Ka Makaainana, Volume III, Number 15, 17 June 1895 — Page 6
6 HONOLULU, OAHU, POAKAHI, IUNE 17, 1895.
NA MOKUPUNI.
Mau Lono Huikau mai na Apana
Kuwaho mai o keia Apana.
Apiki ka Noonoo o ka Lunakanawai Apana.
Ma kekahi mau la o na pule o Mei i hala i ho la, ua iho mai la o Kukamana, kahi Lunakanawai Apana o Molokai nei e hookolokolo i kekahi mau hihia i hoopiiia he haalele i ke kahua ma'i lepera a me kekahi mau hihia he nui. I ka wa nae i noho ai ka Aha e hoolohe i ua hihia la o kamalii wahine, o ia hoi o Ruse, Kamala, a me Kamakele. Iloko no hoi oia hana hookahi no i hopu pu ia ai o Keawe no ka haalele no i ke kahua mai. I ka wa a ka Aha i hoolohe ai i na olelo ike a na hoike, aole hoike i olelo mai ua hele aku mawaho o na palena o ke kahua mai, a pela no hoi me na makai i hilinaiia e ke Aupuni, ua loaa aku no ia lakou ma Nihoa i ka lawaia, ma kahi hoi i oleloia he Papa Ola ia wahi, a i ka wa i noho ai o ka Aha a nana i keia mau hoike maikai, ua hoopuka mai la keia Kukamana i ka olelo hooholo ua hoopaiia oukou no ka haalele i ke kahua ma'i he $10,475 koina. Mahope iho ua noho mai la ko Keawe hihia e like no me ia ua hookuuia oia. Ke hoike aku nei au i ke akea mai. Hawaii a Niihau, ke Aupuni hupo keia a'u i koho ai, he hupo pu me Kukamana , aole paha i hoonaauaoia kona Lunakanawai Kukamana. Eia kuu ninau imua o oukou e na makamaka a me kahi Lunakanawai napoo o Molokai, ----O kahi hea la o ke kahua ma'i nei kai lilo ole i ka Papa Ola? E i mai ana pahu oukou ua pau loa, a pehea ka keia Kuka mana i hoopai ai i keia kamalii wahine me ka hupo.
A e ia ua kamalii wahine la ke kipikua nei i ke alanui ua like no ka ikaika o ka hana me na poe ola. O kekahi poe aole lima, eia nae, ua hookikinaia e hana e keia luna nui. Nui ka pilikia o na ma'i i keia luna nui.
K SAMUELA.
Kalaupapa, Molokai.
Kuu Lei Haule ole, ua Wehe mai ai ka
Pili Aloha me na Makua.
Ma ka auwina la Sabati, Iune 2, ho ra 4 P. M., ma ko maua wahi noho ma Kaunakakai, ua oluolu i ke Akua mana loa ka lawe ana aku i ka uhane makamae o Misi Kikoo Uahinui, ka maua lei aloha a waiho iho i ke kino lepo na maua a me ka ohana e hooponopono aku no ka manawa hope loa. Ua hanauia oia ma ka la 25 o Novemaba, 1894, a o ka nui o kona mau la o ka hanu ana i na ea oluolu o keia ao mauleule, he 6 malama, 7 la, 17 hora a me 15 minute a kuu mai la oia i kona aho hope loa na maua e uumi hoomanawanui aku a pau na la o ke kanikau ana.
Nolaila, ua ko ka ka Buke nui i olelo ai, "Nana i haawi mai a nana no i lawe aku," a o ke aloha nae aia no ia iluna o maua a me ka ohana, a nona keia hooheno ana:
"E hoonalonalo ae ana i ke aloha pee maloko,
Hai ka waimaka hanini mawaho"
Ma ka Poakahi ae, la 3, hora 4 P. M. no, ua malamaia ke ana ina hope loa o ka maua kamalei me ke anaina haipule e ka makua Hanale Peelua, a i ka pau ana, ua kai aku ka huakai no kona halelu, uka home puanuanu o na mea a pau no ka wa hope loa. E mahaloia ke Akua Mana Loa.
J. N. UAHINUL,
MISASA M. UAHINUI
Kaunakakai, Molokai, Iune 7, 1895
Hana Epa a Wahahee Loa.
Aia ma ka uluwhehi lau laau o o ka uhiwai o Pili, e noho ana kekahi kanaka opiopio me kana e va, he hapa-haole, ma kekahi mau ahiahi ma ke kauwahi okoa mai, he mamao mai kona hale noho mai Ua kukulu oia he papaaina ma ia mau ahiahi ekolu, a me na mea ai like ole, a me na kamailio ano like me he kahua la, eia nae, aohe oiaio o ia mau hana. He keu ka pau ole o na hana hupo a naaupo a keia opio me kana wahine. A mai imi oe i mea o hoopunipuni ai i kou mau hoa'loha. O kana mau olelo he mea e pili ana i na luahuna o ka wa kahiko, eia nae, aohe wahi pala i loaa. He wahahee.
Ua hoi hou mai no ka wela hahana a ka la, aohe wahi haule ua iki.
MAHUKONA
Kohala, Hawaii, Iune 9, 1895.
Na Aniani Liilii o Kupolina.
Ma ka la 16 o ka mahina i hala aku la, ua hoopaiia o Kanoa (w) no ka aihue paakai, hookahi ho ra paahao a me $4.50 koina, a me ka uku pu aku i ke poho o Kuala, ka mea nana ka paakai he $1 50. He wahine keia ua aoo, eia ka he akamai i ka hoolo paakai. A pehea no ia hoi i aa ai e aihue, no ka mea, he loa kela hele ana a hiki i kahi i waiho ai o ka paakai. Mai hana hou oe pela, e kela wahine lahilahi. He hewa no oe i ka maia Iholena.
He mau la ua iho nei keia o makou nei, a pela a hiki mai i keia la, ke nihi ae la mauka o Auaulele. Ma ka la 29 iho nei o Mei, ua haawi makana aku au ia Misasa K. Aola he hookahi hili awa, i mea nana i wai hou, i loaa hoi paha ka moo o loko o ka lua. Ea, ua oleloia mai o ke kaula i a'o i ka wahahee, he huelo ia.
G. H. KUALAAKALA.
Kaalaiki, Kau, Iune 5, 1895
Ewalu La Iloko o ka Rumi Pouli.
Ma ka la 23 o Ianuari, o keia makahiki no, i paa ai au malalo o ka mana o kela Aupuni i maopopo ole ia'u. Na elua mau makai haole i lawe ia'u a ka Halewai imua o ka Ilamuku. Ninau mai ka Ilamuku i ko'u inoa a hoike aku la no hoi. Pau kana ninau ana a komo mai la no hoi o Kakela loio, a hoomaka mai la e nieniele no ma mea e pili ana i na hana ohumu kipi Ua hoole aku au imua ona aole au i ike i na mea i hanaia Poaono ae lawe loa ia au no Kawa e hoopaa ai iloko o ka rumi pouli. Ua weheia ae la ko'u mau wahi aahu a koe na wahi pale ili o luna me lalo. O kahi mea-ai e loaa ana ia'u, he hookahi papaa berena o ka la me ke kini pokiwai. Ia'u i hoopaaia ai iloko o ka rumi, ua hele mai ka Lunapaahao a olelo mai la ia'u. "E noho oe iloko o keia rumi no 30 la, ina oe e ola, e hookuuia no oe; aia oe a hoike i ka mea pololei, alaila, pakele oe." A ua pane aku au, E hana aku e like me ka hiki." Ua noho au me ka hoomanawanui mai ka wa ikaika o kuu kino a hiki i ka nawaliwali ana, a piha no hoi na la ewalu iloko o ka rumi pouli, kiiia mai la au a laweia iwaho e hooluolu, ai aole nae e hiki ke hele, ua hele a oolea na au. He mau hana anei ka lakou nei, he ku maoli no i ka hoomainoino, ua kau mua ka lakou nei hoopai maluna o'u mamua o ka ike ana ua hewa. He mau la mahope iho i ka malama o Feberuari, hookuuia mai la au.
J. G. J. KULANI.
Honolulu, Oahu.
Ua hooliloia iho nei o Eikimana Haka i mea i banekarupeia ma kona noi ponoi ana ae no, a ua hoike aku hoi ka Hope Ilamuku i ka Aha Kaapuni, mahope iho o kona huli pono ana, aohe waiwai o ka mea i banekarapeia i loaa aku iaia. Ea, neo loa no ka hoi
KALAHIKI.
HALEKUAI LAHUI.
Helu---, Alanui Moi, keena hana mua o ka Hawaii Holomua.
E weheia ana ka halekuai maluna ae i ka POAONO, MEI 11, 1895, a malaila e loaa ai na waiwai a me na lole hou loa o na ano a pau, no na kumukuai emi loa mamua o na wahi e ae.
Aohe hewa ke kipa mua mai a e ikemaka mamua o ka hele ana i na halekuai e ae.
M. PALAU,
mei 6---3 ml Luna Hoohana.
Na Hoolaha Hou.
Laau Ma'i Lepera.
Eia ia Kauka Ogawa (Kepani) he
Laau Lapaau Ma'i Lepera
maikai loa mai Iapana mai nei. Aohe no e hewa ke hoao ae.
Uku haahaa loa no elua malama, ma ka $10 no kanakolu la.
Keena,---Alanui Hotele, kokoke i kahawai loa, Kikihale. iun 10-1 ml
Na Mea Kanu no ke Kuai.
Aia ma kahi noho o Kimo Pee, ma ke alanui e holo ia iwaho o Waikiki, ma Pawaa, e loaa ai kekahi mau mea kanu kupono no ka hoonani ana i na pa halenoho no ke kumukuai oluolu loa. Aohe e hewa ke kipa aku e ike pono a e kukakuka pu.
iune 3
Hale Inu Waiona KALEPA.
[NO SAMU NOLENA mamua]
Malaila e loaa ai ke SAKE maikai loa i paipai ole a e like la me ko na wahi e ae, he hapaha [25 keneta] no ka omole,
HE SENO KE GALANI HOOKAHI
Pela no hoi me ka Barani maikai loa, he $1 no ka omole, aole i paipaiia, aka, e like no me ka loaa ana mai.
E loaa no na Waiona e ae a pau loa malaila me ka oluolu loa.
S I SHAW, Ona Waiwai
mei 20 5mw
Hoolaha Hooko Moraki a me
ke Kuai.
Ke hoolahaia aku nei ma keia mamuli o kekahi mana kuai i hoikeia maloko o kekahi mo raki i hana a i ka la 21 o IANUARI, M H 1887, e D. KAPOI, KAHAULELIO (w) me L. W. P. KANEALII, kana kane ma re, no Waihee lakou a pau, Apana o Wailuku, Mokupuni o Maui, i ka Hawaiian Commercial an d Sugar Co., he nui i hoohuiia, a kopeia ma ke keena o ka Luna Kakau Kope Aupuni maloko o ka Buke 102, ma na aoao 498 me 499, ke manao nei ka Hawaiian Commercial an d Sugar Co. e hooko aku i ka moraki i oleloia no kekahi uhaki ana o na kumu i hoakakaia ma ka moraki i oleoia, oia hoi: ka hookaa ole ia o ke kumupaa a me ka ukupanee ke hiki i ka manawa.
Ke hoolaha a i ka nei no hoi ma keia e hooliloia aku an na aina, na pono a me na pomaikai a pau i hoi eia a i hoakakaia ma ka mo raki i oleloia ma ke kuai kudala akea, ma ke keena kudala o George Hons, ma Wailuku, Maui, ma ka POALIMA, la 31 o MEI, M H 1895, ma ka hora 12 o ke awakea o ka la i oleloia.
Eia iho ka ana o ka waiwai ma ka mo raki la, penei:
1---O kela mau wahi a au loa i hoakakaia maloko o ka Palapala Sila Nui Helu 7654, Kuleana 11257 no Waiolana, e loaa ana he ili o 71-100 o ka eka ma Waihee i olelo mua ia, a i hooliloia ia D. Kapoi i oleloia ma kekahi palapala hoolilo a Waiolama i oleloia, i kope a ma ka Buke 20, ma na aoa 263 La 204.
2 O kela mau wahi a pau loa i hoakakaia ma ka Palapala Sila Nui Helu 1226 no Kihuluhulu a me Kapoi i oleloia, e loaa ana he ili o 29 87-100 eka ma Honuaula, Maui; a no D. Kapoi i oleloia ia kuleana a pau loa ma kona ano oia kekahi o na mea ma ka Palapala Sila a mamuli hoi o kekahi palapala hoolilo mai ia S D W Konuha, i kopeia ma ka Buke 78, ma na aoao 358 me 359.
3---O kela mau wahi a pau loa i hokakaia mai ko o ka Palapala Sila Nui Helu---Kuleana 3960 no Napauoa, e loaa ana he ili o 1 44-100 eka ma Waihee i olelo mua ia, a o ia no hoi na wahi i hooliloia mai ia D. Kapoi i oleloia ma ka palapala hoolilo a Moses Kealoha, i kopeia ma ka Buke 46, ma na aoao 156 me 157.
4----O kela mau wahi a pau loa i hoakakaia ma ka Palapala Sila Nui Helu---Kuleana 3925 no Nika I, e loaa ana he ili o 9 32-100 eka ma Kaanapali, Maui.
5---O ka pono, kuleana a pomaikai a pau loa o Kahaulelio i oleloia iloko o kela mau wahi e waiho la ma Waihee i olelo mua ia, a i akaka i ka heaia o kahi o Haaheo, a i hooliloia ia Polly Kalua ma ka palapala hoolilo a W. Kahinu, i kopeia ma ka Buke 84, ma na aoao 262 me 263, a o ia no hoi ka i hooliloia mai ia Kahaulelio i oleloia ma ka palapala hoolilo a Polly Kalua me Jno W Kalua, kana kane mare, i hanaia i Ianuari 14, 1887, a i kopeia ma ka Buke---, aoao---
HAWAIIAN COMMERCIAL AND SUGAR COMPANY.
Kuike na Kumu. Ma ka aoao o ka mea kuai ka lilo no na palapala.
No na mea hou aku i koe, e ninau ia
JOHN RICHARDSON,
Wailuku, Maui,
Loio no Hawaiian Commercial and Sugar Company,
a i ole, ia
GEORGE HONS,
Luna Kudala.
Wailuku, Maui, Mei 4, 1895.
Ua hoopaneeia ka hooko ana aku i ke kaa ku dala o na waiwai maluna ae a Iune 21 M H 1895.
[iune 3---3pl.]