Ka Leo o ka Lahui, Volume II, Number 425, 5 April 1892 — Page 1

 

KA LEO O KA LAHUI.

"E Mau ke Ea o ka Aina i ka Pono."

 

Buke II.          HONOLULU APERILA 5, 1893.          Helu @

 

HE MOOLELO

--:NO KE KEIKIALII:--

 

AWAREDA!

 

a me

KA UI LEILA

o Noremadi.

 

(Kakauia no Ka Leo.)

 

MOKUNA IV.

Ka Hooilikaua Weliweli a me Kona

Hopena Kumakona.

 

  Ea, ke ike maopopo la no anei oukou ia laua?

  Ae, wahi a ka pane.

  Pehea. owai ka mea lanakila?

  Ua ano maluhiluhi a uhauha ka moi Wolefa. a ke hookaawale mau la oia iaia iho mai a Avareda aku.

  Aohe o'u ike pono aku, wahi hou no a ka moi poino. Ua ano powehiwehi ka ike a ko'u mau maka no ke olinolino loa o ka la. A ke hoomaopopo nei au i keia manawa i ko'u ano nawaliwali maoli u amuh o ka nui loa o ke koko i kahe mai a'u aku. Aka. na oukou e hahai mai ia'u i na mea a pau e hana ia ana mawaena o laua.

  Ae, ke ike nei makou e like me he aniani kilohi ka moakaka.

  Ina pela, wahi a ka moi. e hahai mai oe ia'u i na mea a pau e hana ia ana. Pehea la kuu keiki, a pehea la kona enemi?

  No ke kei@ialii, he lua ole oia o ke koa! wahi a ka naita lawelawe. No ka moi Wolefa, ke ano akakuu iki mai la kana awala ana i kana mau hauna pahi. a ua hoike mai kona ano a pau. ua naenae oia me ka maluhiluhi. oiai ke aluhee iho la kana palekaua i lalo. Ha! ae, akahi no au a hoomaopopo. ua eha ka oia!

  Owai ka i eha? o kuu keiki anei? o oluolu e hai mai.

  Aole o ke keikialii, aka o ka nunui Wolefa. Ua moku kona poohiwi hema i kekahi o na kiina pahi aiwaiwa a Avareda.

  Ae, a oia ka mea i haule iki iho la ke kau ana o ka palekaua a ua lapuwale la.

  Auwe! ke hapai hou la ke keikialii i kona kino a pau ka loa iluna! Ma ka inoa o na lani, he ku i ka nani a me ka haaheo kona kulana, a pela no hoi me kana mau kiina pahi!

  O! e kuu haku, aole anei ou ike aku i ke keikialii?

  Aole, aole o'u ike aku. E hahai mai ia'u, pehea ia, ua eha anei kuu keiki?

  Ua eha! Aole oia ka i eha. Aka. pela iho.--E hoomaikai ia ke Akua Kiekie loa ma na wahi a pau!

  Heaha ia, e hai mai? wahi a ka moi i ninau mai ai me ka puiwa nui, iaia i lalau mai ai i ka lima o kekahi o na naita e ku koke ana ma kona aoao, me ka hoao pu ana ae e ku iluna ia manawa hookahi.

  E like me ka oiapa ana a ka uwila, pela iho la ka hikiwawe o ka pahikaua a ke keikialii i kapalili ae la i ke ahe lau makani, a i ka manawa i manao oie ia, aia hoi kapoo puanuanu aku la ka wini oi o kana pahikana iloko o ke kino nunui o ka moi o Denemaka. mai ka umauma aku a hula pu mahope o ke kua.

  Ae, a ke hoomaka mai la ua nunui Wolefa nei e haa i o a ianei me he kanaka ona la! Ha! ke kimo la in@ua a i hope kulana ai!

  Haule lohalha iho la kona lima akau ilalo, a hemo pu aku la hoi kana pahikaua mai ku umii ana a kona mau manamana lima pepeekue.

  Ho! ho! hina aku la oia ilalo! hina aku la oia ilalo me ke koko e kahe a wai ana mai kona umauma mai! Make ua Wolefa nei i ke keikialii.

  Ha! ke lohe la anei oe e kuu haku i ka leo hooho o na naita o Noremadi nei e hoopaiakuli mai la i ka lewa?

  Ae, wahi a ka moi poino, me ka hoao ana e ku maluna o kona mau kapuai, ke lohe nei au. He pine hauoli kela o na Noremadi no ko lakou lanakila ana.

  Nolaila, e hoomaikai mau ia o Odina i na manawa a pau, no ke aloha ana mai ia'u kana kauwa!

  He oiaio, e kuu mea heluhelu aloha, ke haehae ia ia manawa na hooho leo hauoli i ka lanakiia i na paia hakanu a hoanoano o ka lewa i na minute mamua iho, oiai na naita Noremadi e ho-a ana i ko lakou mau enemi me he opala la e puehu ana imua o ka makani puahiohio hele uluulu me ka hooponopono ole.

  No ka mea, i ka ike ana o ka poe Denemaka i ka haule make ana o ko la@ou moi a alakai hoi ma ko lakou aoao, ua auhee koke aku la na manaolana no ka lanakila mai a lakou aku, a me ka nana ole ae i na mea a pau, huli ae la kela a me keia kanaka Denemaka me ka makau nui, a holo pololei aku la e like me ka mama i loaa i ko lakou mau a-u ke lawe, a no ke awa ku moku ka pahu hopu, kahi hoi o ko lakou mau auwaa kaua e mo-ku ana,l oiai hoi na Noremadi e uhai ana mahope o lakou me ka piha wela i ka huhu

     Hoomanawanui iho a apopo.

 

KA MOOLELO HOONANEA

O KA EUEU

MASANERO.

 

Ke Kameha'i o

Italia.

 

A I OLE.

O ka Lawai'a Kaulana loa o

Napela.

 

MOKUNA XI.

Hakaka ma ka Moane, a lilo i mau

Moepuu ma ka Hohonu--Ka

Papu Mauu ma ka Ilikai

Kanaenae Ola no ke

Kanaka I awaia.

 

  E Isabela, e waiho malie mai ana no oe na'u no e noonoo ia mau mea a pau me kou kumakena ole mai ia'u.

  Oia auanei e he keiki oe no ka pono e lohe mai oe i ka'u mau olelo a pau i uwalo aku aei ia oe.

  A me he mea la no o kou ano i ka nana aku, ua lealea no oe ke laweia aku ka Vikeloe i kauwa na oukou.

  He keu ka mea makau o keia mau hana e hana mai nei, hookahi wale no pono, e haele kakou

  Me keia mau huaolelo hoolala hopu ae la o Fanedena i na lima o Isabela, a ume ae ia iaia iluna a hoomaka aku la o hele me ka haalele iho i na paia anoano o ke Kakela Nuovo.

  Eu poo wale ae la n@ o Isabela, no ka mea, ke mau la @o kona hoowahawaha no Faned@ea, a ke lele mai la ke ao opua ao ke kanaka lawaia.

  Ia Isabela ma e hele nei, wa h@puni ae la he elua m@a maholo he@ i malu ai he k@la, aohe nolo poipoi ma ka puk@ihu o na kamahele o mahuka nei.

  Ia lakou ne a oili pono aku mawahe o ka ipuka o ka pa, ua p@i koke ae la lo@ou i na hoa @ma Menehune e ke Kanaka Lawaia, oiai no lakou e hoopua malie mai ana mawahe o ka pa alii, e pulu@i ana i ke ala i maluhia ai ke kii ana o ka laau o ke ola.

 

MOKUNA XII.

Masanero imua o ka Vikeloe, he

maka no he maka--Ulupaia

na pani puka o ka Vicaria

Holo ke Kuahaua.

 

  Ia Fanedesa ma i komo koke mai ai i ke Kakela Nuovo, ua ike e mai la no o Masanero ia lakou, a ua maopopo mai la no iaia, ua pakele mai la mai k@pua lima mai o Bahino me na lazaroni.

  Nolaila, ua hoopuni koke ia mai la ka pa alii Vicaria e na koa o Masanero, panikui@ mai la puh@p@ o ka pa alii, a o na mahele koa elua o ke Duke e alakai ana ia Isabela ma, ua pupukahi ia mai la, me ka lilo ole o kekahi ola o lakou a hiki i ka pili wale ana.

  Ma ka ipuka ponoi e hemo loa ai iwaho, ua hoonoho aku la o Masanero i kekahi o kona mau kanaka i heie a lehia ma ke ki pololei, no ke kiai nono ana i kekahi mea o loko o ka pa pa e hoao ana e mahuka malu.

  Hoouka koke ia iho la he kaua ia wa mawaena o na koa o ke kanaka lawaia a me ko ke Duke, a ua lauahi ae la na lazaroni. a ua hiki pono ke oleloia, ua haehae ka manu ke ale niei ka wai.

  Hooho ae la na koa o Masanero me ka hooho nui ana:

  E ola mau loa ke alakai Italia! E kuipalu iho a weluwelu ke Duke o Acosa!

  Ulupaia iho ia na pani puka o ka pa alii a weluwelu liilii ana ilalo, a pouli pu an la ka pa alii i ka uwahi pauda, a hoa a@ la ka lepo, aole i kanamai ka weliweli ke nana aku.

  Aole i hala he napalua hora o keia uluaoa ana, aia hoi, o na ala anuu o ka Vicaria, na malapua nani, na alanui kihapai, ua l@li n@ la ko lakou mau nani i moanawai koko e hilihiliku ana mao a maanei a i ka nana ana aku i na hana e lawelawela ana me ka puahi nui, he ku i ka wiwo ole, ka makau ele, a me ke aiwaiwa o na hookele ana a ke Kanaka Lawaia, kena mau alii koa a me na koa lazaroni.

 

OHE HAWAII.

 

  E loaa no ma ka Halekuai Haukilima o HART & Co. na ohe l@ pan@ i ka hana ia papale a hana peahi. E kipa mai e ik@ a@ ih@, oiai he oluolu na kuka @ a he oluolu no hoi ka ahuau.

  Honolulu, Feb. 15, 1892.

3@9d-3ta.

 

Kauka Young Kam

Pung.

APANA.

 

Helu 53, Alanui Maunakea.

Ke Kauka Loea o ka

Aina Pau!

 

Ua hiki ke hoola ia kela a me keia ane

ma'i, mai ko na kane, wahine a me

na keiki liilii. O na ma'i ha-no

na hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke

hoike ia aku nei,

ia aku nei.

eia ke ola ia nei, me

ka oluolu pu o kahi

auhau. Ka poo pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei.

   =>  E KIPA mai e ka poe i hooluuluu ia me na haawina pilihuaa ka ma', a na'u oukou e honluulu aku.

KAUKA YONG KAM PUNG.

Honolulu Sept. 2, 1891.                      272--d3m*

 

E Kuai Hoopau

Ana !

Na Kaa Huila Lua

 

Ili Kaa Malalo o ke Ku

mu Lilo

 

Ma kahi o---

S. G. Schuman.

 

Alanui Hotele kokoke i ke kihi o

Alanui Papu                            329-1wd.