Ka Lanakila, Volume I, Number 2, 8 July 1909 — MAI LALAU I KOU PEPEIAO, AKA E NANA KOKE I KE ANIANI. [ARTICLE]

MAI LALAU I KOU PEPEIAO, AKA E NANA KOKE I KE ANIANI.

Ma ka wehewehe a na loea pili i na ike anatomia o na kino kanaka, ua hoike ae lakou i- kekahi mau mea e pili ana i ko kakou mau pepeiao. 0 na pepeiao o kakou e oia mau ana

ka ulu ana; a elike me ka nui o na makahiki o kahi mea, pela no auanei ka ulu mau ana o konā mau pepeiao; oiai nae na lala e ae o ke kino e emi mai ana ko lakou ulu ana. O ka wahine me na pepeiao liilii i ka iwakalua o kona mau makahiki, e ike ana oia ke hoomaopopo iho i ka nui ae o kona mau pepeiao ke hiki aku kona mau makahiki i ke kanaha; a e palua iho ana hoi ka nunui o ua mau pepeiao la ke hiki aku kona mau makahJki i ke kanawalu. Ēia hou, i ka wa i nauaia ai e kekahi o keia poe loea na pepeiao he kanawalu t,ausani, ua hoike ae oia aole loa he hookahi kanaka i loaa iaia na pepeiao like loa o kekahi me kekahi. O na pepeiao 0 kela ame keia kanaka he like ole ano nui, aole wale no nia ke ano, aka, ma ka nui pu, a o kekahi aole i like ko laua kau ana ma ke ana iliwai ame ke kiekie like. O Noredo (Nordau) ame Lomarose (Lombroso) kekahi mau mea i hoolilo nui loa i ko laua manawa ma ka noii ana 1 na mea .e pili ana i keia mea he pepeiao, a wahi a laua e hoomaka ana ka ulu ana o ka pepeiao i ka wa e piha ai ka elima o na makahiki o ke kanaka. Nui no ka huli ana i ka ike. (Pehea ina o Ekake ka inoa o kahi mea, ma ke ano hea e maopopo ai ka ulu ana o kona mau pepeiao? L. H.) ♦j* ♦♦♦