Ka Lanakila, Volume I, Number 1, 1 July 1909 — E HOOKUONOONO. [ARTICLE]

E HOOKUONOONO.

Oiai makou e hoomaopopo ana i ke kulana nee mua o na lahui e ae e luakaha nei ma ko kakou mau kaiaulu nei ma ke kulana hoomakaulii a hookuonoono, elike me na ilikeokeo, na Pukiki ame na Kepani no hoi e ike kumakaia aku nei ko lakou holomua i keia mau la, a pela no hoi me na Pake me ko lakou mau halekuai nunui a liilii e hoolako mau ia nei me na waiwai kuloko a kuwaho, oiai nae, me ka hoomanawanui no ame ka hoomakaulii ana i kahi loaa uuku, nie ke kahe no hoi 0 ka hou o ka lae i na manawa he nui i ka paeli ana 1 ka lepo ame na hana like ole e ae a nui wale, pela iho la i pii malie ae ai mai lalo mai a hiki inaoli i ka noho ulakolako ana, aka, iloko o ia wa hookahi, aole i nele ko lakou hoahu ana i na hunahuna elala liilii a hiki i ka mea mahuahua, me ka hoihoi mau ana iloko 0 na hanako hoahu a iloko no hoi o na hui imi waiwai, e ai ana me ka pakiko, e hoolilo ana i kahi a iiookoe 1 kahi, no ka hooikaika ana e loaa i waihona a i puuhonua hoomaha no na la inea a maluhiluhi, na la o ka pilikia e kiei mai ai ma na ipuka o kela ame keia mea. I ko makou hoomaopopo ana i keia mea ano nui a ko'iko'i, ua konohia ia mai la makou e na noonoo e apo ana i ko makou mau hoa lahui apau iloko o ko makou mau puuwai, na hoa Hawaii o makou, mamuli o ka hoomaunauna wale ia o ka wa kupono no ka hoahu ana i loaa ai he waihona a i puuhonua hoopakele no na la pilikia e ka hapanui o lakou, a he kakaikahi wale no n& Hawaii e ikeia nei e hoahu ana ma na hanako a iloko

o na ahahui, a he oki loa aku hoi ma ka hapai ana * na hana kalepa waiwai. O ka KA LANAKILA e kau 'leo nei i na Hawaii, e hoomanao i na la ino o hiki mai, mai uhaai wale, e pakiko ma kahi loaa uuku a e hoomanao i wahi waihona. īna no ka maka'u i ke komo i na hui no ka nele i ka hana i kahi wa a kumu e ae paha, e aho no ka hoihoi ana i ka hanako elike me ka Banako o Bihopa; Eanako Hawaii, a pela aku, aohe mau auhau maluna ou no ia hana. Ina e hala ia oe na'mahina eono a hookahi makahiki paha ma ka hoahu liilii ana, aole i kana mai ka hauoli o na noonoo, a he oluolu pu no hoi. ❖ ❖ ♦>