Ka Leo o ka Lahui, Volume II, Number 306, 21 October 1891 — Page 2
| This text was transcribed by: | Shawna Alapa'i |
| This work is dedicated to: | Randol Kahakukahoomanawanui Ngum, my dear brother! |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
I kulike ai me ka Pauku 1. Mokuna XXXV, o na Kanawai o ke Kau o 1888, ua hoololiia ka Pa Aupuni hoopaa helehewa, i keia la, a Kealahou 1 a me 2 ma Kula, Mokupuni o Maui
C.N. SPENCER,
Kuhina Kalaiaina.
Keena Kalaiaina, Oct. 12, 1891
300 3tsd.
KUAI O KA HOOLIMALIMA O NA AINA AUPUNI O KAHOIWAI MANOA, OAHU.
Ma ka Poakolu, Nov. 18, ma ke alo iho o Aliiolani Hale, hora 12 awakea, e kuai ia aku ai ka hoolimalima o ka aina aupuni o Kahiowai, Manoia’ Oahu, nona na eka he 17 1/2 oi a emi mai paha.
Manawa he 15 makahiki.
Kumu koho e hoomaka ai he $20 no ka makahiki. Uku hapa makahiki mamua.
C.N. Spencer,
Kuhina Kalaiaina.
Keena Kalaiaina, Oct. 10, 1891
299-4t.
NA APANA AINA PA-HALE KUAI MA KA AOAO MAUKA O ALANUI WAILA, A MAWAEO ALANUI MAKIKI A ME KA LAINA O ALANUI KEWALO, MAKIKI, HONOLULU OAHU.
HE 33 ka nui o na pa i hoolala ia, ma ka aoao mauka o Waila, a mawaena o ke alanui Makiki a me ka laina o ke alanui Kewalo, Makiki, mawaena ka nui o .75 a .79 o ka eka, a ua makukau ano no ke kuai.
E lawe ia no na palapala nonoi no keia mau apana aina pahale, ma ke Keena Kalaiaina, ma na kumukuai e hookumu aku ai ke koho ana e loaa ana ma ke ke Keena Aina, e loli ana mai ka $250 a ka $500 no ka pa hookahi, e like me ka nui a me kahi e waiho la.
E hoike mai hoi ka mea noi, he makemake kuai kona me ka manao e kukulu a hoohana hou ana ma ka aina.
He kuike kuai ana, a i ole, he uku hapaha e like me ka makemake o ka mea kuai a o ke koena, e uku ia ma ka puunaue like ana iloko o hookahi, elua a me ekolu mau makahiki, me ka ukupanee he 7 keneta o ka makahiki, e uku pa hapa makahiki ia.
E hoopuni hoi ka mea kuai i ka aina me ka pa kupono a maikai ilo ko o hookahi makahiki mai ka lilo ana aiai, a e hoomoe i ka wai mai na paipu wai aupuni mai.
E hoopuka ia aku no na Palapala Sila no ka aina ma ke kaa pau ana mai o ke dala. E ike ia no ke kii o keia mau aina ma ke Keena Aina a me na hoakaka ana a pau.
Aneane e hoomoe ia aku na alanui, a e hoomoe ai na paipu wai o ke alanui e pili ana i keia mau pa aina ma keia manawa mamua koke iho. C.N. SPENCER.
Kuhina Kalaiaina
Keena Kalaiaina, Oct. 4, 299-10tsd
I kulika ai me ka Pauku 1, Mokuna XXXV o ke kanawai o ka makahiki 1888. Ua loaa ia ke kuleana e mahele i na Pa Aupuni o Kekaha i elua apana, o kekahi apana aina aupuni makai o ke alanui aupuni o Kamanamana ma Kaloa Kona Akau, Hawaii.
I kulike ai me ka Pauku 2. Mokuna XXXV o ke kanawai o ka makahiki 1888. I keia la, ke hookohu ia aku nei o Mr. C.K. Kapa, i Luna Pa Aupuni no Kamanamana, Koloa, Kona Akau Hawaii.
C.N. SPENCER.
Kuhina Kalaiaina
Keena Kalaiaina, Sept. 29, 1891.
291 3ts d.
KA LEO O KA LAHUI.
JNO. E. BUSH.
Lunahooponopono a me Puuku.
POAKOLU, OKATOBA 21, 1891.
KE KULANA O KE ALIIWAHINE O KILAUEA I KEIA MAU LA.
Ma ke ku ana mai a ka mokuahi Kalaudina, i ke kakahiaka Poaono nei, ua loaa mai la ia makou na leta a na makamaka me na mea hou ano nui, o kela ano a me keia ano. A ke panai aku nei makou no ka pomaikai o ko makou heluhelu.
Ma ka po o ka la 13 o keia malama, ua hiki loa ke ike ia aku ka ula wena a ke ahi, mai kai aku o Hila one, a pela no hoi mai kai aku o Malama, ma o Puna, kahi hoi a Hiiaka i kau aku ai i keia kau, oiai oia i nana aku ai i ka hana a kona hanau mua, maluna o kana mau aikane, mai Kukuilauania aku –
Ke lauahi mai la o Pele ia kai o Puna
One a kai o Puna
E Malama a –
A ua hoike ia mai no hoi ia makou, he hooi ana aku keia i ka ikaika o ua hueu la o ka aina paia ala i ko kela mau a mua ana iho nei.
A, me he mea la, ma ka nana aku a ko makou mea kakau, e hoaleale ana i ke kaha o Mana –
Hoohanini ae la i ke ola wa o Kaauea
Ke ea mei la ke ahi a ka wahine iluna o Kukii
Ke kii ia aku la na ohia o Kupakoili e ke ahi e –
O ke ahi a ka wahine ai honua
Aia la i ke uka o Puna a –
Nolaila, ua loaa he wa kupono no ka poe e ake ana e ike i ke aliiwahine O Kilauea, e hele ae e ike kumaka i kana mau hana hoopahaohao nui wale, oiai hoi, o keia luapele, oia ke pookela o ke ao nei a puni, oiai, ua hiki i ke kanaka ke hana e like me kona makemake maluna o ke ahi, me kona poino ole; a he lohe no oia i na kahoahoa ana aku e like me ka hiki ia oe.
Nolaila, eia ke wa pono e ike ai i na kikee o Halema’uma’u, a me Uuliola, ka hale ola o Pele i noho ai a kupa, a kamaaina i na pe’a o Haunuu o Haulani i ka uka o Lanihuli, ka hale hoi i alana ia ai o Lohiau, no kona hoi hou ana i Kauai me kana aike punana ke onaona.
A eia ke ahi a ka wahine la ke ani mai la iluna o Mokuaweoweo. He mau hana hoehaa keia a ua luhine nei o keia mau la.
HUNAHUNA MAKELIA O KA PANALAAU NEI.
Mr. Lunahooponopono:
Aloha oe:
E oluolu oe me ke ahonui e hookomo iho ma kahi kaawale o na kolamu o kau nupepa wiwo ‘ole i keia poo namao e kau ae la maluna, i ike ami ai o’u mau hoa kanaka a pau e noho mai nei ma na pe’a a pau o keia mau Mokupuni, mai Hawaii a Niihau.
Oia hoi na manao i hoakaka ia malalo iho nei. Aia ma ka pule i kaahope ae nei, ua iho mai la ka mea hanohano, ka agena o keia Panalaau, oia hoi o Mr. Maea, a hui pu me ko makou Luna Nui, oia hoi o W.H. Tell, a hai aku la oia i kona manao imua o ka Luna e noho ana ma ke ano he makua no ka poa lepera a me makoi hoi na kokua ma’i lepera.
He olelo ao kana no na mea a pau e pili ana no ka hoohana wale ia o na kokua ma’i me ka uku ole ia, aohe ona makemake e uku ole ia na kokua; e pono e hoouku ia lakou a pau, na poe e hoohana ia ana.
Piha hauoli makou no kona hooki pololei ana i ke kanawai a ka poe hanohano o ka Hale Kaukanawai o keia aupuni.
Aia ma ka le 12 o keia mahina e nee nei, ua hookolokolo ia imua o ka Lunakanawai, kekahi mau pake o ka Panalaau nei, no kekahi hewa kue kanawai, oia hoi ke puhi opiuma. Ua pau lakou i ka hoopai ia no $50.00 hoopai me $3.00, a o ke kiekie o ka hoopai o kahi poe pake, he $60.00 me na dala koina.
He kuaua nui kai hooma-u iho i ka lepp oolea o keia Panalaau, a ke hauoli nei na keiki mahiai, no ke aloha o ke Akua mana loa ma ka Lani i ka haawi ana mai i keia kuaua. Eia kekahi mea e lonolono ia nei iloko o keia mau la, o na kokua ma’i a pau e noho ana maloko nei o keia Panalaau; ina ua make kau ma’i i hele mai ai, a ua mare nae hoi oe i kekahi wahine hou aku, alaila, aohe ona kuleana e noho hou ai maloko ner e ku no oia a hoi iwaho, aohe ka he kuleana oia e noho hou ai, a aohe no hoi he mana oia mare ana. Aloha wale ka olelo a ka Haku e luaiele ia mei e ko ke ao nei, iea Kana olelo, “O ka mea a ke Akua i hoopaa ai, mai wehe ae ke kanaka.”
Ua lawa au maanei, no ka Lunahooponopono ko’u aloha a no na keiki lawe haaheo hua metala ko’u aloha Hapanuia.
Owau no me ka haahaa,
William P. Kalohe.
Kalaupapa, Molokai, Oct. 15, 1891.
NA MEA HOU O KA MAKANI
Mr. Lunahooponopono:
Aloha kaua:
E oluolu mai kou hanohano, e hookomo iho i keia wahi mea hou, ma kahi kaawale o kau nupepa pukuniahi; a nau @ia e hoike ae i ke akea, i ike ia mai ke au iki a me ke au nui.
Ma ka po o ka la 10 o keia malama, ua hele aku la kekahi kanaka o Kauli kona inoa, i ka hale o kekahi mau elemakule, me kekahi laau hahoa ma kona lima.
Ua manao paha oia e hele e powa, a i ole, e pepehi paha i keia mau elemakule, ua hele aku oia a hiki i ka kale o ua mau elemakule nei, kikeke aku nei ma ka puka.
Ia wa, pane mai nei ka elemakule kane, Owai mawaho? Aohe pane aku, palua a pakolu ka ninau ana aole he pane aku, a i ka ha o ka ninau ana, pane aku nei ua Kauli nei.
Owau no.
O oe owai?
Owau no o Kauli.
Hemo ka puka, komo aku nei ua Kauli nei me ka laau no ma ka lima kahi i paa ai.
Ninau mai nei ka elemakule kane, i ua kanaka nui:
E, poeleele hoi oe?
E poeleele.
I hele mai nei oe i ke aha?
I hele mai nei au ia olua.
Ae, pilikia ea, wahie a ka hapauea i pane aku ai.
Aole, he moeuhane na’u.
Ae, a pehae?
Eia, hele ae nei o Kaneiakama a kahea ae nei kona uhane ai’u. Oia a oia ki’u kumu o ka hele ana mai nei.
Aka, aole oia ka oiaio, ka oiaio ea, i hele oia e hoohalua i kela mau elemakule me ka manao he dala ka laua, oia ka manao koho aku, aka, aole i maopopo.
Nolaila, aole pono iki o na ano hana e like me keia, ina he namao ko kekahi kanaka a wahine paha, aole pono e paa me kekahi laau o keia ano, oia ka mea e lawe pu ai a hoike aku i ka moeuhane, me ka i kau oia ka laau e ola ai ka, kupanaha keia ano hana eepa o ke au pouli, iea ka ka Buke i olelo ai, “Mai kuko i ka wahine a kou hoalauna,” ma oia ke kumu o kona hele ana e like me kela, alaila, he mea maopopo, oia kona kumu o kona paa ana me kela laau, e kii oia a ina aole e loaa iaia kela wahine, alaila pepehi paha oia i kela wahine me ke hewa ole.
Nolaila, e ke kanaka i piha me ne manao ino mai hana hou pela o nanahu mai auanei ke kanawai, o ke kanawai ke mea e make ai, no la, e hoolohe e na kanaka o keia ano o pilikia auanei.
Me ka mahalo,
A.K. Kalama.
Waianea, Oct. 15, 1891
E HOAKOAKOA E NA MEKANIKA A ME NA PAAHANA.
E malama ana ka Hui Mekanika a me na Paahana i kekahi halawai ma ka rumi halawai Robikana, kihi ewa o alanui Moi a me Nuuanu, i keia ahiahi Poaha, Oct. 15, hora 7:30. Ke poloai ia aku nei na hoa a pau e hele mai, a ke poloai pu ia aku nei no hoi ka lehulehu.
Ma ke Kauoha.
He Kuai Nui Hoopau aku
E HOOMAKA ANA I KEIA
POAONO, AUGATE 1, 1891
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani.........$.90
20 i-a Kalakoa maikai...............................1.09
12 keokeo 1 i-a laulu.................................1.00
8 keokeo 1 i-a laula....................................1.00
159 kakini lakeke o na Kamalii huluhulu... .45
93 kakini ka’e waihooiau o na wahine........ .03
Huluhulu no na paa lole kupono .25 keneta o ka i a, e kuai no makou i keia mau la no 7 i-a no... 1.00
Papale Kula o na Kamalii............................. .25
Na Kawelo nunui, 2 no................................ .25
Kakini eleele maikai.................................... .25
Na Papale i kahiko maikai ia...................... 2.50
RUMI HANA LOLE MALUNA HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 30 LA NO KE @ KUIKE WALE NO KEIA KUAI ANA.
C.J. Fishel
Ka maka@@@ o na li@@@@ako o na Wahine, oia hoi ma alanui @ p@ a @ Molele @ kahi i han@@@ ia ai @ @ hoo@ a ano nei no nei.
HE HOOLAHA
I na mea a pau no lakou kekahi aina ma Kalihi Oahu i loaa he pono wai, e akahele mai oukou i ke kakau ana i na inoa o oukou maluna o kekahi palapala nui e lawe hele ia nei e kekahi poe, e hana ke aupuni i mau lua hooki’o wai mauka o Kalihi, no ka mea, no ko oukou mau aina no ka wai aole e hiki i ke Aupuni ke lawe wale i ko oukou mau pono wai me ko oukou ae ole a me ka uku pu hoi ia oukou no ia pono wai i lawe ia. ina e kakauinoa oukou i ka palapala noi, ua like mo ia me ko oukou ae ana e hoouele ia na aina o oukou i ka wai, nolaila, e akehele mai oukou. Aole wai i koe o ke aupuni ma Kalihi, ua pau na aina i ke kuai ia, a ua lilo pu me ke wai i ka poe mea aina. E akehele, mai puni wale aku. Owau iho no me ka oiaio. W.L. Wilcox
OLELO HOOLAHA
E ike auanei na kana’a a pau, eia ma ka Pa Aupuni o Makiki, kekahi mau lio hele hewa; lio k melemele, keokeo lokihi ma ka lae, huelo poemuku, 2 wawae eleele mua, 2 wawae keokeo hope; hao kuni R H uha hope akau. Lio k eleele keokeo lokihi ma ka lae, 1 wawae keokeo hope hema. 3 wawae eleele; hao kuni D hope akau. O ka mea a mau mea nona keia mau lio e pono e kii koke mai o hala na la he 14, kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.
David Kaoao.
Luna Pa Aupuni.
Oct. 20, 1891. 304 3td.