Ka Lanakila, Volume I, Number 6, 19 August 1909 — KE KO'IKO'I O NA KINO KANAKA MA IA MAKAHIKI. [ARTICLE]

KE KO'IKO'I O NA KINO KANAKA MA IA MAKAHIKI.

Ina o na kane, na wahine. na keikikane, na kaikamahine ame na bebe liilii —hiwapaa, hiwakea, lauhau-pala ame ano lahui no apau e kaupaona like ia ma ka mea ana kaumaha, alaila, e loaa ana ka averika haneri papna i kela a me keia pakahi. O ka averika kaumaha o kela ame keia bebe kane ma kona.wa e hanau mai ai, aole h e emi iho i ka ehiku paona, oiai nae o na bebe wahine he ehiku a emi iho mau paona. Ika umikumamalUa o na makahiki, ua like a like ke kaumaha o kekeikikane ame ke kaikamahine, aka, maluna aku o ia mau makahiki, e pii mahuahua mau aku ana ke ko'iko'i o ko ke keikikane i ko ke kaikamahine opio. 0 ke kanaka opio o iwakalua makahiki, e loaa ana ka averike kāumaha i ka haneri ame kanakolu kumamalima paona, oiai nae o ke kaikamaliine oia -makahiki hookahi he haneri ame umi wale no paona kona kaumaha. 1 ke kanaha o na makahiki o k-e kane, alaila, he haneri ame kanaha ka averike kaumaha okona mau paona, a he haneri kanakolu hoi ko' ka wahine.