Ka Leo o ka Lahui, Volume I, Number 12, 3 September 1889 — Moku ka Piko la. [ARTICLE]

Moku ka Piko la.

I kekahi la i hala iho la, ua hoea mai la o Mr. Kaneailua o Kaiihi io makou nei, a hoike mai la i ka pau o kana poe lawe Pae Aina i ka haalele, he ewalu ko lakou nui, a ua lawe aku he 25 o ka makou pepa. Ua hai mai kela i ka ninau ana mai o Kawainui i ke kumu o ka haalele o na kanaka i kana nupepa, a ua pane ia'ku, no kona hanohano a me ka imihala a kuamuamu i ka Moi, i ka lahui a me J. E. Bush a me ke koikoi e li ia a e pepehi ia ka poe a pau e manao wale ia nei he poe kipi. O keia na hoike i ka oiaio o ka makou i olelo mau ai - he puuwai no ko na kanaka Hawaii a ua ike lakou i ko lakou poe makamaka a me na enemi.