Ka Leo o ka Lahui, Volume II, Number 651, 28 February 1893 — HE MOOLELO KAILI PUUWAI NO SENIA LUTERA Ka Ui Puuwai Mabala o ENELANI KAHIKO. A I OLE He Nanea Hooheno no kekahi Kauna Wahine Opio me kana mau Aloha Ekolu. [ARTICLE]

HE MOOLELO KAILI PUUWAI NO SENIA LUTERA

Ka Ui Puuwai Mabala o ENELANI KAHIKO.

A I OLE He Nanea Hooheno no kekahi Kauna Wahine Opio me kana mau Aloha Ekolu.

{Kakauia no Ka Leo.) Alaila, i ka wa auanei o'ue haalele iho ai iaia, malia paha 0 loaa iaia ka laki no ka hui hou ana aku me ka mea a kona naau i aloha ai. Ina no hoi he oiaio ka olelo ia, no ka hoi hou ana mai o ka uhane oka mea i make mai kela ao mai, a hiki hou 1 keia ao, no ka haawi ana aku i na hoomaikai no ka poe a lakou i haalele iho ai mahoy e hooiaio iho oe, e hiki hou mai no auanei au, no ka mea, oia hookahi mawaena ona wahine o keia ao, i kaili pau aku i ka'u mau hilinai piha ana, ame ko'u puuwai holookoa; a ina he mea kekahi iloko o keia ola ana i kupono e haawiia na hoomaikai ana, oia hookahi ka mea kupono e loaa ia hanohano, i lei makamae hoi nona ma keia ola ana; na ke akua mana loa e kokua iaia ! 0 keia mau olelo a pau a Codona i kamailio ai, ua komo pono aku ia iloko o ka ui nohea, a ua .aneane kela mau olelo e kiola ilio iaia maluna 6 kona mau kuli, no ka "nonoi ana aku i kana kane, hoihōi hou i kana mau olelo mahalo i lu mai ai imua ona, no ka mea, ua hoomaopopo iho oia aolo i kupono kela mau olelo mahalo e hookau ia mai maluna ona tnat ka mea mai 1 Ike ole i kona mau aoao a .pau.

Ua hoomaka hou mai la na manu e pakoli i ka lakpu mau mele nani, e hoike mai anan no ka hoohui hou ia ana o na hoaloha elua a me ka laua wahine ilako o ka hauoli, a ua kulou iho la ke poo o ua e ua Senia nani nei, e nonoi ana hoi iloko ona no kona huikala ia mai, mai kana hana lapuwale i manao ai e hana, ina no ke aloha waleno ! Ua halii iho la ke anouno ilihia ma kahi a na ipo aloha ekolu e noho ana, a uarJioike pu mai no hoi na mea ulu a pau, me he la o lakou pu kekahi i ike I na haawina ehaeha e hek&u mai ana maluna 0 ko lakou alii, aua oi aku hoi ka hoomau ana mai a na manu Natinagela o ka po 1 ke kani hone o ko lakou leo, ma oke mele ana mai i kekahi mele luuluu a kaumaha, me he la e kanikau e mai ana no no ua alii nei a lakou mamua o ka hoea io ana mai o mua ia Ua hoholo ao la kekahi hiona ano e maluna o ka helehelena nani o ui Senia, a e pii ino ana hoi kona umauma iluna a i lalo e hoike maopopo mai ana hoi, aia \e hana nui iloko ona ia manawa. Ua hakilo aku la aku4a o Sir Laionela, ,inaT helehelena hauliuli e hoalii ana maluna o Codona, a ma ka hiona ana e ike aku ai, ua like ia me kekahi puupiiu ikaika i hookui ia aku i kona puuwai; uaanehe ae la oia e ku iluna a haawi aku i kona lima no ke kokua arra i kona hoaloha, aka, ua ulu hou ae la he maiiao iloko onaJ a e like me ke kanaka i hilahila no kona ano palupalu wale, ua au'a hou mai la oia i kona lima, a noho hou iho la ilalo. Ua manao au, aia iloko o ke olu o kela kanaka keia wahine, he lu&kup&pau huna, wahi a ke 'lii Codona i paue mai ai, me ka leo haahaa moakaka pono. .