Ka Leo o ka Lahui, Volume II, Number 239, 17 July 1891 — Page 3
| This text was transcribed by: | Brianna Matsuura |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Ka Hoike o ke Kula Alii Kahehuna.
--
Ma ka hora 9 am o nehinei, ua hoomaka ia na hana hoike o ke Kula Alii o Kahehuna; ua hoomaka ia na hana o na rumi like ole ma na haipule, a hoomaka aku no na hana i a'o ia i na haumana. I hookaawale ia ma na pana. Ua kuwale no i ka mahalo ia na mea i ao ia i na haumana.
I ka aneane ana ae e kani ka hora 11, ua malama ia na hana haiolelo maloko o ka rumi nui, oia hoi ka rumi o ke kumu poo Rev. A. Makinikini. Ua nui na hana i a'o ia i na keiki, a kela a me keia makua pakahi e kaena iho ai no kana keiki.
Ua nui ka mahalo ia no Dan Kawaihoa a me Ed. Woodward, ma muli o ka noeau a me ka walewaha ma na hopuna olelo a me ka puana ana. A nui pu hoi me ka mahalo ia, no ka hooikaika ana a me ka pa-ka ana i na haumana.
---
NA LUNAKANAWAI.
--
Ua hookohu ia keia poe malalo iho i mau Lunakanawai Apana, pekei: S. Kaui, no Waimea; R. Puuki, no Hanalei; E. Kaaloa, no Koloa, Kauai o Manokalipo, ka aina hoi i kaulana i ka maikai hemolele.
----
MAEMAE WALE.
--
Ma Kohala, Hawaii, July 7, 1891 na hanau mai la na ka wahine a Mr. H.L. Holstein, he kaikamahine nui mohaha, he opuu hou hoi no ke au Hoopono o Liliulani i ke Kapu Maemae wale.
----
NU HOU KULOKO
--
He leo kauoha, ke hai ia aku nei i na mea a pau e lawe ana i kaLEO a me ka OIAIO, e hookaa koke mai i ko oukou mau koena i koe/ E hoolohe i keia leo, o i mai auanei no hoike mua ole ia, aku ka hewa.
Ma ke kauoha.
----
Ina Luna lawe pepa a pau o Ka Leo, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 8 o Iune nei, e hoihoi mai i ke keena nei. Ma ke kauoha.
----
Ma ka po Poalua o keia pule ae e kau ai ka mahina piha.
Kamehameha a me ka Hawaii ko ka auina la o ka la apopo , e like me ka rula maa mau.
Ma keia auina la e malama ai na haumana o ke kula o Sana Lui i ka lakou hoike hope loa.
Ua hoea i'o mai i o makou nei o C.K. Haole e like me ka makou i kauoha ai iaia. Maikai.
Puu paha auanei ka lae o ka makai nui o Hawaii ia Nawahi, o kela hoopii koi poho o $25,000.
He kiure hui ko keia la, ke loaa nae he kowa no lakou e noho ai, oiai, aohe i launa mai na hihia a na Kiure Hawaii.
Nai a lehulehu na leo kanaenae i hoea mai i o makou nei i ke kakahiaka o nehinei ma ke telepona, a oia ka makou e panai aku nei, Welina!
Ihea aku nei e ua hoa nei? I ka nana kii aku nei au i Sana ???? Oia wale no kau mea i ike aku nei? E. Aohe hoi ha oe ilaila, in a ilaila aku nei oe, in a ua ike oe i ka lima kakau o na haumano koho hua pa'i. Ae oia ka hoi kekehi/ Hu ae la ka?ka.
Makai ae nei o Honuakaha, ua nahu ia iho la ka papalina o kekahi wahine e ka iole, a i puoho i ka eha, i ala ae ka hana, e kahe ana ke koko.
Ma ke Kinauo ka la inehinei, na kau aku la kekahi poe he lehulehu wale, no Hilo, no ka makaikai ana i na hana hoehaa a Madame Pele e apa mai la i kona mau paia.
Piha ku'i ke keena hookolojolo i ka auwina la Poakolu nei, no ke ake e lohe i ka olelo hooholo a na Kiure e pili ana no ka hihia o ka Hon. J.E. Bush; a o ka hopena, ua kala ia mai oia.
A, ina oe e pohihihi i kahi i noho ai o kou makamaka, ua loaa nae ia oe ka inoa, kahi i noho ai; alaila, aohe alahele e loaa ai ia oe, eia wale no, e ninau oe i ka makai a na na ekuhikuhi mai; o ka pau no ia o ka pilikia, mai palaka ma ka ninau ana.
E kela mau wahi keiki koa, a i hoao hou olua e hoopunipuni i ka lehulehu, ma o ko olua hoole ana mai i ka poe e pii aku ana i ka nana hoike kula o Kahehuna, aohe he mau hana hoike i koe, oiai no nae, aole i pau na hana hoike, a i puni hoi kekahi poe lehulehu ma o ka olua mau hoopunipuni ana, alaila, e hoike koke ia aku no ka lohe i ke Kapena S. Nowlein, no ke peku ana i ko olua mau lemu.
----
HOOHENO LAUAHIHI.
--
Auhea wale oe ka anoi
E ke ao opua i Haupu
Upu mai ka manao a e ike
I ke kai malino a Ehu
O ka ehukai a o Mamala
O ka'u ia a e ike nei
Ke nei ae nei i ka lai
I ka malu o ka lau inia
He iini pau ole ka loko
A e hakukoi nei i ke kino
Kuu Kino kai lono i ka leo
I ka iku a a ka nui manu
E ole o ka Iwipolena
Kuikahi like ai ka anoi
I anoi aku au a e ike
I ke kuahiwi o Hualalai
Alai ia mai e ka noe
Paa ka Hono na Piilani
A he lani nui no oe na'u
A he hiwahiwa na ke aloha
Haina mai ana ka puana
O oe a owau ilaila.
--
OLELO HOOLAHA
E ike auanei na mea a pau, eia ma ka Pa Aupuni o Makiki kekahi lio k??ulaula, hoailona hao, [U.I.] uha-hope akau, eha wawae eleele, elua wawae mua paa i kamaa hao, hookahi wawae hope, paa i kapuaihao h?in. Moali keokeo ma ka a-i. O ka mea a mau mea paha nona keia lio, e pono e kii koke mai, ina aole e kii koke mai a hala na la he 18, e kuai kudala aku no au ma ka la 25 o Iulai, 1891, awakea, Poaono, hora 12. S.W. David Kaeao.
Luna Pa Aupuni
July 13, 1891. 3t.d-*
----
Kauka Pake Akamai!
Dr Leong Kang Tong.
Makaukau oia e lapaau i na ma'i a pau o kela a me keia ano, me ka eleu a me ka holomua.
HE OLUOLU KA AUHAU.
Keena Oihana:-- Aia ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.
He Palapala Hoola.
Honolulu, April 29, 1891.
Owau o Chu Sam Lan, no ke kulana kauhale o Honolulu, Mokupuni o Oahu Ko Haawaii Pae Aina. Ke hooia, a ke hooiaio aku mei au imua o ke akea, ua ike au a na maopopo ia'u a ke haawai nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia a a ua ola au mamuli o kana mau lawelawe akahele aua, oiai o ko'u ma'i he akepau, a he popo hoi ma ka olelo kahiko/ Ke poi aku nei au i ka poe a pau i loohia me kela ano ma'i, e hele ae iaia, a e loaa no ke ola/ Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo aua a keia ma'i i ko'u kino , aka, ma keia wa ua loaa ia'u ke ala maikai loa/ E hel ae e ka poe huu??? a kaumaha.
Mei 12, 1891. 1m?d
OLELO HOOLOAHA.
Ke hoike ia aku nei ka lohe i na mea a pau, eia ma ko'u wahi noho kekani lio ahinahina me ka hao kuni CPI. O ka mea nona keia lio, e pono e kii koke mai, me ka uku pu mai i ko'u mau lio a pau loa. E au, o hala auanei na la he 15, lilo loa ia'u keia lio. E loaa no au ma kahi o Samuel Nakuin.
John Ua.
Auwaiolimu, Jul 6, 1891. 231-6td*
----
OLELO HOOLAHA.
1. E ike auanei na mea a pau, eia ma ka Pa Aupuni o Makiki nei kekahi ????, keokeo kikokiko kua nalo huelo poomuku hoailona kuni ano e ka uha hope.
2. Lio K. ulaula hauliuli kiko keokeo maka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona kuni.
3. Lio k. ulaula lae kea elua wawae keokeo hope 2 wawae eleele mua hoailona kuni ano-e ak. uha hope.
4. Lio w. ulaula kiko keokeo ma ka lae kikokiko keokeo ma ke kua 4 wawae eleele hoailona kuni C.J. ak. aia ma ka aoao akau o ka ai.
5. Lio w. ulaula lae-kea 4 wawae eleele huelo poomuku hoailona kuni ano-e ak, uha hope.
O ka mea a mau mea paha nona keia mau lio e pono e kii koke mai in a aole e kii koke mai a hala na la he 15, alaila, e kuai kudala aku no wau ma ka la 18 o Iulai M.H. 1891 awakea Poaono hola 12.
David Kaoao.
231 6ts-d* Luna Pa Aupuni.
----
I ka Poe Lawe Nupepa.
Ke poloai aku nei makou i ka poe heluhelu e lawe nei i ko kakou nupepa, e makaala mai i ka hookaa ana i ka uku o ka Nupepa ma ka hebedoma, a e malama ?na palapala hookaa mai na luna aku nona na inoa i koike i amake poo o keia Nupepa. No ke paewaewa o ka hoo kaa ia ana o ke dala , a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a in a ua hookaa me ka loaa
aku o ka Palapala hookaa, he mea hoi e maopopo ai, ke ulu ae ka nele o ka mea heluhelu , ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a in a aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.
J.E. BUSH.
----
OLELO HOOLAHA.
E ike auanei na mea a pau, eia ma ka Pa Aupuni lio o Makiki kekahi mau lio k, eleele, kikokiko keokeo ma ka lae, hoailona hao kuni ano-e ma ka aoao ak. ma ka a-i, hookahi wawae keokeo hope ak, paa ka wawae eha i ke kamaa hao. Lio k eleele kikokiko keokeo ma ka lae, hao ano-e uha hope hema, hao ano e hou kha hope ak. Lio w lokia, elua wawae keokeo hope lae kea, elua wawae eleele mua, aole kuni.
O ka mea a mau mea paha nona keia mau lio, e pono e kii koke mai, a in a aole e kii koke mai a hala na la 15 alaila, e kuai kudala aku no au ma ka la 25 o Iulai, hora 12 awakea.
David Kaaoao.
235 Luna Pa Aupuni.ts*
----
AUWANA A AIHUE IA PAHA.
Ua nalowale aku mai kahi o ke Kauikela Iapana, alanui Nuuanu, kekahi lio ano hulupala hauliuli he 8 makahiki, he 15 ana peahi lima ke kiekie, a he kiko keokeo mawaena o na maka, paaelua wawae a pau i ke kapuai hao. O kekahi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hele ana aku ma ke keena kanikela iapana. Mei 18, d5ts.
----
OLELO HOOLAHA.
Ke hoikeia aku nei ka lohe i na mea a pau, eia ma kahi noho o ka mea nona ka inoa malalo iho kekahi kio kane lae kea umauma keokeo me ka hao kuni. O ka mea nona keia kio, a mau mea paha, e pono e kii koke mai, me ka uku pu mai i ko'u mao lilo a pau, a me ka uku o keia hoolaha ana. E au, o hala auanei na la he 15, o ka lilo no i a o keia ?? ia'u.
J. ALAPAI.
Kapalama, Honolulu, Iune 8, 3tsd*.
----
$5.00 MAKANA.
O ka mea a mau mea paha e loaa ai kuu lio kane ahinahina, nona ka hao kuni, W D ma ka uha akau hone, a ma ka aoao hema o kona a-i ua hoailona la penei: ZZ. E loaa kela makaua i ka mea nana e hoihoi mai ma ke Kena o ka Leo.
Iulai 7, 1891 5ts-d.
----
Hale Hana Wai Momona
Wai Aniani.
--
Sam. Lad me John Grace na On a.
--
Ka pe wale no na lakou e hana nei NA WAI HOOMAEMAE KOKO KAULANA ola hoi ka
Saseparila -a me ka- wai-hao.
--
Na wai momona awapuhi, saseparela, lemi, wai pipii, sodamaoli, sida, kamepena, &c.
--
Mutual 330 -TELEPONA- Bell 298
E hooia ia ana ka maemae o na wai a pau. E hookoia, no na kauoha a pau loa mai na Mokupuni mai a me ko ke kulana kauhale nei.
231 1yd.
----
Aila Kuai
--
E loaa no ma kahi?o
J.F. Colburn.
(Keoni Kolobana.)
Ma ke Kihi o na Alanui
Nuuanu -a me- Moi.
--
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau loa.
Ko oukou hoaloha,
J.F. COLBURN.
Honolulu; Iulai 8, 1891. 232 dtf.
----
Hale Kuai Wati Nui
Helu 1
No C. ah Kau.
--
Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA &C., na omau o kela a me keia ano, na lako wehi GULA a me ?AIMANA, na KOMOLIMA GULA a me DAIMANA, na WARI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai u hoolilo aku oia i kona kaleana malaila, ua wehe ae nei oia he hale hou ma Alauni Moi ma Waikiki iho e ke Keena o ka nupepa Elele, a oia no hoi ke Keena oihana mua o ka Hui Alahao Hawaii/ E loaa no na mea a pau e pii aia i keia oihana me ka emi loa, a e hana hou ia na wati u me na lako gula me ka hikiwawe a me ke omi loa. E hoouna mai i na kauoha ma ka Peho Leta Helu ???.
E nane nui mai, a e ike no oukou iho, O na mea hou loa wale no i ike mua ole ia ?? Hawaii nei,
C. AH KAU.
NAWAHI E HUNTSMAN?
--
NA LOIO LAHUI!
Ua makaukau mana e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i ae'ike ia/ Aia no ko mana keena Loio ma ke kihi akau o na alanui Moi a me Alakea maloko o ke kulanakauhale o Honolulu, Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12m.
O na hana a na aina, mahele aina a me ke kaha ana e na kii a me na palapala aina a pau, ua waiho aku maua na ka Loea Ana Aina a Civila Enekinia kaulana R.W. Wilikoki e lawelawe, a e hooko me ka eleu.
No na mea i koe, e kipa mai no ma ko maua keena nei e kuka pu ai. O maua no me ke aloha,
J. Nawahi me D. L. Huntsman.
Honolulu, Iune 3, 1891. 208-- dtf.
----
Kauka Yong Kam Pung.
(APANA.)
--
Helu 53 Alanui Maunakea.
Ke Kauka Loea o ka Aina Pua!
--
Ua hiki ke heola ia kela a me keia ane
ma'i, mai ko na kane, wahine a me
na keiki liihi. O na ma'i ha-no
ua hiki loa ia ke hoola ia me
ka maalhai. A o na ma'i
e pili ana i ka maka
pau pu ia i ke
olà. Ke ho-
ike ia aku nei,
eia ke ola ia nei, me
ka oluolu pu o kahi au-
hau. Ka noe pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o'u nei.
----
E KIPA mai e ka poe i hooluu luu ia me na naawina pilihua a ke ma'i a na'u oukou e hooluolu aku.
KAUKA YONG KAM PUNG.
Honolulu Iune 2, 1891. 206--d3m*
----
Ka Buke Akeakamai.
…A O…!
KE KI GULA
no kekahi mua mea huna puhihihi i hulua e ka noeau o ke kanaka.
--
Kakau mua ia e ka Mea Hanohano David Kalakaua a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeaka mai Hawaii o ke Keoeturia 19.
Mahele o ka Buke.
Mahele I.
Zodialogia- Hoike Ouli ma na kau lana Mahina.
Mahele II.
Naevialogia- HOike Ouli no ka ?lia o ke kanaka.
Mahele III.
Metragaratima-- Ka hoike Ouli ma ka Hoonohonoho Huahelu ma ka Holu Kahala.
Mahele IV.
Oneirologi.
Mahele V.
Ka Papa Konane Hoaihoa, Pomaikai,
Mahele VI.
Ka Arimatika Kamabao.
J.M. Poepoe.