Ka Leo o ka Lahui, Volume II, Number 114, 23 January 1891 — Page 4
| This text was transcribed by: | Pam Sinclair |
| This work is dedicated to: | John Koko |
KA LEO O KA LAHUI.
"E Mau ke Ea o ka Aina i ka Pono."
HE KAAO No DON KUPIDOA.
KA WELI O NA MEA HUNA POHIHIHI – KE KIHAPAI PUA PAHAO HAO O KAMEPULIA – KE ALAHELE O NA MEA HUNA ELUAME KA LUAWAI KAMAHAO O TAWANIA.
Iloko o keia wa, ua hilikau koke aela na pahikaua a ua mau keiki alii ala me na lima eleu o Don Tubidoa, a kakahi aela ka lakou mau pahikaua iloko o ia manawa me ka eleu lua ole.
Ia wa nae a lakou e noke ala i ka hakaka, aia ka moi a me kana kaikamahine iloko o ke kaumaha nui aole laua i maopopo heaha la ka laua mea kupono e hana aku ai imea no laua e pakele ai.
Aole laua i manao iki o ke kanaka palani keia e hakaka nei me na keikialii, ua manao kuhihewa no laua o na wahi koa kiai no la eia ka o ke kae’a’ea Don Tubidoa.
Oiai hoi Don Tubidoa ma e noke ala i ka hakaka, ua hoike piha aela eia i ka eleu o kona mau lima elua ma o ka paio ana i hookahi keiki alii hookahi lima.
Ua kaulana mau keia mau keiki alii i ko laua akamai a me ko laua piha eleu ma keia hana o ke kaua aka, ia Don Tubidoa hoi ua pahu’a ko laua ike kaka pahikaua no ka mea, iloko o na minute elua wale no, ua moku aku la ka lima akau o kekahi keiki alii a o kekaei hoi ua moku aela kona auwae a lele ana ka umiumi i kahi-e.
Ia wa nae, ua loaa pono maila o DonTubidoa i kekahi hauna pa hikaua mai kekahi mai o na ‘liikoa mai, a moku kona lima hema, aole nae i lele loa.
Aka, ia Don Tubidoa aku hoi pau mai na keiki alii a na aliikoa, a ahu mokaki iho la lakou iloko o ka rumi.
Ua kunihewa ka moi a me ke kaikamahine alii ua make la ke keiki alii Palani, eia ka auanei ua lanakila oia maluna o na puuwai eleele.
I ka pau ana o keia poe i ka eha ua kahea aku la o Don Tubidoa i ke kaikamahine alii.
Ua pane mai la ke kaikamahine alii maloko mai o kona rumi e noho ana: Eia no au.
E hemo mai iwaho nei, ua auhee aku na minute o ka hopohopo, ua lana malie ka wai i keia manawa, ua pau na powa i ka eha ia’u.
Oili mai la ua kaikamahine ala me kona muumuu moe-po wale no me ka phia maka’u pu no hoi.
Ia puka ana mai, holo aku la oia no ka rumi o kona makuakane a hoike aku la oia no na mea a pau, akahi no a hoi pono mai la ka noonoo o ka moi iaia, a manao ae no ke oia.
O na keiki alii hoi a me na alii koa, ua kauoha ae la o Tubidoa ina wahi koa kiai e halihali ia lakou a hoopaa aku maloko o kekahi lumi me ke ki a paa a e kiai pu aku hoi a hiki i ke ao ana.
Ua ae mai na koa, a ua hooko aku laua i ke kauoha me ka hakalia ole.
Ua nui ko laua kahaha a me ka moi pu kekahi no na hana a Don Tubidoa, kona akamai a me ka piha eleu pu no hoi.
O na koa hoi o ua mau keikialii ala, aia no i waho kahi i kali mai ai, a he elua mau aliikoa e ku ana ma ka puka, a ua ike make mai laua i ka haule pio ana o ua mau keikialii ala a me na alii koa me laua, a no ia mea, ua mahuka laua i ola honua.
Na laua i hoike aku i keia mea i na koa, noia mea, ua auhee aku la lakou me ka hopohopo nui no keia kanaka.
Ua lohe wale no lakou no Don Tubidoa a me kana mau hana koa loa, akahi no hoi a ike maka, pau kuhihewa.
No Tubidoa hoi, huli ae la oia a komo aku la iloko o ka rumi o ka moi, a e kulou ana oia maluna o ka noho me kana kaiamahine iloko o ke kaumaha nui.
Ia Tubidoa i komo aku ai, ua pane aku la oia: E ka moi, e hoolana i kou manao no ka mea, ua maluhia hoi oe, aohe mea nana e hoonaueue kou noho alii, ua paa i ke kaomi ia e a’u nei, ka hi’apaiole o Peresia a me ka dainamita hoopohu o Palani. Aole i pau.
KUAI HOOPOHO LOA! No Ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 l –a no a $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kino hinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea heokahi, a pii aku.
Na KAMAA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a peia aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULE keakeo i aiana ole ia, he oluolu ke kuai ana, a he nui wale aku no loe o na waiwai e kuai kooeini ia aku ana, mai hoohaka i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko’u hale.
F. MOSES KEUMI. ALANUI MOE. tf.—d
PAPA KUHIKUHI O KA HUI ALAHAO A ME AINA O OAHU.
E HOOMAKA ANA MA KA LA 25 O OKATOBA, 1890.
MANAWA HOLO:
A. M. A. M. P. M. P. M.
Haalele ia Honolulu *6:15 8:45 1:45 5:30@
Hoea ma Honouliuli *7:20 9:49 2:49 5:35@
Haalele ia “ *7:30 10:51 3:51 5:45@
Hoea i Honolulu *8:35 11:55 4:55 6:30@
* Lapule wale no.
@ Poaono wale no.
Oct. 21, 1890 tf—d.
H. P. K. Malulani.
HE LOIO a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pali. E ohiia no hoi na aie me ke ku i ka, eleu a me ka puahiohio. Nov 8 ’90, d---ly.
Olelo Hoolaha.
Ka hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimooipo, Hale Kaa o ka Moi, a i ole i ko’u home paha.
MRS. C. I. HAIRAM. Haimoeipo, Honolulu, Oct. 8, 1890. 3 na—d.
Olelo Hoolaha.
Ke kauoha ia aku nei na kanaka a pau i aie ia C. J. Hiram i make, e hookaa koke mai i ko lakou aie ia MRS. C. I. HIRAM, a i, ol@ ia, ia D. DAYTON. O na poe a pau e hookaa ole mai ana a hala na la he 30 mai keia la aku, e koopii ia no lakou e like me ke kanawai.
MRS. C. I. HIRAM. Haimoeipo, Honolulu, Oct. 8, 1830. 3ms—d.
Hoolaha Hookapu.
Ke papa loa ia aku nei na kanaka a pau o keia a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C. I. HIRAM. Haimoeipo, Honolulu. Oct. 8, 1890. 3ms.—d
A. J. SCHREIBER KA OLOHE. HANA WATI ME NA MEA GULA.
O ka hana hou ana i na wati pakeke, kau, hale, a me na mea dula o kela a me keia ano, ne waipahe ioa ka auhau, a pela no hoi me na mea i paa mua. O ka mea e holo ana ia kaua oia ka’u e hana ai.
ALANUI HOTELE [Malalo o ka Aline tona.] Oct. 27, 1890. tf-d
Hale Kuai Wati Nui HELU 1 No C. Ah Kau.
Ka oi o na mea Gula, na DAIMANA, na POHAKU MOMI ma kamae loa, na WATI GULA, na WATI DALA & C., na omu o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a pae ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai na hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ai a i keia oihana me ka emi loa a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.
E naue nui mai, a e iko no oukou iho. O na mea hou loa wale no i ike mua ole ia ma Hawaii nei
C. Ah Kau.
NA LAKO KALA! HE $5,000 KA WAIWAI IO
MAI NA MEA ANIANI, A NA KII. NA MEA PAANI A ME NA LAKO DALA.
E Haawi Makana ia aku ana. Na Lako Dala! Na Lako Dala!
$2.50 - NO 30 LA WALE NO. ----$2.50
I@ ka Poakahi. Dekemaba la S. 1890, ka hoomaka ana o ka makou kuai hoopau i ukali ia e na makana o na lako dala, na mea paani na kii a na kamalii, a me na lako hoonani aniani o kela a me keia ano.
Kloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako Wai-Dala. E Alawa ae ma na Pukaaniani o ko Makou Halekuai Alakai.i ike i ke Ahua nui o na Makana Makame a Makou i ko Makou poe kuai.
Chas. J. Fishels.
Ma ka Halekuai hoopau. MA KA HALE ILUNA E HANA IA AI NA LOLE. KIHI O PAPU ME HOTELE. Daily tf
Hoolaha Hou! B. F. EHLERS & CO., ...Painapa.
Ua loaa mai nei ia makou he mau waiwai hou loa, oia hoi na KAKIMIA, KINAMU KEOKEO HALU’A, CHALLI, VIKOLIA KEOKEO IA ME NA....
Mikilima o ma ano a pua, a me na [paku] [puka aniani] o kela a me keia ane, no na kumukuai haahaa loa.
B. F. EHLERS & CO. Alanui Papu, Honolulu....25...d3ae