Ka Leo o ka Lahui, Volume II, Number 639, 10 February 1893 — Page 2

KA LEO O KA LAHUI.

"E Mau ke Ea o ka Aina i ka Pono."

MA KE KAUOHA.

OLELO HOOLAHA.

            O na kanaka a pau he hana ka lakou e hana nei ma ka Hale Aupuni, e hana aku no unawaena o na hora 9 am a me 4 pm, o kela a me keia la, ma ka loaa ana o na palapala ae hookuu ma ke noi ana i ka luna malama o ka la.

            JAMES B. CASTLE.

            Kakauolelo o ka Aha Hooko a me Kukakuka.  Keena o ka Aha Hooko.  Honnolulu, Ian. 20, 1893.   jan 26  tfd.

 

KA LOE O KA LAHUI.

JOSEPHE NAWAHI, Lunahooponopono ame Puuku.

Hoolaha a ka Lunahooponopono.

            Mai keia la aku, ua lilo holookoa ae nei na nupepa Ka Leo o Ka Lahui a me “Ka Oiaio,” malalo o ka’u hooponopono ana.  Nalaila o na kauoha pepa a pau, na hookaa dala ana no ka pepa, na kakau manao ana mai, a pela aku, e hoona ia mai ma ko’u inoa ponoi, me na hua V. P. i kauia ma ke kihi hema malalo o ka wa-hi leta.

            JOSEPH NAWAHI.

                        Lunahooponopono a Puuku no na nupepa i oleloia maluna ae. Honolulu, Feberuari 8 ^th , 1893.

 

E NOHO HOOMALU.

            Ke poloai ia aku nei ka Lahui Hawaii e noho hoomalu, aole e hio a e kike a hana i kekahi hana e hooulu ai i ua manao kuee a hooulu hoohaunaele paha.

 

KE POLOAI IA AKU NEI KA LA HUI.

            I na oiwi o ko’u lanui ponoi; ka lahui Hawaii a’u i aloha nui ai; ka lahui oluolu a waipahe, i piha mau me ke aloha palena ole; heahea a hookipa pumehana; hilo a oi kelakela ma ka noho malie a me ka malama maluhia; lua ole iwaena o na lahui he lehulehu o k@ ae holookoa;  ka lahui mai ka po mai, a ke Akua i hoonoho ai maluna o na mokupuni nani liilii iloko o Edena, ka Paredaiso o Polunesia iloko o ka palahalaha a kea o ka moana Pakipika; ko’u iwi, a me ko’u io, a me ko’u koko ponoi; ke pahola aku nei au i ko’u aloha a me ko’u hoomaikai ana aku ia oukou, me ka paulele ana aku i ko oukou mau kokua ana mai ia’u, ma ka hoikaika ana e hooholomua ia ka oihana hoolaha nupepa no ka pono o na mea a pau loa, aole hoi no ka pomaikai o ka mea hookahi.  oiai, akahi no au a komo kino aku iloko o ka nohona hookele no @ kakou nupepa, e @oi aku ana au, e kala mai i na hemahema a me na kina’una’u o na kalai manao ana o keia au naa@ao.

            Ua lawe ae nei au maluna iho o’u i na kaumaka a pau loa o na Manao Alakai iloko o Ka Leo o Ka Lahui; aole loa ia e ili aku maluna o ka ona nona ka Papa Pa’i a me na kokua hoohana.  O na Manao Pepa, na hoolaha, na Mele, na hauoha Pepa, e hoouna mai ma ko’u inoa ponoi me ka kaula i @a h@@ V. P. ma ke kihi malalo ma ka lima-hema o ka wa’hi leta, i mea e huikau ole ai me ka’u mau palapala ponoi.

            E hoouna mai i na manao oiaio a ku i ka hoonaauao, oiai aole e ae ia e hookomo i na manao pilikino a hailiili wale aku i na hoa kanaka O ka’u e haupu nei, na ka lahui e hokua i ke ola o Ka Leo o Ka Lahui.

            Owau no me ka haahaa, ke hauwa a ka lahui Hawaii,

                                    JOSEPH NAWAHI.    Honolulu, Feb. 6 ^th , 1893.

 

Ke Komisina Alii.

Aumeume na Manu Hululike.

 

Lilo Ka leo i mea Hiaai ia.

            Ma ka Hora 2 pm o ka Poakolu nei, Feb. 8, 1893; ua hiki pono aku la me na ola maikai na Mea Hanohano:  Ka Mea Kiekie, ke Keikialii David Kawananakoa, Hon. Paul Neumann, na hoa o ke Komisina Alii no Wasinetona, a me na Hon. Jno. E. bush a me E. C. Macfarlane, ko kakou mau makamaka a hoaloha no ka Lahui.

            Ua hui pu aku lakou me Mr. Palaika Esq., ko kakou Kanikela Nui ma Kapalakiko, me ka puili aloha oiaio o ke kanaka Hawaii.

            Ua hoi lakou no ka Hotele Alii;  ua koi nae o Palaika ia Mr. Bush e noho ma kona wahi:  aka, ua aua hoi o Makapolena, i hookahi no o lakou wahi e noh ai.

            He nui launa ole ka hio a me ke ohohia ia o na Hawaii e ko Kapalakiko poe, no ke ake e loh@ pono i ke kulana o Hawaii, a me ke kumu i holo e aku ai o Kakina ma!  Piha @ ka Hotele, hookeke i na kanaka.

            Huk@ia o bush i o a ia nei, e na poe kakau nupepa o Kalaponi pela no hoi o Makapolena.

            Nui ka makemake o na hanaka kuonoono e ike  a aloha i ke Keiki Alii, a ia Mr. Numana no hoi kekahi.

            I keia la no e haalele ai lakou ia Kapalakiko no ka holo ana i ka hikina loa a hiki loa aku i Wasinetona.

            He anuanu@ no o Kaleponi, aka, aole mea o lakou i pilikia.

            I haawai mai nei ike aloha anui, no ka Lahui Hawaii, ma o Ka Leo la o ka Lahui.

            (He telegarapa mai nei keia.)

 

KE ALOHA AINA.

            KUE I

KA HOOHUI AINA.

(Hoomauia.)

            O ke kumu hoi a kekahi poe e ake nui nei e hoohui aina, oia no keia: - “He mea ia e hoomauia ai ke kuokoa o Hawaii:” – Hoomauia pehea la?  Hoohui i na pae moku o Hawaii me na moku Huiia o Amerika, lilo anei malalo o ka Hae Kuokoa o Hawaii?  Hoohui o Hawaii me Amerika, noho Peresidena aku anei o Mr. Dole no Hawaii?

            Heaha la ke ano maoli o ka olelo ana ae, he Kuokoa?  Ke hoomaopopo nei makou me ka hoohewahewa ole, kanalua ole; a oia no keia:  O ka noho Kuokoa ana o Hawaii;  oia ko Hawaii Mana hoohana Aupuni ana non iho.  aole no hai mai; aole noho hoopilimeaai aku maialo o hai, imea e loaa mai ai ke dala, ka lako, ka hanohano, a pela aku.  O keia ka makou Kuokoa e hoomaopopo nei; a pela no ka manao o na heola he lehulehu loa i hoike mai ai ia makou.

            O ko Amerika noho Kuokoa ana, oia no kona mana hoohana Aupuni Repubalika nona iho.  Aole hiki ke oleloia, he Aupuni Kuokoa o Amerika, ke hoohuiia oia me Beritania; aole loa.

            I hoike no ka oiaio o keia manao o makou;  E pono na poe e @ ke hoohui aina e nana aku ia Canada ma Amerika:  He apana oia ua hoohui iamalalo o Beritania nui, a pehea la ia apana aina e kahea ia nei i keia la?  Ke kahea ia nei i keia la “Beritania Amerika.”  Ua pio, a ua nalowale iho la ka inoa oka aina i hoohuina malalo o ka inoa a ka aina nona ka nui kamana oi ae i kona.  Oia ka oiaio la i lohe mai oukou.

            Pehea la keia a oukou e olelo nei; ina hoohuiia o Hawaii me Amerika, @@au ke kuokoa o hawaii?  he olelo aku nei makou me ka ike moakaka loa; aia a hoohuiia o Hawaii me Amerika, alaila, ua pau ke kapaia ana he Aupuni Kuokoa o Hawaii.  O ke olelo mahope aku nei; e kapaia ana o Hawaii, he wahi Moku (State) paha, a i ole ia, he wahi Panalaau no Amerika, pau iho la.

            O he nao: he aupuni Kuokoa o Hawaii; oia kona noho hoomaluia e ko Hawaii Moi; ko Hawaii Ahle Ahaolelo K@u Kanawai, ko Hawaii hoomalu ana nona ponoi iho:  aole me ka mana ikaika, aole ma ka pakela waiwai, aole no hoi ma ka nui; aka, ma kona hoopupon@ ia ana mai ka po mai, e like me ka ke Akua i hookumu ai.

            He nui wale na poe malihini loa i hiki mai nei, akahi no a hehi i ka lepo o Hawaii nei, akahi no a ike i keia aina oluolu, i puni i na hoomaikai ana o na Lani, ke nana aku nae, mahaoi lua ia e olelo nei.  “O!  pono no keia aina ke hoehui me ko makou aina me Amerika; nui ka waiwai o kanaka Hawaii!  mau ke kuokoa o Hawaii!  Pelaka – io –

            E nana i na Ilikini, o Amerika!  Auhea lakou i keia wa?  Aia i kuahiwi kahi i auwana hele ai.

            E na Hawaii aloha; aloha lahui, aloha Moi; mai ae iki e hoohui i ko oukou aina, no ka olelo ia mai, oia ka mea e mau ai ko oukou Kuokoa.  E paa keia mele: -

 

KA AINA HANAU.

2.         Kuu Aina hanau e

            Kuu Aina makamae

                        Aloha au.

            I kou kahawai

            Na kualouo e

            Na kuia uli mai

                        He oli ko’u.

 

3.         E ka Makua e

            Nou mai ka malu nei.

                        E haliu mai.

            Hoomau i ka maikai

            Ka maluhia e

            A nou ko makou ‘Lii

                        Ka hoomaikai.

 

Haehae ka Manu ke Ale nei ka Wai.

            He nui ka mahalo i ka eleu o na pane hikiwawe me he uwila la mai ia Stone mai ma ka “Hawaii Holomua” o ka la 8 o Feberuari, 1893.  Ke hoopuka like aku nei makou i na Nanehai a me na haina:  me ka hoike ana aku i na haina i kulike, a me na haina i alo ae, mai na haina e waiho nei:

 

HE MAU NANEHAI NO KA NAAUAO.

            Imua o na opio o ke au o Liliuokalani.

            Nanehai 1.  Mahea kahi o ka honua nei, aohe ona Lonitu?

            Nanehai 2.  Heaha ke kumu i oi ae ai ke anu ma na piko Mauna, mamua o na wahi ma ke kumu Mauna?

            Nanehai 3.  I na paha e kapaeia na Eana ai mau o ka Poai Lani o ke ao holookoa; alaila ihea la e waiho ai ka honua nei?

            Nanehai 4. Heaha la ke kulana Aupuni ma ka Lani?

            Nanehai 5.  Heaha la ka mea e moe ai (u@oi ai) na maka@@ka wa e pule ai?

            Nanehai 6.  O ka hiona i ike ia ma ka moeuhane, he mau houkaka anei ia o ke ola uhane o ke ae maluha ma ka Lani?

            (Ma ka loaa pono o ka haina, e kapaeia ai kekahi Nanehai, mai ka hoolaha m@u ana).

 

NA HAINA O NA NINAU A “KA LEO.”

            1.  Ma ka aina o Edena a me ka aina o Kanehunamoku, na wahi @oni@u ole o ka honua.

            2.  No keku ole o ka mauua @ na welau o ka honua.  oia ka mea i anu ai kona piko i ke kulu hau @ kipehi ana iaia mailuna iho, oiai, @ kahi kiekie loa ia a ua paa ma@ ke anu.

            3.  Waiho no ka honua e like @ ka mau.  Koe wale no, ina he manao hou ko ke Akua nana i hana na mea a pau.

            4.  He kulana aupuni Moi @ @ lani, a na ka Moi no i kukulu i @ kumukanawai paewaewa ole, aole e hoolilo ia i Repubalika.

            5.  No ka nani o Iehova i upo@ a moe ai na maka.  a i ole ai oe e hana ano e i kou nana ana, e like me kela keiki i akaaka ai i ka popoki oiai kona mau makua olomakule e pule ana, a e @oe ana hoi na maka.  Ua puiwa kahi luahi@@, @ ua ala koke ka maka.  akaka halo’ulo’u iho la i ka ike ana aku@ @ popoki ua kuwala pu me ka inahao supa, a ua haukae kona hulu.  @ ka hopena, ua haule ka pule a ka olomana.  Ua pii ino kona huu a okaiakala ka lauoho, a hahou koke aku la ia laua me ke kumu o kekahi pulumi,  me ka nana ole i k@ laua mau uwe halo’ulo’u ana me ka leo ku o.  Pela no hoi me kekahi kanaka i akaaka henehene i ka i@ ana i ke poo ohule o ke kahunapule i mumulu ia o ka nalo.  A u@ lilo koke ke pule i mea ole, a hoe pioloke ia ke anaina.

            6. O ke akaku ma ka moe uhane ua pili no ia i na mea i hanaia ma ka honua.  Penei:  Ike aku la @ Ioane i ka wahine i hoaahuia i ke ia, na hoku he 12 kona leialii.  me ka eha oia i hanau ai i ke keiki – a aia hoi he deragena ulaula, ha@@ma aku la kona wah@ e ale i @ wahine a me kana keiki.  Ua @ keia ia Hawaii.  He 12 mokupu@ o Hawaii malalo o Lihuokalani, a @ Kona wa @ haakohi ai i ke kuakoke o ka hanau ana i ke Kumukanawai hou, kue koke mai la na haole iaia a me kana keiki.

            E kala mai ina aole i kulike keia mau haina o ka buke naauao, a ke akenui nei e hoomalamalamaia @.

                                    STONE.

 

            Ke haawi aku nei i ka mahalo n@ ka maamaalea o ka hoopilipili ana i na haina:  he mea maikai, ka puka ana mai o na wehewehe naau@@ ana i mea e hooikaika aku ai i ka noonoo.  Ho aku no imua.  O k@ haina o ka Nanehai 4:  ua pol@@ loa.  Ma kekahi mau mapuna olelo, iloko o ka pule a Karisto i no aku ai i kana poe haumana, ua oleloia penei: - “E hiki mai kou Aupuni” (Kingdom)  “Nou ke Aupuni”  (Kingdom)

            O na haina o na Nanehai 5, a me 6, oia hoi:  “No ka nani o Iehove,” a me “Ua pili no ia i na mea i @naia ma ka honua.”  Ua ane @ pela ka manao o kekahi poe, a @ okoa ka manao o kekahi poe,  “Ke kali nei makou i ka lakou mau pane no ka hoopuka ana aku:  Mali@ e kulike ana me na haina i @@@ ia mai.

            O na haina o na Nanehai @, @ @ me @ aole i kulike me na haina @ waiho nei.  oiai, ina o Edena, @ oia ma ka aina hikina, a mai@@@ mai ona i kahe mai ai na muliwai