Ka Leo o ka Lahui, Volume II, Number 492, 5 July 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

John E. Bush,

Luna Hooponopono a me Puuku.

Honolulu, July 5, 1892

 

I NA HOA HELUHELU

            Mamuli o ka anoi nei a me ka makemake paulehia o ko makou mau makamaka heluhelu e lawe nei i KA LEO O KA LAHUI, e hoopuka mau ia ko lakou mau inoa hookaa mahina iloko o ka nupepa, ka inoa o ka luna, a me ka la i hookomoia ai iloko o ka nupepa.  No ka pomaikai o na makamaka, a i kumu hoi e hoopilikia mau ole ia ai ko makou mau makamaka e na luna hana apiki, ke lawe nei makou i ke koioi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou e hooko nei, a e lilo no hoi keia hoolana i bila hookaa no ka wa e okiia ai kekahi luna hana apiki, e loaa ana ia loakou ka pepa ma ke Keena i na wa a pau i makemakeia.  Nolaila, e awihi ae e ka poe hookaa mua o keia mahina.

 

NA ANOAI O NAPOOPOO.

            E Mr. Lunahooponopono

            Aloha oe: - e oluolu mai kou ahonui e hookomo iho i keia mau wahi hunahuna materia o ka aina nei ma kahi kaawale o kau pukuniahi, i ike mai ai na kini makamaka o kaua e noho ana ma na kihi a pau o ka Paeaina Hawaii nei a a oia iho keia:

            Ma ke kakahiaka Poalua o ka mahina i hala, ua laulaha hikiwawe ae la kekahi lono hoolele haoli ma na papae-puka o ka ipuka hale o na kamaaina o Napoopoo; mamuli o na olelo a na paalalo o Mrs. Kanele, a oia keia:  Ma keia po e iho mai ai ka pele i Napoopoo nei, a e pii mai ana hoi ke kai, a pulumi aku i na kauhale a pau o ka poe hoomaloko iaia i puu pohaku.

            Mamuli o keia mau olelo, i huipu ia me ko lakou naaupo, a haalele Akua maopopo, ua ku ae la kela a me keia a haalele iho i ko lakou mau home no kahi o ua hoopunipuni nui ala, a ua noho lakou ilaila iloko o elua po a me elua ao; ka mea apiki, aole he hookahi oia mau olelo i hookoia, a ua luhi hewa ka poe i haalele i ko lakou home, mamuli o ka ohikihiki ana i na ukana a me ka hoihoi hou ana mai maluna o na waa; aka ua luhi no lakou mamuli o ko lakou nana ole i ka palapala Hemolele, ka ipuka o ke ola, a me ka ipu-kukui malamalama o keia noho'na pouli; a eia ka mea i palapalaia:  "I paa ka manaoio ma ka mana o ke Akua, aole ma ka ikaika o kanaka."

            Eia kekahi:  Ma ke ahiahi lapule nei, oiai au e holoholo ana ma ke alanui, ua ike aku ia au he puulu kanaka e piha-u ana ma kahi o Kalua Pake, nolaila ua komo kino aku la au e ike i ke kumu nui o ko lakou piha ana malaila, aia hoi ike aku la au i ka wahine a Kalua Pake e noho mai ana me ka muumuu keokeo waha nui e kuhi ana au he mai, eia ka ua noho ia e ka uhane a o kana hana mui o ka hoi ana mai he ono i ka uala puleuu a me ka palena a o ka inoa o keia wahine o Nawahine a i ka i olelo ia aku i ke kumu o kona hoi ana mai olelo mai la aohe hiki iaia ke olelo mai he hilahila ka ia'u he oi keia a ka aina piha i na hana hupo,

                        Kou Oiaio

                        S. H. KAUAILANI.

 

            Ua huli hoi mai ke Komite i holo aku nei no Molokai ma ka la inehinei; a no ka lele uwati ana o ko makou mau keiki ma ka la inehinei, nolaila ua hoopaneeia ka makou moolelo e pili ana no ka huakai a ke komite a ka la apopo oili aku.  He huakai walohia keia a ku i ke aloha.

 

OLELO HOOLAHA NO NA PUAA.

            Ke loaa ka puaa, e hele wale ana ma kuu mau aina oia o Halawa a me Aiea e pepehi ia ana e hooko ia keia ke hala na la he umi mai keia hoolaha.

                                    KIMO PELEKANE.

                                    (J. I. DOWSETT.)

            Honolulu, Iune 28, 1892.

            june30 1m.

 

Kauka Young Kam

Pung.

(APANA.)

 

Helu 53, Alanui Maunakea.

Ke Kauka Loea o ka

Aina Pua!

 

Ua hiki ke hoola ia kela a me keia ane

ma'i, mai ko na kane, wahine a me

na keiki liilii. O na ma'i ha-no

na hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke

hoike ia aku nei,

ia aku nei.

eia ke ola ia nei, me

ka oluolu pu o kahi

auhau. Ka poo pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei.

 

E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.

KAUKA YONG KAM PUNG.

Honolulu Sept. 2, 1891. 272--d3*

 

KE KULANA O KO KAKOU

MAU HUI KINIPOPO E KU NEI.

            O keia malalo iho nei ke kulana o ko kakou man Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani i hanle,mai ka hoomaka ana mai o keia Kau Kini popo a @iki i keia la:

Hui                              Lanakila                      Haule                           Paani

Honolulu                     2                                  4                                  6

Kamehameha              5                                  2                                  7

Hawaii                         2                                  3                                  5

Crescent                      3                                  3                                  6

 

OLELO HOOLAHA

            Ko hoikeia aku nei i na kanaka a pau elike me ke kuleana i loaa ia'u mai a David Kalakaua Rex ma kona palapala Alodio ia'u o ka la 15 o Novemaba, 1890; me na hooiaio kupono, a me ko ka Mea Hanohano A. F. Judd , Lunakanawai Kiekie olelo hooholo no ka hooiaio kupono ana ma ka la 4 Iune, 1892.

            Ua kauohaia au e hooko i na mea a pau no'u elike me ka palapala kumu.

            Akahi-Ke hai ia aku nei, ua lawe ae nei au i na, wahi e hoakaka nei malalo iho:  Ka hapakolu iloko o ka aina mahi raiki ma Kaiwiula, me na mea e pili ana, ma ka akau, me kela aina o Kawaiholo.

            Alua - Ke kula pohaku paakea makai me na loko o Alenoho nui me Alenoho-iki, oia o (Auiki).

            Akolu-Hookahi hapalua o ko Kahuakai, Hamama o Kapakahakai, a me ke kai o Honuku, e pili ana i na palena o Kaliawa.

            O keia kekahi mau aina i kuhikuhiia iloko o ka Apana 1, o ka Palapala Sila Nni Helu 6450; o Kaunuohua no W. L. Moehonua iloko o ka Iliaina o Mokauea, Kalihi, Oahu.

            Ke paleo ia ahu nei; ua kapu na kanaka e ae, aole he mau hoa aina no'u; ua noa i ko'u mau hoa aina na pono ma ka aina, ma na kai hamama; he hapakolu ko ka hoa aina, me ka anae kam-a ma ke kei; a he Kiawe ka laau hoomalu o ka aina.  ke hanaia e ko'u mau hoa aina ka manao maikai o ke kanawai, ua ae ia, o na mea kuleana, e hoike mai iaia i na manawa a pau me ka pono.

            O na holoholona komohewa me na kanaka maluna o ua mau aina la, e hanaia elike me ke kanawai o a'u me ko'u mau hope.

                        S. W. MAHELONA.

            Puuhale, Iune 6, 1892

            june7 1m*

 

HE HOOLAHA I KE AKEA.

            E ike auanei na ano lahui a pau, e noho ana, ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nana mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a palaaku.  mai hoololohe aku e ua hoa, hele mai hookahi, hele mai elua, hele mai no a pau loa; he oluolu ka anhau, ke nui me ia ma na kukai olelo ana; ua makaukau wau e pulama mai i na kono ana mai mai na Mokapuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

                                    Owou iho no,

                        DR. LEONG KENG TONG.

Helu 40, Huiaa o na alanui Kamika me Hotele, Honolulu, Oahu.  Aug 31.  1v

 

HOOLAHA. HOU

E ALA, E ALA.

B. F. Ehlers & Co.- PAINAPA.

HELU 99 Alani Papu.

            E hoolohe hou mai e na MAKAMAKA, mai no a lokoino, e hele mua mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

            AIA MA KONA HALEKUAI NA

            Papale Wahine

            Kinamu Nani 8 Ia $1.00

            Kalakoa Nani 18 Ia $1.00

            E kuai aku ana MAKOU i ke makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no, a o na Palule $1.50, he $1.00 wale no.  Ke ike mai la oukou i ka emi loa ana.

            Kupaianaha maoli emi naaupo ana e hele koke mai, o nele auanei oukou.

                                                B. F. EHLERS & CO.

 

 

Huro!  No ka La Heihei.  Huro.

NA PAPALE O NA LEDE I HOONANIIA

"    "    "  " KAMALII   "

"  AAHU NANI O NA LEDE.

            Ha Kuai Hoemi Kuikawa no ka 11 o Iune, ke malamaia ana @  kahi o

                        N. S. SACHS,

104 Alanui Papu, Honolulu.

E hoemi ana makou i ke kumukuai o ka Makou mau PAPALE no ka la

                        11 O IUNE.

            E kokekoke mai nei, ma ke kuai ana aku ma ke KUMUKUAI  HAAHAA loa i ike mua ole ia mamua, eia ia makou.

Na PAPALE ANO HOU LOA MAI NEI, a pela no hoi me

NA ANO HOONANI HOU O NA PAPALE o ke ano maemae a oi loa o ka  maikai, a ua loaa pu mai nei no hoi ia makou.

NA PAPALE LUNA o ke ano hou loa mai nei, nolaila, e kipa ma ko  MAKOU Halekuai nei i ike maka, a e huipu ak u au no hoi makou i ke

            KUAI HOOPAU O KA PAPALE O NA KAMALI.

Na Papale Hele Kuia o na opio, he 25c wale no, oiai nae o kona  waiwai io he 50 me 75 keneta.

            Ina oe e makemake i lalo maikai no ka la 11 o Iune, eia ia  makou haki  i waiho ai, a ke kekali aku nei no kou kii mai.

            Na Lole Hapa Kanikau i hiki ke holei ia, o ke ano Akala,  Halenalena, Bolu a me Keokoe, o ke ano maikai loa a pilikia ole  hoi ke holoi ia, he 25 keneta wale no o ka i-a.

            Na Keokeo Lihilihi Paa pu maikai loa, a me na ano  waihooluu a nau a ka manao e haakoi ae ai, e kuai ia @@@na no ke  kumukuai haahaa loa.

            Na Lole Keokeo a me na Lole Panio o na ano a pau i hiki ke  holoiia me ka mae ole, he nui loa ia makou.

            E na hoaloha, e kipa, e ike kumaka i ka nani o Aipo, he me  ka lohe pepeiao.

            E Hoomanao, aia ke Kuai Hoemi ma kahi o

                        N. S. SACHS

-tf.                                                       104 Alanui Papu, Honolulu