Ka Leo o ka Lahui, Volume II, Number 378, 28 January 1892 — Page 2
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
I KA POE KOHO! I KA POE KOHO!
He Olelo A o: E p@ hookomo ia kou inoa malalo o ka Papa Inoa o ka poe koho no na Lunamakaainana
Ina e @ ka inoa e kekahi mea @loko @ o ka papa inoa o ka poe koho no na 'Lii aole loa e hiki i@ ke koho no na Lunamakaainana.
E nana pono i na inoa o ka poe @ koho @ hookomo ia kou inoa ma ka Papa Inoa o ka poe e koho ana i na Lunamakaainana e @ Luna Nana
O ka poe kupono i ke koho i na 'Lii e paa nei ko lakou mau inoa ma ka Papa Inoa o ka poe kupono e koho i na 'Lii, e pono lakou e hookomo i ko lakou mau inoa ma ka Papa Inoa o ka poe kupono i ke koho i na Lunamakaainana. He lehulehu na Inoa o ka poe kupono ke koho 'Lii e paa nei maloko o ka papa inoa ia hoolaha ia, a maloko hoi o ka Buke Inoa Nui, aole i paa maloko o ka Papa Inoa o ka poe kupono i ke koho Lunamakaainana. C. N. SPENCER.
Kuhina Kalalaina
Keena Kalaiaina. Ian. 13. '92 2w.
HOOLAHA A NA LUNA NANA KOHO BALOTA.
Apana Eha o Honolulu, Mahele 2. Ke hoolaha aku nei ma keia, e halawai akea ana na Luna Nana Koho Balota o ka mahele i oleloia no ekolu manawa, elua hora i ka la hookahi ma ka Hale Bele Kaawai (Bell Tower) ma alanui Uniona a e hoomaka ana na halawai i ka hora 7 o ke ahiahi @
I ka POAKAHI, IANUARI 18, 1892
I ka POAKOLU, .. 20, ..
I ka POALIMA, .. 22, ..
No ka hooponopono ana i ka papa inoa o na poe koho o ia mahele ma ka hookomo ana i na inoa hou a i ole ma ka holoi ana i na inoa o ka poe koho i make, hele aku mawaho o ka mahele a me kahi poe e ae i kupono ole e koho balota iloko o ia mahele. A ina i manaoia he mea kupono e malamaia ana no he mau halawai hope loa i hoikeia ae la mamua nae o ka la 18 o keia malama, a e hoolahaia aku no ia mea ma ka halawai mau hope loa.
O keia mahele aia a maloko o keia mau kaup@ ana. mauka o ke Alanui Beritania, ma ka aoao hoi ma Waikiki, ke Alanui Rikeke, ma ka aoao makai o ka lihikai, a ma ka aoao ma Ewa o ke Alanui Nuuanu.
Ma ke kauoha a ka Papa Nana.
HENRY SMITH.
Lunahoomalu.
Honolulu, Ian 18, 1892. 3@5@d
HOOLAHA A NA LUNA NANA KOHO BALOTA.
APANA @ O HONOLULU, MAHELE 1.
Ke hoolahaia aku nei ma keia, e malama ana na Luna Nana Koho Balota o ka Mahele i oleloia ae la, i eha mau halawai akea o elua hora ma ka la hookahi, e hoomaka ana mai ka hora 7 o ke ahiahi, peni:
I ka POALUA, IANUARI 19, 1892
I ka POAHA .. 28, ..
ma kahi Hooulu Mea Kanu o ke Aupuni, ma ka huina o na Alanui Moi me Waikiki
Ma ka Poaha, Ian. 21, 1892, ma ka Hale auau (Long Branch Baths) ma Waikiki.
Ma ka Poalima, Ian. 22, 1892, ma ka Halekula o Kamoiliili.
E hooponoponoia ana ka papa inoa Koho Balota maloko o ka Mahele Koho, ma ka hui ana aku i na inoa hou i ua papa-inoa la, a ma ke kapae ana ae paha i na inoa o ka poe i make, i haalele iho i ka Mahele Koho a ano e ae paha e kupono ole ai ke koho balota maloko o ua mahele la.
Ma ke Kauoha a ka Papa Nana,
E. L. SPALDING.
3@d. Lunahoomalu.
HOOLAHA A NA LUNA NANA KOHO BALOTA.
APANA @ HONOLULU @
Ke hoolaha ia aku nei @ hora 7 o ke ahiahi, penei
I ka POAKOLU, IANUARI 20, 1892
I ka POALIMA .. 22, ..
I ka POAONO, .. @
No ka hooponopono hou ana @ inoa o ka poe koho @ ka p@ ana hoi i na inoa @ i haalele i keia Mahele @ paha i ke koho ma keka@ koho ma ka Mahele 2
Ina @ ma ia wahi @ ka la 28 o Ianuari, a e hai @ ka manawa o ia mau halawai @ ka wa e hoopanee ai.
Ma ke kauoha a ka Papa Nana.
W. I. WILCOX
@ Lunahoomalu.
HOOLAHA A NA LUNA NANA KOHO BALOTA.
APANA 3 O HONOLULU, MAHELE 2
Ke hoolahaia aku nei ma keia e malama ana na Luna Nana Koho Balota o ka Apana 3 o Honolulu, Mahele 2 he mau halawai ma ke K@ o ka Luna Auhau maloko o Kapuaiwa Hale, Alanui Moiwahine, ma keia mau la:
Poakolu, Ian. 20, 1892, mai ka hora 4 a ka hora 7 ahiahi.
Poaono, Ian. 23, 1892, mai ka hora 4 a ka hora 7 ahiahi.
Poakolu, Ian. 27, 1892, mai ka hora 4 a ka hora 7 ahiahi.
Poaha, Ian. 28, 1892 mai ka hora 4 a ka hora 7 ahiahi.
No ka hooponopono ana i ka papainoa koho balota o ka Mahele i hoike ia ae la ma ka pakui ana aku i na inoa hou, a ma ke kapae ana ae i na inoa o ka poe koho i make, i haalele i ka mahele koho, a i hiki ole paha ke koho iloko o ua Mahele la
T. C. PORTER
H. ARMITAGE
K. KUHIA.
370-td d. Na Luna Nana Koho Balota.
HOOLAHA A KA LUNA NANA KOHO BALOTA.
APANA 4 O HONOLULU, MAHELE 1.
Ke hoolahaia aku nei ma keia, e malama ana na Luna Nana Koho Balota he ekolu mau halawai o elua hora o ka halawai ana, ma ka Hale Kinai Ahi Pake, ma ka
POAKAHI, IANUARI 18, 1892 hora 7 pm
POAKOLU, .. 20, .. .. ..
POALIMA .. 22, .. mai ka hora 2 a hora 4 pm.
No ka hooponopono ana i ka papa inoa koho balota o ka Mahele ma ka pakui ana i na inoa hou, a kapae ana i ka inoa o ka poe koho i make, i haalele i ka Mahele, a i kupono ole ke koho malalo o kekahi kumu ma ia mahele. Ina e ike ia ke kupono e malamaia no he mau halawai hoopanee ma ia wahi no, aole e oi aku mamua o ka la 28 o Ianuari nei, a no ia mea e hai ia aku no ma ka wa o ka halawai e hoopanee ai.
Ma ke Kauoha a ka Papa Nana,
D. B. SMITH,
@d Lunahoomalu.
HOOLAHA A NA LUNA NANA KOHO BALOTA.
APANA 2 O HONOLULU MAHELE 1.
E halawai ana na Luna Nana Koho Balota ma ka Hale ma ke komo ana aku i kahi Hookio Wai, piina o Maemae, Alanui Nuuanu, ma ka-
Poakahi, Ian. 18, 1892, mai ka hora 4:30 a ka hora 6 o ke ahiahi.
Poakolu, Ian. 20 1892, mai ka hora 4:30 a ka hora 6 o ke ahiahi.
Poalima, Ian. 22, 1892, mai ka hora 4:30 a ka hora 6 o ke ahiahi.
Poaono, Ian. 23, 1892, mai ka hora 4:30 a ka 6 o ke ahiahi.
No ka hooponopono ana i ka papa inoa koho balota o ka Mahele ma ka paku'i ana i na inoa hou, a kapae ana i ka inoa o ka poe koho i make, i haalele i ka Mahele, a i kupono ole ke koho malalo o kekahi kumu ma ia mahele. Ina e ike ia he kupono e malama ia no he mau halawai hoopanee mai ia wahi a aole e oi aku mamua o ka la 28 o Ianuari nei, a no ia mea e hai ia aku no ma ka wa o ka halawai e hoopanee ai.
Ma ke Kauoha a ka Papa Nana.
JAS G SPENCER
370-t@d. Lunahoomalu.
HOOLAHA A NA LUNA NANA KOHO KOHO.
APANA 2 O HONOLULU, MAHELE 2.
Ke hoolahaia aku nei ma keia, e malama ana na Luna Nana Koho Balota o keia Mahele, e eha mau halawai o elua hora o ka la, ma ka Halekula o @auluwela, e hoo@ ana ma ka hora 7 ahiahi, penei
POAKAHI, IANUARI 18, 1892
POAKOLU, .. 20, ..
POALIMA, .. 22, ..
POAONO, .. 28, ..
ma ka auina la a ahiahi mai ka hora 3 a ka hora @ pm.
No ka hooponopono ana i ka papa inoa koho balota o ka Mahele ma ka pakui ana i na inoa o ka poe koho i make, i haalele i ka Mahele, a i kupono ole ke koho malalo o kekahi kumu ma ia Mahele. Ina e ikeia he kupono e malamaia @ he mau halawai hoopanee ma ia wahie @ oi aku mamua o ka la 28 o IA @ a no ia mea e hai ia @ ka wa o ka halawai e hoopanee ai.
Ma ke Kauoha a ka Papa Nana,
HUGH GUM
370—@d. Lunahoomalu.
@ e akoakoa @ ma ke keena nei, i ka hora 10 a.m. oke kakahiaka Poalima, no ka noonoo ana kekahi @
PONO KAULIKE
Ina Aole Oe e Makemake i na PAAHANA INA
NO KA
Umikumamalima Keneta o ka La
ALAILA E KOHO LOKAHI I KA
BALOTA LIBERALA
A @ Koho Pololei.
KA LEO O KA LA HUI.
JNO. E. BUSH.
Lunahooponopono a me Puuku.
POAHA, IANUARI 28, 1892.
Halawai Makaainana.
E malama ana ka Aoao Lahui Liberala Hawaii he halawai nui, e like me keia i hoike ia malalo iho penei:
Apana 2, hora 7 p.m., Poalua. Ianuari 26, ma kahi noho o A. Palekaluhi, alanui Kula.
Apana 3, hora 7 p.m., Poakolu Ianuari 27, ma Ema Kuea, alanui Ema.
Apana 4, hora 7 p.m. Paoha, Ianuari 28, ma ka hale paikau kahiko.
Apana 5, hora 7 p.m. Poalima, Ianuari 29, ma ka hale kula o Keoneula
Poaono, Ianuari 31, hora 7 p.m., ma Manoa. Poakahi, Feberuari 1, hora 7 p.m., ma ka hale auau ma Waikiki. Poalua, Feberuari 2, hora 7 p.m., ma Ema Kuea: oia ka halawai hope. Ma ke kauoha.
HE LEO POLOAI.
Ke kono ia aku nei na moho alii a me na moho lunamakaainana a pau a me na komite o ka aoao Lahui Hawaii Liberala, e akoakoa ae ma ka Robikana Hale, ma ka la 31 o keia mahina oia hoi ka Lapule. No ka wae ana i na luna o keia a me keia mahele koho balota. Ma ke kauoha.
HALAWAI MA WAIKAHALULU
Ua hiki ae he heluna nui o na poe kupono i ke koho balota o ka apana elua ma kahi noho o Palekaluhi. Ua haiolelo o J. W. Bipikane a ua nui ke ohohia o na hoa makaainana iaia i ka hoolohelohe ana, aka iwaena o ke anaina e noho ana a e ku ana iluna, o Bipikane wale no ka lakou e koho ana, a ua hoke mai lakou i ka oiaio o keia mamuli o ka ninau ia ana o ka poe a pau e makemake ana e koho ia Bipikane, hapai na lima iluna, ua hapai like ke anaina holookoa me ka lokahi, aohe mea kue, ua haiolelo na moho e ae i hiki ae, mai na alii a na makaainana a me ka papa alanui. I ka pau ana o ka lakou haiolelo ana, ua kahea ae ke anaina ia Mr. Kaulia a ua hele mai oia a pii iluna o kahi e haiolelo mai ai, oia nae ka mea apiki i huli mai k@ o Kaulia e hoomaka e haiolelo, ua pau kanaka i ka hoi a ua noke ia i ka uwauwa. Ua nui loa ka huhu o Kaulia a hoopuka mi i k@ mau olelo "E hiki mai ana ka la e mihi ai oukou no keia hana hoohoka a oukou ia'u."
@ paha @ i ka hoo @
MR. J. GAY IMUA O KA HALAWAI KOMITE.
Ma ka haiolelo a Mr Gay imua o ka halawai komite, ua hoike mai oia i kona manao kakoo i na kumu hana a pau, a ka aoao lahui liberala mai ke poo a ka hiu.
A wahi ana, he hana maikai maoli no keia a ka aoao lahui i hana ai, oia ka hana pookela o ka naauao, aole loa e hiki ke kue ia keia mau kumuhana a pau.
A ke kakoo nei au, e hoopau i keia kumukanawai, oiai, ua ike au i ka ewaewa maoli no o keia kumukanawai e ku nei: nolaila, eia au ma ka aoao o ka lahui Hawaii a hiki i ko'u hooluolu ana maluna o ka lepo aloha o Hawaii nei.
Nolaila, e na hoa makaainana, ka poe i loaa ka mana koho alii e koho me ka lokahi i na moho alii a pau o ka aoao lahui Liberala Hawaii, na lunamakaainana a me ka papa alanui.
Eia la ua hoike maoli mai nei o Kimo-ke iaia iho, e holo ana oia he moho alii no ka aoao Lahui Hawaii Liberala. Puakauwahi i ke keiki o ka ehukai o Puaena, e kakele ana i ke kula laula o Mokuleia Imua e Hawaii ponoi no ke aloha aina, e koho me ka lokahi.
UA HOOPAUIA.
Ua lohe mai makou, ua hoopauia o Mr. F. S. Keiki, mai kona noho ana mai ka oihana makai aku. O ke kumu ka, no ke kokua i ka Aoao Lahui Hawaii Liberala.
E na hoaloha, na makaainana no a pau; eia ke ano hana a ka poe kue lahui, a ua maopopo no ia makou, aohe he mea e ae, aka, aia ponoi no i ke alo o ka Moiwahine ka mea nana keia hana. Aka, he wa no e hoea mai ana, e pelu auanei na kuli o keia k@pu ino i ka honua.
Nolaila e Mr. F. S. Keiki, e hooikaika a hiki i ka hopena; ke ike nei makou, aole ooe ka hiki mua ma keia ano hana, aka, aia no i ke alo kahi i noho ai, aole nae he hoopauia, a ina iho ke okuu iho la, he aha ka mea hoopau ole. Nolaila, imua e ka Lahui Hawai a lanakila kakou.
NU HOU KULOKO.
Apono hora 10, e holo aku ai ka Malulani no kona mau awa maa mau.
Nou ka noho o ka apana 1 e W. H. Kamaki, aole e loaa ia hapalahaukae ma.
He paikau kiki wai ka na keiki o ke Kaawai Helu 2 i keia ahiahi Poaono iho hora 4:30.
Pua ka uwahi o ka hapa Italia ma Waialua, aohe nao ai o Kikila i ka papaa i ka ehu-kai o Puahemo.
I keia Poaono ae, Feb. 6, e malama ai na keiki o ka Oihana Kinai Ahi i ko lakou hookahakaha makahiki.
Pihaku'i ka Ema Kuea i ka po nei, i ka hoolohe i na olelo momona a na moho o ka aoao lahui liberala Hawaii.
Ua lohe mai makou, eia o Kauka Hai ke waiho nei iloko o ka ma'i pilikia, ua eha ia kona kua, mamuli o kekahi @
Ua hoopanee ia ke kuai kudala ana o na aina o ka Moi Kalakaua mai ka la 30 o Ianuari a ka la 6 o Feberuari ae nei.
Ua lohe mai ma@ ka o Waimea Kauai, @ ia Liwai Kauai. Pololei oukou a pau loa, ina oia ka manao.
Pikike o Kaulia ia Bipikane ma ka halawai ma Waikahalulu i ke ahiahi Poalua iho nei. Heaha no la ko laila o ka miki ana ae.
E alawa ae e na makamaka ma ka aoao 4 o ka pepa o keia la, e ike no oukou i ka moolelo noi a ka wiliokai palena ole: "Masanero ke kanaka lawaia."
He hookuku hukihuki kaula ke malama ia ana e na keiki o na hui kaawai ili Onipaa, o ka helu 1; a me Lanakila o ka helu 5: i kekahi o keia mau la iho.
O ka halawai a Mr. T. R. Luca ma ka hale paikau i ke ahiahi o nehinei, eia ke ano o na lahui i hiki ae. 6 haole. 1 Pake, 1 Iapana, a o ka hopena he neo.
Aloha wale no ka hoi ka hui oiwi e noke ia mai nei i ka palukuluku e ka ahikanana C. W. Akipoka ua pau nui i ke auhee, aia i kai o Mokuoe'o kahi i noke nui ai i ka ume i na hupe o lakou.
Ma ke ku ana mai a ka mokuahi Ausetaralia i ka Poalua nei, i huli hoi mai ai o Mr. Berger ke kumu puhi ohe. He mahina ae nei a oi kona hoomaha ana aku nei ma Kaleponi, a huli hoi mai nei.
Mauka ae o Kalihi-waena ka moho o ka aoao Hui Kalaiaina Ioane Akina i ka Poahiku iho nei kahi i awala ai i na ai o kahua.—He la hele uo ka ia e haiolelo holo balota ina he la pule ia?
Aia o Kaulukou a me kona kuhoe oehaa, onaha, kapakahi, kikii, hohole-iwi, ke hou hele ala na puka ihu iloko o na kaupapa lo'i raiki a kau Pake: e oku ana i mau wahi balota. Aloha ino ka ihu.
Ke olelo mai nei kekahi poe kanaka o ka apana 5: e hoi no ka o Sam K. Pua e noho ma kona noho i keia manawa, ua akaka no ia lakou aohe wahi balota o Aki me Akina. Paaluhi ma ia wahi, no Pua wale no. Nui ke ohohia.
Ua hoopaapaa o Kale Ai raiki me kekahi makuahine oiaio o ka lahui Hawaii i ke ahiahi Poalua nei, mawaho iho o ka pa o Palekaluhi, i ka manawa e haiolelo ana na moho o ka aoao Liberala. Ua hoike aku keia makuahine oiaio o Hawaii i kona manao ia Kale Aki e koho ana kana kane i ka paa balota liberala, a ina e hooko ole kana kane, a koho i ka aoao o Kale Ai-raiki ma, e haalele ana oia i kana kane; ua hoao mai o Kale e hoohuli i ka manao o keia wahine, me kona akamai loio, ua hoohoka ia mai nae ma na ano a pau e keia makuahine. Pomaikai ka lahui ina i like ka manao o na poe a pau me kou.
HOOPANEE IA.
Ua hoopanee ia ke kuai kudala ana i na aina o ka Moi Kalakaua @ nei, a ka la 6 o Feberuari. Ma ke Kauoha.
JAS. F. MORGAN,
Luna Kuai Kudala.
MALCOLM BROWN!
P@
NOTARI O KA LEHULEHU Aliio@i Hale, Honolulu @ 33@