Ka Leo o ka Lahui, Volume II, Number 120, 2 February 1891 — Page 4
| This text was transcribed by: | Brody Mccurdy |
| This work is dedicated to: | Ko‘u ‘ohana |
KA LEO O KA LAHUI.
"E Mau ke Ea o ka Aina i ka Pono."
HE KAAO
NO
DON KUPIDOA
KA WELI O NA MEA HUNA POHIHIHI – KE KIHAPAI PUA PAHAOHAO O KAMEPULIA – KE ALAHELE O NA MEA HUNA ELUAME KA LUAWAI KAMAHAO O TAWANIA.
Ua pane aku o Tubidoa e kali malie ka moku no kekahi mau la a hiki i ka wa a Tubidoa e makemake ai e hoi no kona aupuni.
Ua noho hou ka maku no kekahi mau mahina elua hou a me keia ano i loaa ai ia Kalolina he manao ua auwana aku nei paha kana kane.
Me keia mau ano, ua hoouna malu ia aku la kekahi mau moku i lako pono me na koa e holo a e hopu pio ia Tubidoa a e hoihoi ia mai oia no ka hookolokolo ana, ina nae he auwana kana hana o ke aupuni o Suedena.
I ka hala ana aku o na moku, a he elua la paha i koe la hoea aku ua mau moku ala no Suedena.
Ua holo mai la o Tubidoa me kona moku me kona haalele ana aku i ka mea nui waliwali ana no kona aupuni, a me na olelo kauoha pu aku no hoi penei:
Eia au ke hoi nei no ko'u aupuni a e kali oe ia'u iloko o na la he 100 a hoea hou mai no pu i ou nei, a ia wa auanei kaua e noho paa ai.
Ua nui ka uwe o ke kaikamahine Kalawalina no keia hoi ana o Tubido, aka, no kela huaolelo hookahi haneri la i hookanaaho aku i kona manao.
Ia Tubidoa hoi e hoi ala a hiki i ke aupuni o Palani, aole oia i halawai iki mai me kekahi mau moku ma ka moana, a ua ike ia maila hoi ka moku e ka poe o ka aina.
Lele aku la keia iuka o ka aina o kona makuahonowai kane wale no kai hele mai, a Karolina hoi, aia no oia i kauhale, ua nuha.
Hiki aku la keia i kauhale@ lohe iho la o Don Tubidoa i kekahi wahi mea huna.
Na keia mea i hoauo-e ae i kona manao a oia no hoi kana i pane iho ai iaia iho penei: Ua pono no ka ko'u hana ana i ka hewa me kela nohea o Suedena, eia no ka hoi oe ke auwana nei.
O keia mea hou ana i lohe mai ai, oia no na mea e pili ana i ke keiki Italia Ioniera, he keiki hoi i lehia ma na mea kani, a o kona oi aku paha, oia no kona kileo nanahe luaole, me he mea ala e kaili maoli aku ana no i ka puuwai o ka nohea Kalolina.
Aole nae i hoike aku o Tubidoa i kona manao huhu ua noho hamau iho la no oia, a o kana wahine hoi ke niena wale ala no oia i o a ianei me he leleiona ala.
A hala aela keia la, ua nui no na olelo hoonianiau i kukai ia mawaena o ua mau ipo ala no na mea e pili ana no na hana a Don Tubidoa ma ke aupuni o Suedena, aole nae he mau olelo kupono i pane ia aku e ua Tubidoa ala.
Aia nae iloko o Dia Kalolina ka manao ino puuwai eleele no Don Tubidoa a ua makemake oia e make no kona manao no ua hana no kana kane i ka hewa.
Me keia mau manao ino iloko o ua nohea ala a i ka uhi ana mai o ka poeleele, a mamua a‘e hoi o ka hoi ana aku ona e moe, ua lawe pu aku la oia he pauku kaula he elua anana ka loihi, a me na lako kaua eae, i lawe oia i keia mau mea i kokua nona a ua paa kona manao e paa pio ana o Don Tubidoa iaia.
Lawe aela oia i ua mau mea ala a huna iho la malalo o ko laua wahi moe me ka ike ole kana kane eia kona make ke hana ia nei e kana wahine puuwai lokoino.
I ka hiki ana i ka wa e hei ai e moe, ua hoi aku la laua a moe iho la.
Aole i pau.
HOOLAHA OIHANA WAI.
I kulike ai me ka Pauku 1 o ka Mokuna 27 o ke Kanawai o 1886.
Ma keia ke hoolaha ia aku nei i na mea a pau e lawe ana i kekahi pono wai piula, ua hiki mai ka manawa hookaa a e hookaa ia ai o ka uku wai no ka manawa e pau ana ma ka la 30 o lune, 1891 ma ke Keena Oihana Wai o Honolulu ma ka la mua o lanuari, 1891.
O ka poe e uku wai ana e oluolu e lawe mai i ka lakou likiki hope i uku ai.
E uku ia na uku wai ma ke Koena o ka Oihana Wai ma Honolulu, ma Kapuaiwa Hale.
CHAS. B. WILSON,
Luna Nui o ka Oihana Wai.
Honolulu, Dec. 20, 1890. tf-d.
KUAI HOOPOHO LOA!
No Ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU HAWAII PON OI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine I kinohinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi, a pii aku.
Na KAMAA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULU keakeo i aiana ole, ai he oluolu ke kuai ana, a he bui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.
F. MOSES KEUMI.
ALANUI MOI. tf – d.
PAPA KUHIKUHI
O
KA HUI ALAHAO‘A ME AINA O OAHU
E HOOMAKA ANA MA KA LA 25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15, 8:45 1:45 4:30†
Hoea ma Honouliuli *7:15 9:49 2:49 5:28†
Haalele ia “ *7:45 10:51 3:51 5:50†
Hoea i Honolulu *8:40 11:55 4:55 6:45†
* Lapule wale no.
† Poaono wale no.
Oct. 21, 1890 tf – d.
H. P. K. Malulani.
He Lo@@ a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la‘i o Kukaiau ma ke alo o na pali. E ohiia no hoi na alu me ka ku i ka eleu a me ka puahiohio .
Nov. 8, 1890, d – ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai. E loaa no au ma Haimoeipo, Hale Kaa o ka Moi, a i ole i ko‘u home paha.
MRS. C. I. HAIRAM.
Haimoeipo, Honolulu, Oct. 8, 1890
3ms – d.
Olelo Hoolaha.
Ke kauoha ia aku nein a kanaka a pau i aie ia MRS. C. H, HIRAM, a i ole ia, ia D . DAYTON. O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.
MRS. C. I. HIRAM
Haimoeipo, Honolulu, Oct. 8, 18@0
3 ms – d.
Hoolaha Hookapu .
Ke papa loa ia aku nein a kanaka a pau o kela a me keia ano, aole e hele wale kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C. I. HIRAM
Haimoeipo, Honolulu, Oct. 8, 1890
3ms – d.
A. J. SCHREIBER KA OLOHE.
HANA WATI ME NO MEA GULA.
O ka hana hou ana I na wati pakeke. Kau, hale, a me na mea dula o kela a me keia ano he waipahe loa ka auhau, a pela no hoi me na mea i paa mua. O ka mea e holo ana ia kaua oia ka‘u e hana ai.
ALANUI HOTLELE [Mahaki o ka Aline tona.]
Oct. 27, 1890. tf – d
Hale Kuai Wati Nui
HELU 1
No C. AH KAU.
Ka oi o na mea Gula. Na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai na hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia n@ hoi ke Keena oihana mua o ka Hui Alahao Hawaii. E loaa no na mea a pau e pili ai a i keia oihana me ka emi loa a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Paku Leta Helu 268.
E nanue nui mai, a e iko no oukou iho. O na mea hou loa wale no i ike mua ole ia ma Hawaii nei.
C. Ah Kau.
NA LAKO DALA!
HE $5,000 KA WAIWAI 10
MAI NA MEA ANIANI, A NA KII.
A MEA PAANI A ME NA LAKO DALA.
E Hawwi Makana ia aku ana.
Na Lako Dala! Na Lako Dala!
$2.50 - NO 30 LA WA
I ka Poakahi, Dekemba la 8, 1890, ka hoomaka ana o ka makou kaui hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
H {rest of line unreadable @@@@}
no i {rest of line unreadable @@@@}
ko o {rest of line unreadable @@@@}
i ka {rest of line unreadable @@@@}
kou a {rest of line unreadable @@@@}
Aniani {rest of line unreadable @@@@}
Paan{rest of line unreadable @@@@}
A I ole, o kekahi mau M {rest of line unreadable@@@@}
Wai – Dala
E Alawa ae ma na Pukaaniani o ko Makou Halekuai Alakai. I ike i ke Ahua nui o na Makana Makamae a Makou i ko Makou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE.
Daily tf
Hoolaha Hou!
B. F. EHLERS & CO., Painapa
Ua loaa mai nei ia makou he mau waiwai hou loa, oia hoi na
KAKIMIA,
KINAMU,
KEOKEO HALU‘A,
@@ALII
VIKOLIA KEOKEO
- @AN@@NA -
Mikilima o na ano a pau, a me na paku paku aniani o kela a me keia ano, ne na kumukuai haahaa loa.
B. F. EHLERS & CO.
Alanui Papu, Honolulu – 23 – dSm.