Ka Leo o ka Lahui, Volume II, Number 207, 3 June 1891 — Page 3
| This text was transcribed by: | Lyn Kuda |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HE NANEA PAHAOHAO
-NO-
TAUSANI
-A ME-
Saribano.
Ka wiwo ole hoi o na wiwoole--Ka
Poai honua kunukunu ole--Ka
mea hoi nona na lima i aie ai
ke ao holookoa.
---
E ha'i aku i kuu kane aloha, ka mea hoi i hoonele ia i ka wahine a me keiki ole, ka mea hoi e o ana ma ka inoa o Saribano.
A mamua ae o kou haalele ana mai ia'u e ka mea nona keia leo hawanawana, e hoike mai oe ia'u, owai la oe, mai hea mai oe, e wiki mai lohi.
Ia wa i hawanawana hou iho ai ka leo: Owau no o Nia kou luaui makuakane, a mai ko kaua aupuni mai nei no au, i imi mai nei ia oe, e kuu lei aloha.
Ano la, e kuu kaikamahine, ke hele nei au e hooko i kau kauoha, nolaila o ke aloha no kou a hui hou aku kaua.
Maanei e ka makamaka heluhelu, e hoomanao iho oe, i ka wa i haalele iho ai ka mea nona kela leo hawanawana ia Rubinia, ua hiki aku la oia imua o Saribano.
A e like hoi me ka kaua i ike mua ae nei, he elemakule poohina ke kamailio ana me ua Saribano la a oia no hoi ia a kaua i ike ae nei.
Ua maopopo ae la kela elemakule ia kaua, nolaila e aui hou ae hoi kaua a nana aku ia Saribano, ua ala paha kona hiamoe, aole paha.
Oiai ua Saribano ala e aumeume ana me na hana hoou a ka hiamoe kooina ole, aia hoi, lele ana kona uhane i ka lewa, me he manu ala no ke kualono.
A iaia hoi e lele ana, ike aku la oia i kekahi hale nui poepoe e lele ana mamua pono ona me ka mama nui.
A e poaiapuni ana no hoi mawaho o ua hale ala, he poe pilikua me he mea ala ma ka ia nei nana aku, he poe kiai kela no kekahi mea makamae iloko o kela bale.
Nolaila, ua hooi aku la keia i kona mama lele, a me he imo ana ala no hoi na ka maka, kau ana keia maluna pono o ua hale ala me ike ole ia e kekahi mea.
Ua nana ae la keia ma o a maanei, a i kona nana ihe ilalo, ike aku la keia i kana Rubinia aloha, e paa mai ana iloko o na hale ala a e kiheahea ana hoi ke koko ma o a maanei o kona kino.
E uwe haalipo ana eia me ka hoopuku mau ana i ka inoa o Saribano i kela a me keia minute.
I ka ike ana aku o ka uhane o ua Saribano ala i kana wahine ileko o ka popilikia nui, ua lele iho la oia ilalo me ka manao e kii e hoopakele i kana aloha.
Aka, mamua nae o kona hiki ana aku ma kahi o kana wahine e paa ana, ua ike e aku la oia i keka hi keiki opio, e hauhoa ana i ka luahine Tausani i ke kaulahao.
A e ku ana hoi ma ka aoao o kana wahine Rubinia, kela elemakule poohina ana no i ike mua ai ma ka ululaau.
Ua lele ino aku la oia imua o kana aloha, me ka manao ana e honi aku i ka ihu, aka, ua hooku'i e aku la kona ihu i ke kumulaau e ku ana ma kahi ana e moe ana, a puoho ae la oia mai kona hiamoe ae a noho ana iluna, he lomilomi i ka ihu ka hana.
Nana ae la oia ma o a maanei, a liuliu iki, pane ae la: Kahaha, he moe uhane ka paha keia mau mea a pau a'u i ike iho nei?
Ea, nani wale ka hoi ko'u hui ana me kuu aloha, o ka honi aku no hoi ia i ka ihu o ke aloha, puoho e ae nei hoi.
Heaha la ka puana o keia moe a'u, e palaualelo ana paha, aole paha, heaha la hoi, na ke au o ka manawa e hoike mai ka puana.
Ua kulou iho la oia a liuliu, a pane hou ae la: Owai la kela opio a'u i ike aku nei e hauhoa ana ia Tausani'i ke kaulahao?
Ke ole au e kuhihewa, ua pololei ka olelo a kahi elemakule i kamailio iho nei ia'u, no na mea hoi e pili ana i ka hele mai o kekahi mea e hoopakele ia'u a me kuu wahine aloha. Heaba la hoi, e nana aku no hoi paha.
Ia wa oia i ku ae ai a hele aku la ma ke alahele maopopo ole iaia, hookahi no hana nui a loko, o ka loaa o kana wahine.
Peia oia i hele aku ai a hiki wale i kona hoea ana aku ma kekahi wahi kiekiena, aia hoi nana ae la oia ma o a maanei, aohe mea maalo, ilaila la, puana hou ae la oia:
E ke aheahe lau makani e
Auhea kuu aloha hoi e,
E ka eka hoi e pa nei e
Ahea hoi mai kuu aloha e.
Ike kuu ana iho o keia leo kanaenae a ua Saribano nei a kaua, aia hoi, i nana ae kona hana iluna, ike aku la oia i kekahi hale poepoe e hookikakaha ana i ka lewa, me he ao opua ala e pohai ia ana e na uhane daimonio.
Ia wa oia i puana hou ae ai: E Rubinia e--auwe! pehea la oe e lona aku ai ia'u, e na lani e--e hookokoke aku ia'u ma ka ipuka o kela hale.
Aole i pau.
---
AUWANA A AIHUE IA PAHA
Ua nalowale aku mai kahi o ke Kanikela Iapana, alanui Nuuanu. kekahi lio ano hulupala hauliuli. he 8 makahiki, he 15 ana peahi lima ke kiekie, a he kiko keokeo mawaena o na maka, paa eha wawae a pau i ke kapuai hao. O kekabi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hele ana aku ma ke keena kanikela lapana.
Mei 18, 1891.
---
OLELO HOOLAHA.
E noho ana ka Hui Kalaiaina i ke ahiahi Poakahi, hora 7:30 p.m. ae nei Iuni 1, 1891; ma ka Hale Paikau ma ka uwapo ma Alanui Moiwahine, no na manao nui e waiho ia aku ana, imua o ka Hui. E pono i na lala a pau o ka Hui e hele ae no ka lohe ana.
J.A. KAHOONEI, Peresidena o ka Hui. Mei 28, 1891.
---
Kauka Pake Akamai!
DR. LEONG KANG TONG.
MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.
HE OLUOLU KA AUHAU.
Keena Oihana :--Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.
---
HE PALAPALA HOOIA.
Honolulu, April 29, 1891.
owau o Chu Sam Lan, no ke kulana kauhale o Honolulu, Mokupuni o oahu Ko Haawaii Pae Aina. Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi neiau i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo aua a keia ma'i i ko'u kino, aka, ma keia wa ua loaa ia'u ke ola maikai loa. E hele ae e ka poe i luuluu a kaumaha.
Mei 12, 1891. 1 m.-d.
---
Kuai Kudala
--O NA--
Pa-Hale ma Kalihi, Honolulu, Oahu.
---
Ua loaa mai ke kauoha ia'u e kuai aku ma ke kuai kudala akea, ma ko'u keena Kudala, ma Alanui Moiwanine, i ka
POAKAHI IUNE 29, 1981, HORA 12 M
He 36 mau Paa aina Noho Nani, mawae na o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia mau apana ma kekahi ano, a me ka nunui ku pono e hiki ai ke ki mo mai iloko o ka li ma o kela a me keia mea ka loaa ana e like me ka makemake, kekahi home no lakou ponoi iho iloko e na palena mamao kupono i ka piko o na wahi hana o ke kulanakauhale.
Ke kulana a me na pono lehulehu e ae o keia mau apana aina, ua hiki ole ke hoohalike ia me na aina e ae o keia ano i kuai ia iloko o keia kulanakauhale i na makahiki i hala e aku.
O ke ano o ka waiho ana o keia mau aina ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai mao li no o ka noho ana.
E huli ana keia mau aina pa-hale a pau i ke alanui Kalihi, he 55 kapuai, oia noi ke alanui oi aku o ke akea ma na wa hi e pili kokoho aua i ke kulanakauhale o Honolulu, a e holo ana hoi manalanui Moi a puka i alanui Beckley.
Aia malalo iho o ekolu minute ke hele wawae aku a loaa keia mau apana aina mai kahi o ke alanni kaahao (Tramcar) e pau ai.
Ka wai. E hoomoe ia ana he paipu kumu wai, he 8 iniha ke ana-waena e hoomoe ia ma ke alanui Moi, mai na hoo moe ana paipu o ke aepuni, e hooia ana i ka lawa i ka wai. Ano e loaa no ka wai mai ka pa kula Kamehameha mai.
E ike ia no kekahi palapala kii aina o keia mau hale pa hale ma ko'u Keena kahi no hoi e loaa ai na hoike i makemake ia e ninau aku.
Ke ano o ke kuai ana. Hookahi hapa ma ke ilala kuike, ke koena iloko o hoo kahi makahiki ma ka ukunanee o 9 kenela pa-haneri i hoopaa ia ma ka moraki.
O na lilo o ka palapala kuai, me ka mea ao ia e kuai ana i ka aina.
JAMES MORGAN, Luna Kudala, Honolulu Mei 29, 1891.
---
Kuai no ka Manawa
---
HE ELUA PULE WALE NO.
---
HE WAIWAINUI!
HE WAIWAINUI!
---
Na Kalakoa, ... mamua 10 i-a no $1.00, i keia wa 16 no $1.00.
" Kawele, ... " .25 ken. pakahi, " 3 no .50.
" Vikolia, ... He .75 keneta no ka apana hookahi.
" Kakini wahine eleele " .40 keneta paa, " .25.
A HE LEHULEHU WALE AKU O NA MEA KUAI I HOOEMI IA KE KUMUKUAI A HALUE ILALO LOA, A NA OUKOU HOI IA E NA MAKAMAKA E WAE NO OUKOU IHO.
Iloko keia kuai ana a makou, e hoolilo aku ana makou i ko makou mau waiwai no ne kumukuai hoemi. E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.
S. EHRLICH. Kihi o na alanui Papu a me Hotele. Mei 6, 2w d.
---
KUAI HOOPAU NUI.
---
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu, --(NA HALE BURUA.
E hoolilo aku ana Makou i ko MAkou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn. ALANUI MOI kokoke i ke ALANUI PAPU. tf--d.
---
HOOLAHA HOU
B.F. Ehlers & Co., --PAINAPA.
---
HELU 99, Alanui Papu.
IA OUKOU E NA MAKAMAKA A ME NA HOALOHA, OIAIHOI, UA makaukau makou i ke kuai ana aku ia oukou i na lako lole wahine o na ano Star la a pau; oia hoi--
Na Silika hou ... Na Sateen hou
Na Mikilima hou ... Na Lihilihi hou
Na Lihilhii keokeo hou ... Na Lihilihi kau
Na ano Mamalu hou loa ... Na Paku Pukaaniani
Na lole hou o na wahine ... Na lole o na keiki liilii.
Na lole o kela a me keia ano e loaa no ia oukou no na kumukuai haahaa loa. E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio, B.F. EHLERS & Co. tf-Daily.
---
Papale! Paple!! Papale!!!
---
E Loaa no maanei na--Papale--maikai o na ano a pau
Na PAPALE i hoonani ia a hoonani ole ia.
I loaa ole ka lua ma keia Pae Aina, a no na la hoomanao Kulaia, e ka no ia oe ma na kumukukuai haahaa.
Ina oukou e kuai i na PAPALE ma ko makou halekuai alaila, e loaa no ia oe ke kaulike.
Nolaila, e kipa mai io makou nei i hoopau ia ka makou kuh[xxx]
C.J. [xxx]ahe[x]. Mei 19, 1891.