Ka Lanakila, Volume I, Number 14, 14 October 1909 — Na Uku o Kela ame Keia Hoakaukanawai o na Aupuni Like Ole Pu'ipu'i Kekahi a Oloolo-Olohaka Kekahi a O-pa ke Hele. [ARTICLE]

Na Uku o Kela ame Keia Hoakaukanawai o na Aupuni Like Ole

Pu'ipu'i Kekahi a Oloolo-Olohaka Kekahi a O-pa ke Hele.

Repubalika o Aregenbtine.—O na lala o ke Senate ame ko ka Hale o na Hope o keia aupuni, eia ke loaa nei ia lakou pakahi he umikumamalua tausani peso ($5,300) o ka makahiki. Auseturia. —O ka hale o luna (Herrenhaus) aole o lakou ukuia. O na lala o ka hale o lalo (Abgeordnetenhaus) ke ukuia nei lakou ma ka umi florins ($4.20) o ka la ma ka wa wale no e noho ai ke kau y me ko ke aupuni uku pu i na lilo kaahele o na lald. Badena.—O na lala ona keena kaukanawai a elua (Chambers of the Landtag) ke ukuia nei he umikumamalua mareko ($3-oo) o ka la, mekauku pu o ke aupuni i na uku kaahele o kela ame keia lala. Bavaria. —Aole he uku no na lala o ka hale o luna; o na lala o ka hale 0 lalo he umi mareko ($2.50) 0 ka la ma ka wa o ke kau, me ka holo wale ana maluna o na alahao. Belegiuma.—Aole he uku e loaa aku i na hoa oke Senate. Ona lala oke Keena ona Hope o lakou ka poe ohi a-la-paa o eha tausani palakiko ($00.00) o ka makahiki, a he manuahi wale ke kaa ahi no ka holo ana mai ko lakou mau home mai a ke kulanakauhale o Berusela. Kanada.—He iwakaluakumamalima haneri ka uku pakahi o na hoa o ke Senate no ke kau, me ka uku hoopai o umikumamalima dala o ka la no ka hiki ole aku. Oia puulu iliili pohue hookahi no ko ka Hale o na Makaainana. Denemaka.—-He umi koronero ($1.65) oka la ma ka wa o ke kau, me ko ke aupuni uku ana 1 na lilo kaahele no ka hele ame ka hoi ana aku o na hoa. Palani.—Ua maheleia ka Hale Kaukanawai o keia aupuni i na hale elua, ko na Senatoa ame ka Hale ona Hope; ano ka uku he eiwa tausani palakiko ($i,8oo) oka makahiki. He uku hoomau ke loaa ana i kekahi hoa i pau, ka wahinekanemake ame na keiki. Beritania.—Ole keneta mai ke aupuni aku no mea he uku ana ina hoa kaukanawai oia aupuni. Helene.—He ekolu haneri ame kanaonodala no ke kau, rne ka uku kaulele puia no ke kau kuikawa.