Ka Leo o ka Lahui, Volume II, Number 672, 29 March 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOHN E. BUSH,

HONOLULU MARAKI 29, 1893

 

KA MOOLELO

O

HIIAKAIKAPOLIOPELE.

 

I HOOPONOPONOIA

 

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

 

E  Pohakuokauai i kai—e

A po Kaena i na pali

I waa no maua

E ike aku ai i ka maka o ke hoa

O lohiauipo—e

            Pane mai o Pohakuokauai, aohe waa, holo aku nei i ka lawaia puhia e ka ino, hookahi no ke po’i a ka nalu, nahaha ka waa, au umauma mai nei pae iuka nei, aohe waa, nou wale no ka waa no ka wahine maikai, hooili ia ae no iluna o ka waa, malia he waa holo Kauai aku ko keia wahi aku la, kau ana malaila pae i Kauai.

            I mai o Pohakuokauai, he papa waa no, noi mai no kela, loaa ae nei hoi ka waa, o ke ama hoi koe, hoole mai no ke kupunakane, aohe ama, ninau hou no keia, ele ae la hoi ke ama o kahi pauku wiliwili poho makau hoi, ae mai no ke kupunakane, ae he pauku wiliwili no.

            Ko ke kupunakane haawi mai la no ia, ko laua nei ho-a iho la no ia a pua ka waa o laua nei, ko laua nei a-e no ia o Wahineomao mamuo o ka waa o Hiiakaikapoliopele mahope.

            Ia hele ana aku o laua nei ou@ mai no o Hiiakaikapoliopele nana ihope, nana mai keia ia Kaena, me he waa kaukahi la, e holo aku ana mahope o laua nei, hapai ae keia i keia wahi mele penei:

Holo Kaena la

Me he waa kaukahi la ia ka malie

Ka lau hoe, lau hoe o Kuaokala

Ke kowelowelo la o Lehua—e

O Lehua hoi—e

            Ko laua nei holo aku la no ia a waena moana, ike aku la keia ia Haupu e au mai ana i ke kai, me he wahi manu la, huli aku keia nana ihope, ike keia i ka pau o ka moku lehua aia nei i ka ai ia e ke kaikuaana e Pele, nolaila, uwe keia i ka moku lehua eia nei no ka minamina.

            Nolaila, hai aku keia i ke aikane aia nei, i ka pau o ka moku lehua aia nei i ka ai ia e Pele, ma ke mele, penei:

O Haupu mauna kiekie

Huki ae la pa i ka lani

Waha kiekie ma ke kua

Kii Keolewa ma ke alo

Au ana Niihau i ke kai

Pau a’u lehua i ka manu e pau—e

O a’u lehua hoi—e

            I mai o Wahineomao, wahahee oe e Hiiakaikapoliopele, owai ka mea nana e ako ka lehua? Hele mai la no oe ka mea nana e ako, aole mea nana e ako hou mai mahope, a he kanalua au i ka hiki ia Pele ke hana pela, wahi a Wahineomao.

            Ma ka po Poakahi nei, ua haawi ae o Mr. a me Mrs. Samuel K Aki, ma ko laua home noho ma Kapuukolo, he paina la hanau no kekahi opuu pua hou i hookamaia. He maikai ka papaaina a ua hookuuia iloko o na leo mahalo.

 

HE MAU NANEHAI NO KA NAAUAO.

 

Imua o na opio o e au a Liliuokalani .

Nanehai 3 . I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?

            N anehai 5. Heaha la ka mea e moe ai (upoi ai) na maka i ka wa e pule ai?

            Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

HOOLAHA PAPA AINA.

            E ike auanei na k..naka a pau ma ke ia; Owau o ka maa nona ka inoa malalo iho nei, ke puoa aku nei au i na mea a pau loa, aole e puni wale a ae aku paha e hoolimalima a e kuai paha i kela mau Apana Aina a pau loa o kuu kupunaakane i make, oia o S. W. B. Kahaumanu. Oia keia:

            Hookahi Apana Aina ma Honouliuli Ewa, Oahu; Hookahi ma Waikele, Ewa Hookahi ma Leleo, Honolulu.

Owau iho no.

S. W. B. KAHAUMANU-OPIO.

Maraki 9, 1893.          mar17 1mw.

 

E Nana e na Keonimana i Keia

KE KONO AKU NEI MAKOU IA OUKOU E KIPA MAI; A KE WAIHO PU AKU NEI I KEKAHI MAU KUMUKUAI HAAHAA LOA.

N. S. SACHS.

104 Alanui Papu, Honolulu.

 

            He heluna nui o na waiwai o na kane i loaa mai nei ia makou ma ka mokuahi hope loa mai nei.

            Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau KUMUKUAI.

 

KOE NA AAHU O WAHO.

 

Na Pale Ili o Iuna o na kane 25c         Na Palule Kane Apo Hou loa $1.26

 “   “  Huluhulu   “       50c          “   Kakini Kane 2 paa i ka 25c

 “   “    “   o lalo “       50c           “   “       “    maikai loa

 “  Palule Hana e na Kane mai           “   “           3 paa i ke $1.00

     ka 75c a pii aku                         “  Hainaka Keokeo o na Kane

 “   “ Aianaole ia o na Kane o                  he $1.00 no ke Kakini

    ke ano maikai loa       60c          “ Lei Ai Oilika Ano @ loa o

                                                                na Kane 8 i ke $1.00.

 

Na Paikini Hou loa, o na Aikala, Pua, Kaawe, na Haina ka Silika A me na Lei Ai o ua ano like ole helehulehu loa; ma na Kumuku ai Haahaa loa.

 

Na Pahu lo’a a me na Poiki e kuaiia no i ke Kumulilo.

Na Lolewawae Ahinahina Pelekane Uliuli me ka Ulaula.

Na Paalole o ka poe Pena, a me na Palule hana o na ano a pau.

Na Paalole Auau o na Kane me na Kamalii, me na Lolewawae ekekei.

E hoomanao o ka makou na Kumukuai haahaa loa. E kipa mai i pau ai ko oukou kuhihewa.

:N. S. SACHS:

75-tfd.             104 Alanui Papu, Honolulu.

 

HEIAU O NA PAIKINI!

 

Kihi o Alanui Papu me Hotele.

Wehe Aiwaiwa Ana o na Waiwai Hou Loa

 

Ma ke ku ana mai nei o ka MOKUAHI AUSTRALIA a me ka MOKUKIAPA C. D. BRYANT;

            Ua loaa mai la’u he 117 PAHU UKANA me na Waiwai hou o na ano hou loa. Ile nani e ha i e ai na pua o ke Kula, i ka ua mea o ka nui hewahewa o na Waiwai i wae ponoia a’u me ka maiau nui.

            Ke konoia aku nei e hele mai e nana i keia mau Waiwai Hou Loa.

 

HEMAU WAIWAI HOU WALE NO MA NA WAHI A PAU O LOKO NEI O KO’U HALEKUAI.

            He heluna nui o na Kamaa Wahine, Kane a me na Keiki. O ka’u mau Kumukuai e kulike ana ia me kou makemake.

            Ke huli ae hoi ma ke kahiko Lole Aahu o na Aahu o na Wahine. He nani mekalapua okoa no ia ike mua ole ia ma keia Kulanakauhale, ma na Lole hiki he Holoi ia o na Waihooluu.

            E komo mai e nana i ka makou mau Waiwai Hou Loa, a ke hooia aku nei @ ia oukou. Owau ke Alakai o na Kumukuai haahaa loa.

S EHRLICH,

Kihi o Alanui Papu me Hotele.

 

HE KUAI HOOKELAKELA NUI!

Hele mai Hookahi, a i ole Hele mai no a Pau Loa.

MA KA HALE KUAI ALAKAI O

B.F. Ehlers & Co.—Painapa.

HELU 99 Alanui Papu.

 

Oili Pulelo PAINAPA e kela i Kaupoko o Hanalei; aka i hewa no nae i ka lele mua i ka hooulu i ka la ino.

Oiai he manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoonoho mai nei hoi kekahi mau hale kuai e hoao ana e kuiai kekahi i kekahi, nolaila ke komo pu aku nei au ma ia hana maikai, no ka mea

 

He Kawai a Na’u Lele a Opu.

            He mau makahiki loihi i hala ae nei, akahi okoa kuu uluhua i kea hi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko

 

Ohi Hapuku ka I’a o Kapaau.

            Eia ma Ko’u Halekuai nei ma Papale Kamlii o na ano a pau, ua Lako Lole o na Hapuu o oukou o na paikini a pau, mai ke nui a ka ukuieie, na Lako Lole o na Lede a me na Keonimana o kea no hou, loa i ike mua ole ia ma Hawaii nei, na Mamalu o na waihoolulu a pau, a pela aku, a pela aku

 

E Kuai ia aku ana no ke Kumpaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku. Na Ka oioi mau no ka loaa, oloolo aku no ihope, nele.

575. tf-dly.      B. F. EHLERS & CO.