Ka Lama Hawaii, Volume I, Number 21, 27 September 1834 — No ka Lama Hawaii [ARTICLE]

No ka Lama Hawaii

Auhea oukou e na haumana o ke kulanui o H'awaii nei. Eia ko'u manao ia kakou, o ka hoohewa a na o kekahi o kakou i ka noho malihini. I ko'u manao, he pono ka noho malihini i keia wa, no ka mea, ke hoopaa kakou ma ka mea a kakou e hana nei. Ua akaka loa ka pono i ko'u manao e nolio nei. Eia ka mea i akaka ka hewa ia'u, o ka noho lehulehu ana o na kanaka ma ka hale hookahi, he nui ke kamailio ma ka mea lapuwale, aole pono ka noonoo, aole akaka ka manao maikai ma ia mea, kamailio wale no a haalele wale, aole malama. Oia ka hewa nui o kakou i keia wa. Ina kamailio ma ka lealea, auwana loa ka nianao, nolaila, ua hewa ka noho lehulehu. I ko'u manao, he pono ka noho malihini, aolei huhuia mai e na'lii, aole i kipakuia mai; aole nae he pono ia kakou e noho wale i keia wa, e noho hana kakou i pono ai ka noho malihini, e imi kakou i ko kakou manao a kakau ma ka pepa, e malama kakou i ka kakou mea e hananei. O ka mea ehaalele wale i keia hana; eia ka hope, o ka hilahila, imi lakou i mea e nalo ai ka hilahila, o ka lealea paha ka mea e nalo ai, aole paha, 0 ke aloha paha» Ua akaka loa ia'u ke ano o ka poe haalele ia hana a ke Akua, ua hilahila 1 .kou i ko lakou manao lapuwale iho, kuamuamu lakou i ke Akua, i mea e make koke ai, a nalo koke ka hilahila. Ufi akaka no ka hilahila, o ka poehaihai i ke kanawai, imi lakou 1 mea e pau koke ai; manao lakou e hana hewai ka pono, manao pa-

ha lakou o heneheneia'ku e na kanaka o na aina e, hooloihi lakou i ka lakou hana i ike ole ia e na kanaka ka kakou hana ana. Auhea oukou? Ina e hoomau kakou i ka kakou hana, aole kakou e hilahila. ina e uhai kakou i ka berita a lehova a ko kakou Akua, he nui ko kakou hilahila no kokakou haalele ana, hemahuahua ko kakou hewa i ko lakou la.