Ke Kumu Hawaii, Volume III, Number 12, 8 November 1837 — O KA MAKE O KAIANUI. [ARTICLE]

O KA MAKE O KAIANUI.

Eia kekahi kanaka, o Kaianui, kona moa: pili aku la ia i ka auau, i ka pena, kona wahi i auau ai, lalau aku la oia i ka hee a ai iho la oia iloko o ka wai, i mai la Keoki; e ai pu me ka ai: i mai o Kaianui; he like no ka ia me ka ai. Ai uhauha iho la oia me ka lealea o kona kino. Aole paha i manao oia e make koke, hoi mai la lakou, mai uka mai, a hiki i kahi o Palu, hana iho

la o ua o Kaianui, i mea ai na Keoki. A ahiahi loa iho la, i aku la o Kaianui, E hoi au, i aku la o Keoki, me ona wahi ohua na ka wahine. Hoi aku la ia me ka mai ole; a hiki i kona hale, kii aku la o ua o Kaianui i ka ipukukui, me ka mai ole o kona kino. A ala laua a hiki, iwaena konu o ka po, i ka hora umi. Moe iho la laua haule iho la oia ilalo ke alo. Nunulu iho la, a uumi i kona hanu, lalau iho la ka wahine, hoohuli ae la ia ia. Ua kaa kona onohi eleele. Ua hemo kona alelo iwaho. Make loa iho la oia, aole paha i minute kona make ana, kiiia aku la ke kahuna, nana iho la oia, i iho la, aole oia nei e ola; he kalo hoolaa ko ia nei mea i make ai. Iwakaluakumamawale la i hala Okakoba, make oia. Napiho. Novemaba, 1837.