Ka Lei Momi, Volume I, Number 29, 26 July 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

KELA A ME KEIA.

--

     Ua holo au no Makaweli ke Duke o Nukaleka ma Iwalani o ke ahiahi nei

     O Emaba Yosaki, ka Iapana i mahuka ai a ka iluna o ka manuwa Naniwa, aia i ka haie Pupule e noho nei.  Ua olelo ke kauma ua pupule ia o@.

     Hoomaumau ka ua i ka ponei, a i keia kakahiaka he malie maikai loa.

Ke ikaika loa mai la nae ka wela o ka makani.

     Kaumaha luuluu kekahi o ko makou mau keiki wili papapa'i inehinei

makai o ka uwapo, mamuli o ka ahai ana aku nei o Kalaudina i kona hoa pili o ka po puanuanu o Honolulu.  Aloha ino ia kou paahana o makou.

I ka hookuu no hoi paha kahi.  E ana ia iho la no paha.  Auwe!

     Ua aa na keiki o Pauoa e huki me na keiki o Ulakoheo ma ka 86 paoea oi o Ulakoheo me ke kake pu kekahi o k@au e hoopaa ai me ko lakou aoao.

---o---

 

Waiu a me ka Moli.

--

     Owai la ka manu e kani mau nei no ka nele i ka aina?  O N@ne: no ka mea, e kani mau ana oia, Unele!  Unele!

    Pei ea e akuku ai he hoa kamalii o ia la?  No ka uwe wale, no ka mea, ua oleloia -

     "Hoonalonalo i ke aloha pee maloko,

  Hai ka waimaka h@nini mawaho

                                                                                                 I ikea aku no i ka uwe ana iho,

                       Pela wale no ke hoa kamalii, he uwe wale - a."

     Heaha ke kanaka aia ma ka a-i kona malo?  He Loulu.  Akamai maoli no oe.

     Heaha ka manu nana i auhau mai i ke oe liuliu? He Kioea, nana ke kani.  "Lawelawe ke o!  Lawelawe ke o!"

    No keaha ka mea i hoohalike ia ai kanaka poupou me ka awe hee?  No ka mea, ina holua iho, "Poke hee."

     O keaha ka mea i ono ia e ka puu moni ai?  O ka Uhu, no ka mea,

ua oleloia - -

"Akahi ka ono o kuu puu la, I ka Uhu maalo i kuu maka la."

     Peaha ka mea i like ai ke kaikamahine ui me ka pua o ka Wiliwili? K@ ka oleloia ana "Pu-a ka nana o ka wahine mai kai, nanahu ke kanawai. Pu-a hoi ka pua o ka Wiliwili nanahu ka mano"

     I kou wa e mare aku ai i ka wahine, mai ae o hoonui aku i kou mau makuahonowai wahine.  Pela pu no hoi me na makuahonowai kane.  Auwe! pilikia maoli o kuku ma

     I kou wa e he@ ai i ka pule, mai nana polelei @ i ka papa himeni, o

kek@ ole auanei na niho o ka poe himeni, aka, e kulou iho oe ilalo a

@amoe iho o like me Iwa.

     O ka iniki a ke aha kai hoowahawaha loa ia?  O la ka Ukalele.  He maneo ka ili.  Ina o ka ka ipo, he pohole ka ihu, he olu wale no nae ia.  Pela io ka hoi.

---o---

 

Kalaelo

--

     Hora aumoe, aole nae i maopopo @a ka minute a me ua sekena.  He i'a kupaianaha kela e lele ne la i ka lewa me he manu la ke ano.  Aia la ke hoopiipii mai la i ka mo@ a me na hua kamahao o ke ola ma kona nuku pokole.  Aia la, aia la, haule aku la iwaena o ke aluka o na Pake lauoho pokole o ke kui.

     Ke nuku nei ka ihu o Kau'a iluna o na ole o Kaieie, ke amio iho la malalo mai o Loiolono a ke pii hou mai laka la ilalo o Kaala.

     Ke ike nei au he elua mau ulua nuku oioi e au mai la i ka moana kai papau, a ke hoomamao loa ia i kai uli.

     Ua haunaele o Waikiki i ke @huaw@, a ke n@helo la kanaka i kai o Hamohamo.  Ke ike nei au he kanaka poupou loihi o mama la i ka holo iloko o ke kai he makau i ka wela o ka ua.

     Piha kui o uka o Waelane i na poe kupanaha o ka honua, ke hoonuu la i ua pohaku o Nuuanu.

     Eia hou ka hoi keia mea kamahao a'u i ike aku nei.  He puolo eke nui hoi kela e lana la aluna o ka ilikai.  ke pihopiho iho la no ke kaumaha loa.  Auwe!  he opiuma peha.  Ae! Ke nee malie mai la i ka hoe apiki.  Ke pipili la i ma pauku laau.

     Hoomau e ka ino ahi, ke nu nei ka ua i na pali, e hooki kaua ua poha ka uwila o ke telefone.

     [O ka hoike keia a ko makou Kiu e noho nei inka o Leiolono na kana ohenana kupua.]

---o---

 

Hooheno no Mine.

--

Ina o Mine kuu lio holo

     Pokole ke alu ka ihona pali

     Kaohi mai au he ole ka paa

               He oi aku ka panee ka holo i mua

      Ua like me ka wai o Hiilawe

      Ka lalawe malie i ke alo pali

                                                                                                       Aohe kena o ala e

      Ka hanu kena o Rose Iliahi

  Ka lawe ia ala ka'u aloha

          Maluna o ke kaa Puakauwahi

                                                                                                        Ina o kuu lei rose ia

           Puhenehene o kahi mehameha

   Haina ia mai ana kapuana

        No Mine holo nui kuu lio ia

 

---o---

 

AOLE I POLOLEI O "H@A HANAU" O

KAUMAKAPILI.

--

     Ma ke Kuokoa puka la o ka la 17 o Iulai, ua hoike ae oia i kekahi mau mea e pili ana i ke ahahui kinai hoomanamana o Kapuukolo, e pili ana i ka pule.  Eia ka ninau a Emekona i na lala oka Ahahui i ka manawa e hoopaapaa ana: " O ka poe a pau e pule ana no ka Moiwahine e kau ae na lima iluna.  Ta pii lihe ae la na lima o na poe a pau e ae ana e pule no ka Moiwahnine, a o na poe kue i ka pule ana no ka Moiwahine, oia o Keliipoi, C Kanuha, Oni, a me hookahi wahine o Kamakani.  O keia poe wale no kai hoole i ka pule ana no ka Moiwahine.  O na lala i koe ua paa meu ko lakou mau manao e dule no ka lahui, ka aina a me ka Moiwahine.  O ke u manao ina i ola o Bikanele a hiki i keia la, ua like no kona manao me na lala e ae o ka ahahui, a no ka mea hoi nana no i a'o mai ia kakou e pule no ka Moiwahine, no 'lii hanau o ka aina a me ka

lahui holookoa, e noi ana i ka Uhaue Hemolele e kokua mai i keia lahui.  O kana ao aloha e malama i ka Haku a e hoomau i ka pule.

   Ke ike nei au i na ouli pahaohao i keia mau la, e like me ka nui o ka pilikia maluna o ko kakou aina aloha, pela no e ikeika ai kaou i ke ku ana imua o ke kakou Akua me na waimaka no ka pono o ko kakou aina a me ka lahui a me ko kakou Moiwahine.  Moi nana i na hoohenehena, e hele imua.  He mana ka dule a ka poe haiaule.  Ke hoopakele nei o Iehova i ke ke ole o ka Moiwahine mai na lima kakauha o na enemi.l A nolaila e ka lahui, e hoi like mai kakou iloko o ko kakou Akua o Iehova, e ike like kakou i kona lokomaikai ma ke kino a ma ka uhane.  B nana i ke kulanakauhale o Ninewa, ua hoolo@ lakou ia lakou iho imua o ke Akua a na loaa ka palekana ia lakou.l  Nolaila, pela no kakou, e hoolana i ko kakou manao, ke haawi mau mai nei o Iehova ia kakou i kela la i keia la i ka hauoli.  E hooKau i ka pule e hoihoi hou ia ae ka Moiwahine ma ke kalaunu.

S. K. KALOA.

 

---O---

 

KA

LEI

MOMI

 

             Ke pii mahuahua nei ke ohohia ia oka MOMI iloko o keia mau la mamuli o ka hooniua puuwai maoli o kona mau molelo.

-

             Aole hoi oia wale, aka ua nui aku na mea heluhelu e  hoopukaia nei ma kona mau kola, mu i kela a me keia la.

-

             Aia KA LEI MOMI ma ka aoao o kakoo ana no ka pomaikai a me ka holomua ona kanaka Hawaii a pau.

-

             E lawe ia no ka pepa ma na ipuka hale no ka hookahi   (1.00) dala o ka mahina i na poe a pau e makemake mai ana.  He iwakalua-kumamalima a

             keneta no ka pule.

-

 

KA

LEI

MOMI