Ka Leo o ka Lahui, Volume II, Number 233, 9 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Ka Hui Hooikaika Kino.

 

                        O ka po o ka la apopo oia ka po e hoikeike hou ae ai ka Hui Hooikaika o Honolulu nei maloko a ka Hale Mele Hou, no ka lua o ka manawa i ka lakou mau hana hooikaika kino i a’o ai, a l ka makamua no paha o na ano hoikeike i ke ia ma Hawaii nei.  He nui a lehulehu wale na hana e hoikeike ia mai ana a e paha’oha ‘o ai paha ka maka ke ike aku, i ka hiki ana i ke kino kanaka ke hooniniu i kona kino iluna o ka lewa a hookuu iho a me ke kukulu ana a kohu alapii ke kino kanaka, ma o ka pinana ana ae a kekahi maluna o kekahi hiki i ke kiekie loa.  Ua ike ia no na ano hana o keia ano mamua, aka, he oi aku no nae keia.  He mau puukani kekahi e kuupau ia mai ana a me kekahi mau ano e iho, e laa na laau newa owiliwili, na laau kaola kuwalawala, a pela aku.

 

            A oiai no hoi, ma na ano ae la a pau i hoike ia ae nei, he mau opio Hawaii kekahi ma ia mau mea e hoikeike mai ana, a o ka makamua no hoi o ka ike ia ana o na opio Hawaii ma keia mau hana.

 

            Nolaila, ke kono ia aku nei na mea a pau e naue mai e ikemaka i neia mau hana, he hapalua dala a pii aku ka uku komo.

 

HE HANA PEGANA.

 

            Ua lohe mai makou, ua hiu aku kekahi kaikamahine no Kona Kaiopua, ma kela Malulani aku nei.  O ke kumu ka o keia hana ana peia wahi a ka lohe; no ka hoao o na makua e hana i kekahi hana ino pelapela loa maluna o ua kaikamahine ala.  Oia hoi ka hookikina ia ia e hele me ka mea a laua i makemake ai, e inu i ka rama, a pela wale aku.  

 

            Ina he oiaio keia lohe o makou auwe no ka hoi ka menemene ole e, he pegana maopopo keia mau hana a na makua, aohe puuwai, a heaha ana la ko laua hopena.  O ka makou ia olua, e ao kanaka mai, a e hoopau kela ano hana.

 

KA HUAKAI A KA MOIWAHINE NO HANA.

 

            Ua lohe mai makou, i ka Moiwahine e huli hoi mai ai mai kana huakai aku nei no Kaui o Mano, e luana iki ana oia i ke Kapitala nei; no hookahi anahulu a mahope aku oia e holo aku ana oia a me ka huakai alii no Hana Maui.

 

            Oiai, wahi a ko makou lohe, ua nui na palapala kono i hiki mai imua o ko kakou Moiwahine mai ia apana mai o Kama, a oia ka mea i hooholo ai kona manao alii e hele e hui pu me ia mau makaainana ona, o keia ka lo@ o i hoea mai i o makou nei

 

Ina aohe he mea e kuia ai, alaila e hele i’o ana no ua lani nei a kakou e ike kumaka i ka nalu o Keaniani kahi hoi o na lii o ke au i hala i ahai ia ai ka pupuhi.

 

No laila e na kupa, na kamaaina na keike lalawai ola huli o Kama eia mai o Liliu o Lolokulani i ke kapu a hoea aku i o oukou ala, a na oukou ia e pulama mai iaia oiai, elua pule, alaila huli hoi mau no Kahuhihewa nei.

 

Nui a lehulehu ka poe i ukali pu aku i na kapuai o ka Lani Aliiwahine Liliu-Lani.

 

NU HOU KULOKO

 

Ua makemake ia na lala a pau o ka Hui Hoonaauao Liliuokalani; mahele elua, e akoakoa ae ma ka hale o Mr. Luther Wilcox, ma Kuloloia, i ka hora 10 o ke kakahiaka Poaha, la 9 o Iulai 1891; no ka noonoo ana i kekahi mau kumu hana nui, e hana ia ana ma ia la.

Ma ke kauoha, MRS. LAHILAHI WEBB.

3t-d.

 

            “Keena.  Mikomiko,” aia ihea, a e u aha ana?

 

            O ke kula a ke Keikialii i a’o ai he kula Alii ia, a oia kekahi o na kula kiekie o Enelani.

 

            Ua huli hoi mai nei o G.S. Gay, a me Miss E. Gay, o Makaweli Kauai, mai ka aina Hikina mai. 

 

I keia la e pahee aku ana ka mokuahi Kaala no ka Ehukai o Puaena a huli loa ae ma kela huli o ka aina.

 

O ka hoopai o Lui Self no ka hewa aihue kaula he elua malama ma ka hana o@iea, a me na koina pu.

 

Ua lohe mai makou ke kuhikuhi kalaikii nei ka o Lualii ma ia Hanaiakamalama!  Pela i’o paha aole paha, ina aku i Wahiawa.

 

Ihea hoi oe i ka po nei?  Ho, ho, i ka nounou hua noni ka; mea ia mai hoi i ka N. G. C., oe, ho, ho, i kahi au o ka waiapo G. G. C. hele mahuha.

 

O ho’?  A i makemake oe i tini alamihi nau, e hookani aku i ka hui “Hu ka aka,” telepona kahiko helu 004185, a e hooko koke ia mai no!  O ho ho ho’?

 

I ka la apopo e holo aku ai ka mokuahi Hawaii no kona mau awa maa mau no.  Laupahoehoe, Paauhau a me Koholalele, Hamakua Hawaii, a me Hilo Akau.

 

O ka nui o na makahiki o ke Keikialii Kawananakoa he 25, mai kona noea ana mai no keia ao a hiki i keia la, a ua kanaka makua oia, a pela pu me kona noonoo.

 

            Ke hanu hou nei o Dr. J. Mott Smith i na ea oluolu o Hawaii nei, kahi hoi ana i noho ai a kamaaina mahope iho o kona hoohala manawa ana aku nei no ka aina hikina.

 

            Ua hala o Mr. L. D. Spencer no Kohala, Hawaii o ia nei ka luna nui o ka papa hoopae limahana, i hele aku nei e nana i na pake 400, e noho la ma Mahukona, Kohala, Hawaii.

 

            Ke luana pu nei o Mr. E. W. Fuller, ka luna nui o ka mahiko o Pahala, Kau, me na kini o ka Ua Kukalahale nei, a no keia huakai ae a ka Malulani, e huli hoi aku ai oia no ka ua Kaululaau.

 

            Ma ka hora 5 o ka auwina la Poalua nei, ua hoopuiwa ia ae ke kapitala alii nei e ka leo o ka hele pauahi, o kahi o keia wahi mea hoopuiwa ma alanui Alapai a me Moi, i ka halekuai o ka pake.

 

            I ka po o ka la apopo, Poalima Iulai 10, 1891 e malama hou ia ana ka hoikeike nui a ka Hui Hooikaika Kino o Honolulu nei ma na hana kuwalawala a me na hana hooikaika kino e ae he lehulehu wale.  E alawa ae ma ka lakou hoolaha e puka aku nei ma ka pepea o keia la.  E hele nui mai i ike maka he ole ka lohe pepeiao wale iho no

 

$10     MAKANA     $10

 

E makana ia ana he umi dala i ka mea a mau mea paha e hoihoi mai ana i kuu lio i nalowale aku mai ko’u wahi e noho nei ma kauhale o na paahana alanui hou Pantalus, ma ke kua o Puowaina.  He lio ahinahina kane i kuni ia ma ka uha hope akau C. K. 

J. B. GRANT

229-tf..

OLELO HOOLAHA

 

Ke hoike ia aku nei ka lohe i na mea a pau, eia ma ko’u wahi noho kekani lio ahinahina me ka hao kuni CPI.  O ka mea nona keia lio, e pono e kii koke mai me ka uku pu mai i ko’u mau lilo a pau loa.  E au o hala auanei na la he 15 lilo loa ia’u keia lio.  E loaa no au ma kahi o Samuel Nakuia.

John Ua.

Auwaiolimu, July 6, 1891.  231-6td*

 

OLELO HOOLAHA

 

1.  E ike auanei na mea a pau eia ma ka Pa Aupuui o Makiki nei kekahi lio k, keokeo kikokiko kua nalo huelo poomuku hoailona kuni ano-e ak. uha hope.

2.  Lio k. ulaula hauliuli kiko keokeo ma ka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona kuni.

3.  Lio k. ulaula lae-kea elua wawae keokeo hope 2 wawae eleele mua hoailona kuni

ano-e ak. uha hope.

            4.  Lio w. ulaula kiko keokeo ma ka lae kikokiko keokeo ma ke kua 4 wawae eleele hoailona kuni C. J. ak. aia ma ka aoao akau o ka ai.

            5.  Lio w. ulaula lae-kea 4 wawae eleele huelo poomuku hoailona kuni ano-e ak . uha hope.

           

 

 

O ka mea a mau mea paha nona keia mau lio e pono e kii koke mai ina aole e kii koke mai a hala na la he 15, alaila e kuai kudala aku no wau ma ka la 18 o Iulai M. H. 1891 awakea Poaono hola 12.

David Kaoao.

231 6ts-d*

Luna Pa Aupuni.

 

OLELO HOOLAHA.

 

E ike auanei na mea a pau eia ma ka Pa Aupuni lio o Makiki kekahi pipi ulaula w, kiko keokeo ma ka lae hoailona kuni 83 ak. uha hope, kikokiko keokeo ma ka aoao ak. oki mawae ma ka pepeiao hema pepeiao ak. oki pahupu ma ka welelau o ka pepeiao malalo o kela ma na pepeiao, aole i paa maloko o ke pa’i hakahaka, mamuli o ka uhai o keia pipi.  O ka mea a mau mea paha nana keia pipi e pono e kii koke mai a ina aole e kii koke mai a hala na la 15, alaila e kuai kudala aku no au maka la 15 o Iulai, hora 12 awakea.

David Kaaoao.

229 3ts*

Luna Pa Aupuni.

 

Hale Hana Wai Momona

 

Wai Aniani.

 

Sam. Lad me John Crace na Ona.

 

Ka poe wale no na lakou e hana nei NA WAI HOOMAEMAE KOKO KAULANA oia hoi ka SASEPARILA A ME KA WAI-HAO.

 

NA WAI MOMONA AWAPUHI SASEPAREALA, LEMI WAI PIPII, SODAMAOLI SIDA, KAMEPENA @.

 

Mu@@@@ 330 TELEPONA Bell 298.

 

E hooia ia ana ka maemae o na wai a pau.  E hookoia no na kauoha a pau loa mai na Mokupuni mai a me ko ke kulanakauhale nei.  231 @@@.

 

 

LA 11 O Iune.

E! Kakou i ka Heihei!

Na Papale Wahine i hanaia.

 

E HOOMANAO

O ke Kilohana o kahi o na Papale i Hanaia.

AIA MA

N. S. SACHS

(104, Alanui Papu, Honolulu)

            Eia ia makou, a e loaa mau @ ai ana ma na mokumahu a pau, Na Paikini Hope a me na Ano Hou Loa.

 

            Na Papale Poepoe i e nani, eleele a me keokeo, i kahikoia me na pua maikai, mai ka $4.50 o ka Papale a pii aku.  Na Papale Sela i hanaia me na Lipine, $2.00 a pii aku.  Na Papale Sela Sp@@, i hanaia me na kahiko a me na ho, $2.50 a pii aku.  Na Papale Keiki i kahiko ia, no ke kumukuai haahaa loa.

 

Na Pua hou!  Na Hulu hou!  Na Lipine hou!

He mau mea kupono wale no na La Nui e hoea mai ana.

 

            Na Lole Keokeo Lihilihi i-a loihi, ku i ka holoku, he $4.50 no ka lole holoku.  Na Lihilihi laula kupono no na Lole Keiki, ma ke .60 a me .75 keneta o ka i-a.  Na Lole Keokeo maikai, kakaulo oa a papamu paha ma ka .20 a .25 keneta o ka i-a.  Aole e lawa ke kahiko lole keokeo, ke ole me kekahi KAHEI SILIKA.  E loaa ana no i o makou nei o na ano waihooluu o na ano a pau, no $1.00 a me $1.25 pakahi.  Na Lihilihi kekahi no na Lole Lihilihi a me na kahiko lole ma ke kumukuai haahaa loa.  Ina oukou e imi ana i na ano i-e hana lole huluhulu a pulupulu keokeo, a waihhooluu ia paha, eia ia makou ia ano a kupa’i, no ke kumukuai haahaa loa.  Ua hilinai makou i ke kuai hoopono ana, a e pomaikai ana oukou ke kipa mua mai mamua o ke kuai ana aku i kahi e.  N. S. SACHS.

“Ka Halekuai Kaulana o na Kahiko Wahine.”

104. Alanui Papu.

Honolulu , Iune 4, 1891. 

208-@

 

Papale!   Paple!!   Papale!!!

 

            E Loaa no – Papale – maikai o na maanei na ano a pau.  Na PAPALE i hoonani ia a hoomani ole ia.  I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.  Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.  Nolaila, e kipa mai io makou nei i hoopauia ko oukou kuhihewa.

C. J. Fishel.

Mei, 19, 1891

196-tf-d.

 

KUAI HOOPAU NUI.

 

            Mai keia manawa aku a hiki i ko Makou hoonee ana aku iloko o ko makou.

 

HALEKUAI HOU

 

            Ma ke Alanui Papu, - NA HALE BURUA.  E hoolilo aku ana Makou i ko Makou waiwai a pau o na ano Lole:    NA LOLE NANI, NA LOLE I HUMUIA.  KAPU A ME PAPALE PAHU LOLE, a pela aku.  No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.  tf-d.

HOOLAHA HOU

B. F. Ehlers & Co – PAINAPA

HELU 99.  Alanui Papu.

            IA OUKOU E NA MAKAMAKA A ME NA HOALOHA @ @ @ makaukau makou i ke kuai ana aku ia oukou i na lako lole wahine @ @ @ @ ia a pa; oia hoi

Na Silika hou

Na Mikilima hou

Na Lihilihi keokeo hou

Na ano Mamalu hou loa

Na @ hou o na wahine

Na @

Na Lihilihi hou

Na Lihilihi kaulole @

Na Paka Puka@@@

Na lole o na keiki @.

Na lole o kela a me keia ano e loaa @ ia @@@@@@@@@@.

E kipa mai e na makamaka i hoopau ia ai ko oukou @ no ka makou kuai hoopoho aku ia oukou.

Owen @

B. F. EHLERS & CO.