Ka Leo o ka Lahui, Volume II, Number 559, 6 October 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

John E. Bush.

Luna Hooponopono a me Puuku.

 

HONOLULU, OKATOBA 6, 1892

 

Hoike a ke Komite Wae

MA KA

OPIUMA,

 

I KA

AHAOLELO O 1892.

 

            Ma Enelani, ua hiki ke hoomaopopo pono ia iho ke kulana ma keia mau huanelu.  Ma ka 1861, komo mai 284,005 paoha opiuma, hoouna hou ia i waho 290,120 paona, aole he mea i pau i ka haohana a ai ia ma Enelani.  Ma 1871, he 591,466 paona ka nui i komo mai, he 307,399 paona kai hoolilo ia i waho, he 284,067 paona i pau i ka ai i iloko o ka aina.  I ka 1881, he 793,149 paona komo mai, he 401,883 paona i hoouna hou ia i waho, a he 392,266 paona i pau i ka ai ia.  Nawai no hoi i puka ae ai kein olelo ma ka la 12 o Aperila, 1891, iloko o ka Hale Lunamakaainana, e hoahewa ana i ke kalepa opiuma, he hana “hiki ole ke pale ia ma o ke kahua hoopono!”

            Ma Auseteralia, iloko o ka opio o ke kumu ana o keia ino, ke pii ino la no nae ka ino-opiuma me ka pahola weliweli, a he mau tausani lehulehu wale o na Europa, na kanaka kulana kiekie o ka noho ana, ke komo nei i ke puni-opiuma, me ku helu ole ia o ka poe e ai aaa i ka laau make opiuma ma ke ano morphine.  Mai nu hoikeike ana i waiho ia aku i ke Aupuni Panalaau o Victoria, ma Auseteralia, ua hooholo lokahi na mana hooko aole he mea e ae ka opiuma, aka, he mea inoino, a ua lawe ae i na hana ana e kinai loa ai i ke kalepa a me ka hooulu ana o keia laau maloko o ke Panalaau Victoria, koe aku no na hana lapaau ana, a o ka poe kuai opiuma a malama i na wahi puhi-opiuma kekahi i hoopaa ia malalo o na hoopai o elua tausani @a haneri dala, a i ole he hoopaahao ia he hookahi makahiki.

            Me he la aole no paha he hookahi aina ma ka honua nei i ole i kau ia kekahi paa hoomalu maluna o ke kalepa opiuma ana, a ina aole he mea e aku i hana ia.  aole e nele ke dute ia e hoike ai i ka makaala o na luna kau kaaawai.

            I keia mau awa mahope mai nei, a i ka wa h oi a keia Emepera hou o Lina ke ike ia nei na hooikaika hou ana o kona aupuni e kinai a e kaupalena paha i ka opiuma a e kaomi aku i ke Aupuni Beritania e hoololi i kana kalai ana ma keia mea.  Ia wa no hoi, e malama mau ia ana na hooni hooulu manao iwaena o ka lahui Enelani e paipai a kono aku i ke aupuni e hooki i kona mau hoouna ana i ka opiuma mai Inia aku.  Aka he nui no nae na pilikia e ku ana ma ke ala a he koikoi na kumu kue, o ka mua, mowaho ae o na pono pilikino, oia no ke komo kino ana o ke aupuni o Kina a me Enelani iloko o na loaa mahuahua ma o na auhau maluna o keia mea.  O ku nuina o ka loaa opiuma o ke aupuni Inia, oiai he monopole nona, he $75,000,000 no hookahi makahiki, he elua hapa kolu o keia he puka mawaho ae o na lilo.  Aka iloko no‘o keia ke ikaika mau nei ka manao o ka lehulehu, a ma ke ahiahi o ka la 4 o Dekemaba o ka makahiki i kaa hope aku, ua malama ia kekahi halawai nui a na makaainana e kue ana i ka opiuma, ma Ladana, a ua piha na wahi a pau e kela hale nui i kapaia “Exster Hall” i kekahi anaina maikai i akahi a ike ia e akoakoa ana ma kekahi anaina nui ma Enelani.  Ua kahea ia kela halawai i lohe ia ai ka leo e kue mai ana i ka onou ia o ka opiuma maluna o na lahui a e kakoo aku ia mau leo kue i hiki mai mai Inia a me Kina, e papa ana i ke kalepa opiuma a me ke kue ana i ke kalaiaina a ke aupuni Beritania e pili ana ia mea me ka hoolilo ia i kumu waiwai na ke aupuni mai ia mea ino ae.  Mai na hopena i hua ae mai ia halawai ana, aole he kanalua ana i koe ua kokoke mai ka manawa e puka a maka ai ka manao o ka lehulehu me ke koikoi ma ia moa, e hooloihi ole ai ka mana hooponopono aupuni i ka haalele aku i ka paa ana i keia monopole inoino a hoohana aku i na kanawai hoopai koikoi e kue ana i ka ino opiuma.

            E like me ia e ku uei, ua ae ia ma na aina a pau, a he mea no hoi i ae ia e ka poe i komohia malalo o ka poino puhi a ai-opiuma, aohe he alanui e ae e pakele ai mai keia mana hookahi wale no o ka papa loa o na aupuni i ke kalepa ia ana o keia mea make.  A ina ua ike na aina hoomana o ka hana kupono ia a ka lehulehu e hoohana aku ai, oia ka hoomalu loa i keia mea he opiuma, alaila, heaha hoi ka hana kupono a na aupuni e kapa nei ia lakou iho he Karistiano a he malamalama?”  A oia hoi ka hana kupono loa a ke aupuni Hawaii, a na luna aupuni o keia ai @ e hana ai e pili ana i ka pono o na kanaka o keia paeaina, ka hana i oi loa aku ke kupono e hana ia oiai aole he loaa e komo ana i ku aupuni mai keia mea mai, a e hoopoino a hoanoe ai paha i ka waiwai o ko kakou wahi aina?

            Mai keia mau mea i hoike ia ae mamua, ua hiki ke ike ia ano, ina ka lawe ana i ka opiuma i mea ai a i mea puhi paha he mea i kue ikaika loa ia e ke aupuni Pake a me kona mau kanaka naauao i ka komo pu ole iloko o na pomaikai ma kekahi ano o ke kalepa a me ka mahi ana i ka opiuma, ua hookumu maoli ia keia ku mamuli o na ano koikoi hoopono a pili kalai aupuni, nona kekahi o na ano nui, hiki ke helu ia e like me keia.

Aole i pau.

 

            Ua lilo ia Henry Kamika, ka Lunahoomalu o ka Papa Nana o ka Apana Eha, Mehele Elua, ka eo ma ka hiki mua o ka hoike i ka Hale Aupuni i kela po aku nei—ka nui o na balota, a me ka huina o kela a me keia pakahi, a he pauku kino me hi’u kekahi mau apana e ae.  Pua-ka-uwahi!

 

AHA MELE NUI!

E wehe hou ia ana he Aha Mele Nui maloko o ka

Luakini o Kawaiahao

e ka

Hui Mele Hawaii Noeau,

i kokua ia e kekahi mau loea e ae o ke kulanakauhale nei, i ka po

Poaono, Okatoba 8.  Hora 8 P. M.

no ke alu hou ana i na hemahema i koe o ka Ekalesia o Kawaiahao.

            No na Palapala Komo, e loaa ao ma na puka o ka Luakini, e like me ka mau, oia hoi he $50 ko na makua, a he 25 keneta ko na keiki. 4ts—dly.

 

HOOLAHA I KA POE KOHO.

APANA 5 o Honolulu, Mahele 1.

            O ka poe koho a pau ke kolia aku nei e paa pu mai i ko lakou mau Palapala Hookaa auhau a Palapala paha e Hookuu ana mai ka Auhau ana.  [ma ke Kanawai]  no ke koho ana ma ka la Koho Balota.

M. R. Colburn

J. Simonson

L. J. Nahora Hipa.

Honolulu, Sept. 30, 1892.       2ts dly.

 

HE HOOLAHA I KE AKEA.

            E ike auanei na ano lahui a pau, e no ho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nano mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokapuni mai, me ka eleu a me ka hi kiwawe loa, he makamaka a he hoaloh maikai ho oukou e na Hawaii.

Owau iho no,

DR. LEONG KENG TONG.

 

HOOLAHA HOU!

E ALA,           E ALA.

B. F. Ehlers & Co—PAINAPA.

HELU 99 Alanui Papu.

E Hoolohe hou mai e na MAKAMAKA, mai no a lokoino, e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

AIA MA KONA HALEKUAI NA

Papale o na kamalii mai ka 25c a pii aku.

Kuka  “  “  “  $3  “  “

Kalakoa ano hou, he 8 i-a no 1 dala.

Na kihei pili laula,  “  “  “  “  “

Papale Wahine

Kinamu Nani 8 Ia       $1.00

Kalakoa Nani 18 Ia     “ 1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no a o na Palule $1.50, he $1.00 wale no.  Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auane oukou.

B. F. EHLERS & CO

 

KUAI HOOPAU

KUAI HOOPAU!

Elike me ka mea maa mau

I na Makahiki a pau!

MA KAHI O

N. S. SACHS,

104 Alanui Papu, Honolulu. 

E Hoomaka Ana ma ka Poakahi, Aug. 29, NO NA PULE POLOLEI HE ELUA NO!

O na Waiwai a pau e haawi ia aku ana

MA KE KUMUKUAI I HAULE IHO I KE KUMULILO.

He Kuai Kuio;             Aole he Apiki!!

            He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a o ka oiaio wale no.

He Emi me ka Makepono na Mea a pau.

            A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:

 

20 I-a Kukaenalo no   $1.00

12 “ “ Keokeo hinuhinu          “

20 “ Kalakoa paa no    “

Na Lole Keokeo maikai, kahakaha me kikokiko aulii 8 i-a no            “

Na Ginamu nani 10 i-a            “

10 i-a Huluhulu Canetona       “

5 “ Satina maikai loa   “

Na Alapia Eleele, maikai loa laula, o ke ano maikai, hoemiia he hookahi i-a no ke.               40c

Paleili komo o na kane, 5 ho $1.00

Na Palule i aiana ole ia, he      50c

Na Lakeke kalakoa o na kamalii 5 no             $1.00

Na lole keokeo i hana lauia o na Wahine, hoemiia no $4.75 o ka lole.

Kaliki o na Wahine, hoemiia 40c

Aikala lilina “              3 no ka 25c

Na hainaka hooluu like ole o hai, he 60c no 1 kakini.

Papale hele la o na keiki          25c

Na Kawele auau @i he           25c

 

O na kumukuai maluna ae e hooko aku ana makou no keia manawa wale no o ka makou kuai hoopau, oia hoi no.

Elua Pule Wale no.

:N. S. SACHS:

tf.        104 Alanui Pa@