Ka Leo o ka Lahui, Volume II, Number 651, 28 February 1893 — Page 1
| This text was transcribed by: | Phyllis O'dea |
| This work is dedicated to: | Mahalo a nui loa Aunty Pohai for the wonderful workshop this past weekend. You are an inspiration! |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBRUARI 28, 1893 Helu 651
HE MOOLELO KAILI PUUWAI
--NO—
SENIA LUTERA
----
Ka Ui Puuwai Mabala
--:O:--
ENELANI KAHIKO.
----
A I OIE
He Nanea Hooheno no kekahi Kauna Wahine Opio me kana mau Aloha Ekolu
(Kakauia no Ka Leo.)
----
Alaila, i ka wa auanei o’u e haalele iho ai iaia, malia paha o loaa iaia ka laki no ka hui hou ana aku me ka mea a kona naau i aloha ai.
Ina no hoi he oiaio ka olelo ia, no ka hoi hou ana mai o ka uhane o ka mea i make mai kela ao mai, a hiki hou i keia ao, no ka haawi ana aku i na hoomaikai no ka poe a lakou i haalele iho ai mahope nei, e hooiaio iho oe, e hiki hou mai no auanei au, no ka mea, oia hookahi mawaena o na wahine o keia ao, i kaili pau aku i ka’u mau hilinai piha ana, a me ko’u puuwai holookoa; a ina he mea kekahi iloko o keia ola ana i kupono e haawiia na hoomaikai ana, oia hookahi ka mea kupono e loaa ia hanohano, i lei makamae hoi nona ma keia ola ana; na ke akua mana loa e kokua iaia!
O keia mau olelo a pau a Codona i kamailio ai, ua komo pono aku ia iloko o ka ui nohea, a ua aneane kela mau olelo e kiola iho iaia maluna o kona mau kuli, no ka nonoi ana aku i kana kane, e hoihoi hou i kana mau olelo mahalo i lu mai ai imua ona, no ka mea, ua hoomaopopo iho oia aole i kupono kela mau olelo mahalo e hookau ia mai maluna ona mai ka mea mai i ike ole i kona mau aoao a pau.
Ua hoomaka hou mai la na manu e pakoli i ka lakou mau mele nani, e hoike mai ana no ka hoohui hou ia ana o na hoaloha elua a me ka laua wahine ilako o ka hauoli, a ua kulou iho la ke poo o ua e ua Senia nani nei, e nonoi ana hoi iloko oka no kona huikala ia mai, mai kana hana lapuwale i manao ai e hana, ina no ke aloha wale no!
Ua halii iho la ke anoano ilihia ma kahi a na ipo aloha ekolu e noho ana, a ua hoike pu mai no hoi na mea ulu a pau, me he la o lakou pu kekahi i ike i na haawina ehaeha e heau mai ana maluna o ko lakou haku alii, a ua oi aku hoi ka hoomau ana mai a na manu Natinagela o ka po i ke kani hone o ko lakou leo, ma o ke mele ana mai i kekahi mele luuluu a kaumaha, me he la e kanikau e mai ana no no ua alii nei a lakou mamua o ka hoea io ana mai o kona hopena i hoomakukau mua ia.
Ua hoholo ao la kekahi hiona ano e maluna o ka helehelena nani o ui Senioa, a e pii ino ana hoi kona umauma iluna a i lalo e hoike maopopo mai ana hoi, aia he hana nui iloko ona ia Manawa.
Ua hakilo aku la aku la o Sir Laionela, ina helehelena hauliuli e hoalii ana maluna o Codona, a me ka hiona ana e ike aku ai, ua like ia me kekahi puupuu ikaika i hookui ia aku i kona puuwai; ua anehe ae la oia e ku iluna a haawi aku i kona lima no ke kokua ana i kona hoaloha, aka, ua ulu hou ae la he manao iloko ona a e like me ke kanaka i hilahila no kona ano palupalu wale, ua au’a hou mai la oia i kona lima, a noho hou iho la ilalo.
Ua manao au, aia iloko o ke ola o kela kanaka keia wahine, he luakupapau huna, wahi a ke @lii Codona i paue mai ai, me ka leo haahaa moakaka pono.
HE NANEA KAMAHAO
--NO-
MAIKA
----
KE KEIKI
Hapa Ilikini a Hawaii hoi.
----
KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI – A O KA WELI HOI O NA ILI KEOKEO---A ME KA LUKU IA ANA O KELA HUI KEAKA A LI.
----
Hiu a wela, lawe a lilo, ke keiki Hapa Ilikini, elua i ka Manawa hookahi, na hana powa, a me ka make ana o na heahanau Conegokena, ka mare ana o Kaika a me na hana hoomainoino.
----
E hoi hou aku ana no anei oe no ka halepaahao, e kuu aloha?
Ae, e kuu lei; mahope iho no nae o ka pau ana o na hemahema o ka’u huakai i hele mai nei.
E hai mai e kuu milimili, he huakai anei nou a me a’u e komo ai iloko o na hooheno ana a ka opo i ipo, a i ole he huakai anei e onou poo aku ai ia’u iloko o na kipona ehaeha o ke aloha?
He mea hiko ole ia’u ke hai aku i ka haina o kau ninau; no ka mea aia ke kaona nui o ka’u huakai imi pono maluna o ke alahele pophihihi o @e akaka ole.
Aka, ma ka’u hoomaopopo iho, wahi hou no a ua eu nei aia ma kau kokua ana mai ia’u e loaa ai ko kaua pono.
E haawi mai e kuu aloha ina he mea hiki ia’u kino wahine nei ke lawelawe, alaila e haawi mai a mai hopohopo.
Me ka naau i mokumoku ahua i ke aloa oiaio, ua honi aku la ua eueu nei i na papalina o kana lei me ka pane ana aku:
E wehe i kou mau aahu, a e komo iho i keia; a i makaukau oe, alaila, puka ae no ko’u rumi, me keia mau olelo a ua hapa Ilikini nei, ua puka aku la oia no kona rumi me ka pani ana aku i ka puka mahope ona.
I ka hala ana aku o ka opio ua uleu koke ae la ua ui nei aohe i emo ua makaukau ae la na mea a pau.
O kona oili aku la no ia no ka rumi o kana ipo, i kona komo ana aku, ua akaaka mai la kana aloha, me ka pane ana mai:
Auwe, aole ou wahi lilo mai a’u aku, aiwa a pau aku ou mau helehelena i ke pena alaila, e kuhihewa ia mai ana no ana no auanei oe o Maika.
Heaha la auanei; mahope hoi paha au ou a hoehilahila ia, heaha la auanei hoi, e hana mai e like me kau i makemake ai.
O ka Manawa no ia o ua Ilikini nei i eleu aku ai, aohe i emo, ua pau ae la na mea a pau i ka hana, a komo aku la hoi na lauoho kui, huelo lio, me ka pane ana aku.
Ua pau ae na hemahema a pau, o ka mea wale no i koe oia no kou hoopaanaau ana i kau olelo pane imua o ka aha hookolokolo, oia hoi na mea a’u i hahai mua aku ai ia oukou e pili ana no ko’u halawai ana me na keiki a Covegokena ma ke ala, a me ko laua hoao ana ana e powa, a me ka moolelo o ko laua make ana, ko’u manao aole oe i hoopoina ia mau mea.
Aole, aka, eia no ia me a’u kahi i pee poli ai.
Ua pono loa hoi ha, a pehea la, kou manao no keia mau hana a’u maluna ou?
Heaha la auanei hoi ka hewa oia, mai hopohopo oe, no ka mea aole keia he hana nui, wahi a ua nohea nei me ka hopo ole.
Aole no hoi paha keia he hana nui, aka, i hemahema kau pane ana, papapau kaua i kea hi.
Heaha ka mea e hemahema ai, imua a make, wahi a ua nohea nei a ka pai ani wale.
HUI ALAHAO A ME AINA
O OAHU.
Papa Manawa
Mai a Mahope o Okatoba 1, 1892
NA KAA
A. M. A. P. M. P. M.
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Haalele ia “ 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHALE MOMI IHO.
Haalele ia Honolulu 5:50# P.M.
Hiki i Kulanakauhale Momi 5:48#
Haalele ia “ “ 6:55* A.M.
+ Poaono wale no
* Koe ka Lapule
# Koe ka Poaone.
Sept. 28 tf-dly.
HOOLAHA AINA.
E ike auanei na kanaka a pau ma keia Hoolaha, owau o S.K.Kila Opio, e noho ana ma Honolulu, Mokupuni o Oahu, ke hoike aku nei au ma kea kea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii. O ka mea a mau mea i kuai a hoolimalima paha i keia naau aina, aole i mana ia hana ana, ina he mea a mau mea paha e paa nei i ua mau apana aina nei, e hoike keoke mai ia’u, a i ole e kipaku no au ia lakou.
S.K. KILA OPIO
Honolulu , Feb 17 1893
4ts-wkly.
OLELO HOOLAHA.
E ike auanei na kanaka a pau me keia, ke papa loa ia aku nein a mea a pau, aole e hele maldina o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu. Pikake a @ na ano manu e ai apau loa e hele ala maluna o ua mau aina nei. A ma keia hoolaha ke ai aku nei @ e haawi aku i uku makan he $25 i ka mea a mau mea paha @ e hoike mai ia maua, a hookolokolo, a hoopai ia e ke kanawai no ka law aihue i kekahi o ua mau ano manu nei e hoake mai ma ke @ Hale Kua ma Wailuku. Ua kapu pu ia no hoi na kanaka a pau, aole e hele maluna o ko @ @ aina kula no ka lawe ana i na @pi, Lio a mau Holoholona e @, @ ke noi imua ole mai ia maua a i ke maua Luna paha, oia o Frank Freitas e noho ala maluna o ka aina.
A. ENOS & CO.
Wailuku, Maui, Feb. 9 th 1893
Feb9-@