Ka Leo o ka Lahui, Volume II, Number 1060, 5 November 1894 — HE LETA MAI KINA MAI. [ARTICLE]

HE LETA MAI KINA MAI.

Ua hoouna leta mai o Kapena Rosehill ia W. L. Poka, o keia kulaunakauhale, ma ka moku Velocity. O ka leta i hoouna ia mai ai, mai Taku mai, kekahi awa o Honokaona kekahi mahele aina o Kina; e hoike mai ana penei : Ua hoopiha ia na moku kaua Pake i ka nanahu a me na lako ai, a ua manao ia aole paha e loihi loa ka wa i koe e kaua ai o Kina me lapana, a o ka pau no ia; oiai hoi ke hooikaika nei na puali koa o lapana e komo aku iloko o Pekina. He mau la pokole kai hala ae nei, ua ike ia ke komo nui ana mai o na moku lapana ma Taku a hookahua iho la. O ke kiekie o ka uku o na alii koa he $168, oiai hoi he wa pokole wale no ko kina kaua ana ua loaa kela uku ina 'lii koa a pau.