Ka Makaainana, Volume III, Number 3, 3 May 1888 — Page 3

KELA ME KEIA.

            He uhao lanahu ,ko ka mokukaua ao Iapana i nehinei.

            He 32 eke leta me na nupepa a ka Auseteralia i lawe mai nei.

            He mau la ku wale mai no keia no na mokukaua Amerika Teretona a me Nipisika mai Amelika Hema mai.

            I ka Poalua nei i hookuu ia mai ai ka Hoku Ao mai luna mai o ke alahukimoku, ua pau i ka hoomaemae ia.

            Ma ka la 20 o Aperila i haalele aku ai ke kiapa Amelika Amy Turner is Nu Ioka no keia awa, ma Bosetona ae.

            He 63 tini opiuma i loaa aku ma kahi hoahu lanahu o luna o ka mokumahu Auseteralia i ka Poalua nei aohe nae he ona nona ia waiwai.

            Ua hoopai ia imua o ka Aha Hoomalu i nehinei he hookahi Pake no ka aeahaukae, a ua hala aku no Kawa a malaila e noho ai no kanaha la.

            I keia auwina la, mawaena 6 na hora 3 ma 5, e malamaia ai ka aha ike mahina mau a ka

Mea Kiekie ka Hooilina Moi ma Muolaulani Hale, Kapalama.

            Ma ka hora 10:30 o keia kakahiaka e haalele mai ai ka mokukaua Beritania Karoline i keia awa no Hawaii. E kau aku ana ka Moi maluna ona no Kailua.

            Ua lehulehu na poe i hoea ae ma kela aha hulahula o ka po nei maloko o Halealii Iolani. He aha hulahula keia i haawi ia no makukaua Beritania Karoline.

            Ma ka Auseteralia i hoea mai ai o Kapena R. P. Leary no ka noho pani ana ma kahi o Kapena Kempff o ka mokukaua Adamu, oiai ua hala kona manawa noho ma ka oihana maluna o ia moku, a e huli hoi aku ana oia no

Amerika Huipuia.

            No na mea pili i na make o i keia kulanakauhale, eia malalo iho ka mahelehele ia ana ma na makahiki: Malalo o 1 makahiki, 8;1 a 5,3,5 a 10. 1; 10 a 20, 1; 20 a 30, 11; 30 a 40, 8; 40 a 50, 3; 50 a 60, 3; 60 a 70, 5; maluna aka o 70, 7.

            Ma ka Auseteralia mai nei i loaa mai ai ka lono kaumaha ua make hou aku ia keiki a Kapena Kempff, o ka mokukaua Amerika Adamu, nona na makahiki i hiki i ka eiwa a oi aku, ma Kapalakiko mai nei. O ka elua iho la ia o na keiki i poino iloko o ekolu paha mahina a oi aku.

            Ua ano okuku hou ae ka inaina o ka luahine Pele ma Hawaii, a e lawe aku ana ke Kinau i na ohua no Keauhou i keia Poakahi ae.

            Ua hoohui aenei o Kimo Pelekane opio a me kahi poe e ae no ka lawelawe ana i ka oihana maauaua waiu, malalo o ka inoa Honolulu Dairy.

            Ma Kapalakiko kahi i ku ai o ka mokukaua ao Netelani Zilveren Kruis i ka haalele ana aku o ka Auseteralia, a e hoea mai ana i keia awa ma keia mua aku.

            Aohe no he wahi ano nui loa o kahi uluaoa makai o ka Halemai Lepera Kuikawa o Kakaako i ka auwina la Poalua nei, a ua maluhia koke no i ka hoea ana aku e na makai wiwo ole.

            Imua o ka Aha Hoomalu i nehinei ua hoouna ia aku o Ema Kahuakai Quinn no umi la hoopaahao ma Kawa, ina ka ae ana i kona hewa no ka " haalele ana i ke kane, o ka elua iho la keia. O ka hua keia o ka Hui Lipine Polu.

            Ma ka halawai ana o ka Hui Kaawai Polohuku i ka po nei, na hoooholo lokahi ia na inoa malalo iho i mau moho no ke kulana Luna Nui o ka Oihana Kinaiahi: Luna Nui, J. Asch; kekua akahi, J. F. Mogana; kokua elua, J.W. Makonala.

            Oiai ka lio me ke kaa o Mr. Cunha e ku ana mawaho iho o kekahi halekuai ma alanui Hotele i ke kakahiaka o nehinei, o ke kaikaina o kana wahine ko luna, ua onioni a puiwaiwa ae ka lio a hiki ole iaia ke hoomalu. Ua lele iho oia ilalo, a iaia no a haule iho o ka wa no ia o ka lio i holo aku ai a ma ka Nekina aenei kahi i paa ai. Ua haki pu kekahi hui la o ke kaa, a me kekahi mau poina e ae, a ua moku aku hoi ka uaua o kekahi o na wawae hope o ka lio.

 

UNUHIOLELO ME KAKAU KOPE.

            Ua makaukau makou o keia keena e lawe i na hana unuhi a pau ma na olelo Hawaii me Beritania. A pela no hoi me na hana kakau kope a kakau poepoe paha. tf.

 

AHA HULAHULA NUI!

            E haawi ia ana ma ka Hale Paikau o ka Honolulu Raifela, Manamana, ke hiki aku i ka po o ka POALUA, MEI. 15, 1888, No ka pomaikai o ka Hui Hoonaauao Liliuokalani, Mahele Elua.
             E loaa no na palapala i omo i na komite, a ma ka puka kekahi; he $1 ka auhau.

 

            Ke hoike ia aku nei ma keia, ua alenui ia na Hawai e hoea ae, a he mea makehewa; ka hookuihe ana, a mai ma kau a hopohopo, aka, e hoike ae ia kakou Hawaii, oiai, ua lehulehu na poe ike hulahula iwaena o kakou. E hele nui ae me na aahu kupono no ia anaina. (my 2-td.)

 

            Ke hoolaha ia kau nei makeia ua hoomana ia aku ka Hon. G.E.Richardson e a'u e ohi mai i na uku hoolimalima a pau maluna o na aina o Claus Spreckels ma Wailuku, Maui, a o kana kakauinoa ana wale no ka i lawa kupono.
W.G. IRWIN,
Hope no Claus Spreckels. Honolulu, Apelila 1,1888.
apl 11-3 mhn

 

PALAOA KALO MO'A !
Ke Ano Hou o ka Hana ana i Poi Maikai me ka Luni Ole.

            Ua makaukau ka Hui Palaoa Kalo o Wailuku, Maui, e hoolawa aku i ka lehulehu o Honolulu a me na Mokupuni e ae, ma ka la 2 o Aperila, 1888, me ka Palaoa Kalo ano hou i kapa ia PALAOA KALO MO'A. Ua ai aku ka maikai o keia mamua ae o ka Palaoa Kalo maka kahiko. Ua hoomo'a mua ia keia a aohe hana nui ana a loaa ka Poi maikai a me kahi mau mea e ae ma o ke kawili ana i ka Palaoa Kalo Mo'a me ka wai wela loa, a o ka loaa koke no ia e ka Poi ono. O ka poe e makemake ana e hoawaawa, e waiho aku no 24 hora. Ina e hehee a awaawa loa paha, e hoohui noi iho me ka Palaoa Kalo Mo'a. E ike ia no ka makou mau kuhikuhi ma na eke a pau. Ina e hooko pono ia ka makou mau kuhikuhi, aole no e nele ka loaa o ka Poi maikai a maemae loa. Na ka mikini i hana i keia ano Palaoa Kalo Mo'a , nolaila, aohe ekaeka a lepo hoi e loaa ma o keia ano o ka hana ana i ka Poe. Ma ka la maluna ae e hoolako ia no na halekuai mea ai a pau, a he 40 keneta no ke eke o 5 paona ma Honolulu. E pani ia no na auhau oi wale aku no mawaho ae o ka palena kupono ke hoike ae ia W.H. Cummings, Bele Telepone Helu 325. E hooko ia no na kauoha ke hoouna ae ia
W.H. DANIELS, Luna Nui,
Wailuku, Maui,
--A I OLE, IA--W.H. CUMMINGS, Agena, Honolulu.
            Ua makaukau no ka Hui e hoolawa i Poi paakiki, ina nae o ka makemake ia, me ka nui wai ole, ma ka hookahi barela a oi aku, a mana eke papaha, ma na kumukuai haahaa loa. (mrk 31-lmhn)

 

HALE INU LAMA
BAY HORSE.

            "E ike ia kakou hoakanaka, o kipa hewa auanei ke aloha i ka ilio."
             He leo ui keia no ke kupinai i na hoa Hawaii a pau--e ike mai ia kakou. Hawaii--amai paweo hele ae ma kahi e.
            Ua makaukau mau au, he keiki Hawaii oiaio, e hooko aku i ko oukou mau iini i na manawa a pau, ma na waiona o na ano a pau loa, e laa ke Gini, Waikeke, Balani, Waina (o na ano a paa),Ela,Eia. a pela wale aku, a no lakou iho paha keia wahi hooheno:
            "Aloha ae au i ke kiaha Gini I ke kike kiaha me ka Waikeke, Lalama aku oe i ke kiaha Balani Haalele iho oe i ke kiaha Ela, Hewa iho ka oe i ke kiaha Bia, I ke ala pii a ka Malaka Waina."
            E kipa mai a e ikemaka i ka Be Hoki. He oluolu a he waipahe na kuka ana.' E hele mai hookahi, e hele mai no a pau loa, a "e ike ia kakou Hawaii."
            He oiwi no oukou, GEORGE S. HOUGHTAILING,

(Keoki Hapakela.)
Ona o ka Be Hoki.
19,.dk'87-tf.

 

KUAI HOOPAKIKA NUI
MA KA LEPO,
 EGAN & CO.,--Na Ona.
NO EKOLU PULE WALE NO !

            He kuai hoopakika kela no keia huina waiwai malalo iho i mea hoi e hookaawale iki ae ai no na heluna waiwai nui a hoea mai iloko o keia mau la aku mai Nu Ioka mai, a ma ka Mokumahu Auseteralia a hoea mai ai:
                        5OO Lolewawae ma ke kumu lilo.
                        2OO Kuka, Puliki ma ke kumu lilo.
                        2OO Paalole Piha ma ke kumu lilo.
            A he huina nui no hoi o na lole o na keiki.
            E hoomanao e hoolilo ia aku ana keia mau waiwai ae la ma ke kumu lilo mua.
            E loaa no hoi ma ko makou halekuai nei he huina nui o na kamaa kane a me kamalii, na Papale, na Palule, na Pahu Lole, na Paiki Ili, a pela aku.
            E hoomanao no hoi he malama no makou i na huina nui o na Lole Hoopaihi o na ano e ae, a me na kamaa Wahine, a pela aku.
            A E HOOMANAO I KA HALEPI'O!
            E hele mai hookahi a e Lele mai no a pau loa! A e hoomanao i KA HALEPI'O,ma ka hale uinehepa hoi o Makinane Alanui Papu. Helu 75 & 77.
EGAN & CO.,
(lkana Ma), Na Ona,
apl t4-if