1
Hoke, 1
Nalino, 1
Keaweamahi, 1
Kamanawaulu, 1
Kekela, 2
13
HE UA.—Ua ua mai ka ua ma Oahu i keia mau la ehiku. Detemaba 14, ka hoomaka ana.
NA MEA E POINO AI KA AINA O PALESETINA.
He aina oluolu no Palesetina, he aina maikai, aole he mai pinepine malaila a me na mea e poino ai; aka, aole i kaawale loa ia mau mea. O kekahi mau mea e poino ai, oia ke ahulau, na olai, na makani ikaika a me ka puahiohio, ka maloo ana o ka aina., na uhini, ka wi, ka makani make, a me ka hekili a me ka uila a me na hua hekili.
Ke Ahulau. Aole i hiki pinepine ia mea ma ka aina o Palesetina, aka, ua hiki kakaikahi no, Hal. 91: 3, 4.
Na Olai. Ua ike pinepine ia na olai ma ka aina o Palesetina. Ikaika no kekahi a hiolo na pali a hookaawaleia na mauna, Ha. 46:2; I45 4, 6; Isa. 24: 20.
Na Makani a me na Puahiohio. I ka hooilo a i ka "wa anu" no hoi ua pa pinepine mai na makani ikaika loa me na puahiohio a me ka ua a me na hua hekili, Iob. 37: 9; Isa. 11: 15; Isa. 17: 13; 21; l; 60: 24; Hal. 73; 13.
Ka maloo ana o ka aina. Aole ua mai ka malama o Aperila a hiki i ka malama o Sepetemaba. Nolaila, maloo ka aina ma kahi kahawai ole, nakaka, a make na mea kupu.
Na Uahini. I kekahi manawa, he lehulehu lakou ma Palesetina a ma na aina e kokoke mai ana, a no ka nui loa, pau ia lakou na mea kupu, o ka nahelehele a me na mea ulu o ka mahinaai, Puk. 10: 12, 15; Ioela 1: 4.—20, Neh. 3: 17; Sol. 30: 27; Ioela, 2: 2—10.
Ka Wi. He wi no ma Palesetina i kekahi manawa no ka pau loa ana o na mea ulu i na uhini a no ka loaa ole mai o "ke kuaua mua'' a me "ke kuaua hope'' Kin. 12: 10; 26: 1,
Ka makani make. I kekahi manawa, pa mai no ma ka hema o Palesetina ka makani make, o Samile ka inoa. No Arabia mai, a no Aferika mai paha ia makani. Aole he makani pa pinepine ia a kakaikahi loa paha ka hiki ana mai ma Palesetina. Ua kapaia ia makani, o ka makahi make, no ka mea, ina e hanu iho ke kanaka a o ka holoholona paha, e make koke no, aole e ola. Ina kokoke hiki ia makani, makau loa na holoholona a pau: holo no lakou me ka uwo nui, a eku ka ihu ilalo i ke one: oia ka mea e pakele ai na kanaka a me na holoholona, o ka moe ilalo i ka lepo a hala ka makani, alaila, ala mai. Aole loihi ka pa ana, eono paha minute a ehiku paha kekahi. Ua oleloia ma ka Wanana a Ier. 4; 11.
Nui anei na mea e poino ai ma ka aina o Palesetina, uuku paha?
Heaha kekahi mau mea poino ai?
Heaha ka mea i oleloia no ke ahulau? a me na olai? a me na makani ikaika? a me na ua puahiohio? a me ka maloo ana o ka aina? a me na uhini? a me ka wi? a me ka makani make?
Oahu: Mission Press.—R. TINKER, Editor.
E. O. HALL, Printer.