Ka Leo o ka Lahui, Volume II, Number 1060, 5 November 1894 — KA I'A HAMAU LEO [ARTICLE]

KA I'A HAMAU LEO

O na kanaka o Ewa ua hoole lakou i ka uku ana i ko la kou mau auhau (kino a waiwai) no ke kumu wahi a ka hoike i loaa mai aole i haawiia aku ia lakou i keia wa ka olelo-hooholo e pili ana no ka ninau o Hawaii nei mai ka Peresidena mai o Amerika Huipuia ka mea hoi a lakou i koi aku ai no ka hoihoi hou ana mai i ko lakou mau pono i pakahaia ma o na hana a kekahi o kona mau luna aupuni maanei i kokuaia e kona ikaika kaua moana aka nae o ka manao mau no ko ke aupuni o Amerika huipuia ma o ka noonoo ana a kona mana hooko kiekie i ka ninau o Hawaii nei aole he mau hoike pili i na loina i hoikeia mai imua o ke akea mamuli oia mea e ike ai ke aliiaimoku a me ka lahui kanaka Hawaii o keia manao o na kanaka o ka apana o Ewa oia no ka manao hookahi e paa ia nei e na kanaka Hawaii a pau o keia mau paemoku a aole no he hewa e loaa mai e pili ana no lakou ma ka hoole ana i ka mea a lakou e koi nei he kuleana pono ko lakou e hana ai pela mahope iho o ko lakou apukaia ana a me ka hooweliweli ana ma ke ano hana makamaka ole e ka luna nui o ia aupuni a me na koa o ka mokukaua Bosetona.