Ka Lanakila, Volume I, Number 7, 26 August 1909 — Ka Wehewehe Moeuhane. [ARTICLE]

Ka Wehewehe Moeuhane.

Kau i ka lele.—O kou ike ana i kekahi mea ua liia, a i ole, o oe no paha ka mea i liia, he hoike moakaka ia no kou hiki ana a kau aku ma kekahi kulana kiekie iloko o ka aina; a o kau mau lawelawe oihana ana, e pakeu pali aku no auanei ka pomaikai ke hookauwa oe ia oe iho malalo o ka noho mare ana. Ka pila-hapa,—Ke lohe kou uhane i kona mau uhene ana, alaila., e oluolu auanei kou nawaliwali, a o ko kekahi mea paha e noho pu ana me oe ma ka hale hookahi. Ka wela.—O kou ike ana iho eia oe iloko o kekahi rumi wela, a i ole, he ikaika paha ka wela o ka La e poino ai oe, alaila, ke hoike mai la na ouli o ka manawa ia oe, eia oe maloko o na manao inaina a nonohua ana a kekahi mea. ' Ka lani. —O kou ike ana e pii ana oe no luna o ka. lani, a aole he mea kokua mai ia oe ma kou pii ana, ke hai maopopo mai nei ka moeuhane i ka pomaikai nui e nee mai ana e huipu me oe. A ina he mea keiki ole ka mea i loaa ai o keia haawina, alaila, e loaa ana iaia he keiki, a he hoailona hoi no kekahi waiwai nui. He haawina pomaikai loa no ka mea ilihune, a he hanohano no ka mea e akenui ana e loaa mai ia mea iaia. Mokupuni neoneo. —O ka haawina moeuhane e noho ana oe maluna o kekahi mokupuni neoneo a kanaka ole, he hoike ana mai ia i kou hana ana aku i kekahi mea pono ole e waia ai oe e kou mau hoaloha ame na makamaka, a no ia kumu e haalele mai ana lakou ia oe. E akahele ma kau mau hana mahope iho o ka loaa ana o na moeuhane o keia ano ia oe. Hauoli.—O ka hauoli nui ana o kou uhane oiai oe e moe ana, he omaka ana ia o ka hua nui ana o na popilikia maluna ou. Ka moi.—Halawai a kamailio pu ana me kou moi, a i ole, honi ana paha i kona lima, e loaa ana ka hanohano ia oe maluna o kou aina. Niho. O ka moeuhane ua huki oe i kou mau niho, he hoailona ia o ka popilikia pili i kekahi o kou mau ohana. O ka helelei wale ana mai no o kou niho mai kou waha mai, he hoailona ia o ka hune, ke kaumaha ame ka poino. Kaahele. O kou kaahele ana maluna o kekahi kaa, he hoailona ia no ka halawai ana mai p

na pomaikai he nui ma kau hana. Ka uwila.—O ka olapa uwila i halawai mai me oe ma ka moeuhane, he kumua'o maikai ia e a'o mai ana ia oe e makaala no ka onene e ulu ae ana mawaena ou ame kou ohana. Pela moe. Ke hoiko mai nei ka pela moe i kona ano maoli, nolaila, aia he hauhili mawaena o olua. E makaala aku no keia haawina ma o kona hopena'la. Punana. Oka ike ana ika punana, he hoike ia i pi'i paa loa i ka loaa nui ana mai o ke dala ia oe. A ina he mau hua ko ka punana, alaila, e nui a mahuahua ana kau mau loaa, ā'ke pilia ka punana me na hua, he uku loa aku hoi ia he i'a no Kahoolawe. Kaupoku.—lke oe i kaupoku o kou hale e noho ana, alaila, e hoomanao iho ma ka wa o kou ala ana ae, e loaa nui ana ka pomaikai ia oe. —