Ka Makaainana, Volume III, Number 15, 17 June 1895 — Page 7
HONOLULU, OAHU, POAKAHI, IUNE 17, 1895. 7
NA AINA MAMAO.
Na Lono Huikau mai na Wahi
Like Ole mai o ke Ao nei.
Poino na Pualikoa Mekiko i na Kipi.
He lono ka i loaa ae ma Sana Lui, Misouri A. H., Mei 19, mai Ele Paso ae ma Tekasa, e hoike ana no kekahi ala kipi hoohaunaele i kukuniia me ka hookahe koko ma kekahi wahi maloko o ka Mokuaina Kihuahua, Mekiko, he mau la mamua aku. Ua hoomaka ae ka haunaele mamuli o ka lele kue ana aku o na kanaka e noho ana ma ia wahi i kekahi puali ana aina malalo o Kapena Morisona a he 20 o ia puali anaaina i make. I ka loaa ana aku o ka lohe i ke poo o na pualikoa Mekiko ma Parata, ua hele koke ae oia me 100 koa. Poakolu aku, ua kueia aku na koa e kanaka a i ke kuemi hope ana aku, he hapalua o lakou i waiho iho ma ke kahua ua make a ua eha. I piena na kanaka o ia apana i ka hookohuia ana o keia Amerika e ana i ua aina Aupuni e nohoia la e na poe mahiai, a he mahele hoi o ka aina ka uku o ka luna ana aina. Ua 2000 paha ka nui o na kanaka e noho la ma ia wahi i hoopuniia e kuahiwi. Ua hoounaia aku na pualikoa no ka hoopio ana i keia ala kipi O ka haole hoi nei, ua pakele aku.
Hoonaueue Olai ma Italia.
Ua hoonaue ae he olai ia Felorene, Italia, i ka hora 9 o ka po o Mei 18, me ka poino nui. Mau tausani o ka lehulehu i momoe ae iwaho o na alanui ia po Poaono, a ua hooi loa ia ae hoi ka nui loa o ka lehulehu i ka hoonaue hou ana ae i ka hora 11 ae. Aole malaia wale iho no keia mau hoonaue ana, aka, ua nee loa aku no ma kekahi mau wahi e ae ka loaa o na make a me na poino kukonukonu e ae i kahi poe i eha. Lehulehu na kauhale i owa pu ia ae. Ua hala aku ke Kama'lii o Napela a me kekahi poe ana aina no ka haawi ana i na kokua a me ka hoopakele ana i na ola ma na wahi i popilikia. Ma Moravia, Hunegari Hema a me Dalama tia a me kahi mau wahi e ae kekahi i loaa aku i ke ehu o keia olai, a me ka noke mau no hoi no elua manaka no kekahi mau la mahope iho. A ua komo loa aku no hoi i na Mokupuni Ioniana. Mai kinohi mai no hoi, ua kauoha maoli ae ka Moi Humebeta e hoike mau ia aku iaia ke kulana o ka poino a me na hana kokua, a aia no hoi oia ke lawelawe ponoi la i na hoohana ana o ka oihana koa. Ua oleloia ua lulu aku oia me ke kaukaulua ole iho mai kona waihona ponoi aku no ke kokua ana i na poe i nele. Hoopauia kekahi A dimerala Amerika
Mamuli o ka wahanui loa o Adimerala Meade iaia i hoounaia ai ma Ni caragua, e kue ana i na poo alakai o kona Aupuni, nolaila, ua kakauinoa o Peresidena Kalivilana, Mei 20, i kekahi kauoha e hoopau ana iaia ma ka noho hana maoli aku iloko o ka oihana kaua moana, a me ka hoahew pu aku no hoi iaia no kana mea i hana ai me ka noonoo pono ole no kona kulana aliikoa kiekie. A mamuli hoi o ka keia Adimerala hoike e hoopauia ai ke Kuhina Ameriko ma Nicaragua, no kona kipa ole ana aku iluna o kona mokukaua i ke ku aua aku i ka La Pule. Aia ke kuhina ma Wasinetona kahi i hoakaka ai i kona kulana, aka, ina no ua pono oia, aole ana no paha ia he mea nona e paa iho ai ma ka oihana.
Kupilikii Loa Kulana ma Seoula.
Ua lonoia ae ma Iokohama mai Seoula mai, Korea, ua kupiliki loa ke kulana malaila i Mei 20. No keia ano e ua haalele aku ke Kuhina Nui a ua noi ae ke Kuhina Kalaiaina i na luna o na aupuni e ae no ke kokuaia aku. Ua hoopuniia na halenoho o ke Kahu Aupuni a me ka luaui o ka Moi, he alakai kue Kepani no hoi oia, e na makai, a ua papa loa ia ke komo ana aku a me ka puka ana iwaho mai ko laua mau hale mai.
Na Lonolono Kaua o ke Komohana.
Ua kukala ae la na koa Pake ma Foamo sa aia lakou mahope o ka Repubalika, o ia ka mea i loheia ae ma Wa sinetona, Mei 27.
Ua puka ae ka mai kolera maluna o na moku hali koa Kepani ma Talienewana, ma ka puali o Liao Tuna. Hookahi hapa o na moku o ka huakai mua loa i Pekili, aia ke hoowelo nui la i ka hae melemele.
No Honakona mai ka lono o Mei 27 aia na Kepani mawaho ae o Tamasui, ma ka aekai akau komohana o ka mokupuni o Foamosa, a he wa wale no a ulele bakaka ae, o ka mea ia o manaoia la.
Malia o hoomaka hou ia mai no ke kaua ana, i keia wa hoi ma Foamosa, no ke kue aku o ke Kiaaina i ke Aupuni o Pekina. Ua liuliu a ua makaukau loa na mokukaua Kepani no ke kaua aku. A ua oleloia no hoi o na mokukaua Farani no ka hoi kekahi i makaukau e kuku la ma Tamasui. Nui na lono no ko Rusia komo akeakea ae a ua hoounaia na mokumahu i Tienetesina no ka hoomaopopo lea ana i ka oiaio o keia mea.
I kinohi, ua hoaano aku no o Iapana e ae ole aku i kela koi a na mana Europa ekolu, aka, iaia i haha aku ai ina paha o Enelani e kokua mai ana iaia ke ulu io ae keia kaua, a i ke akaka ana aole e kokuaia mai, ua pane aku la oia e ae ana i ke koi aole e noho ma ka aina nui o Kina a koe o Foamo sa. No keia pane ka mea i oleloia ai i ka maalea o na Kepani ma ka lawelawe kukai pili aupuni ana a loaa ole hoi he mea na Rusia e hana mai ai.
Na Hunahuna Laulaha.
Ua pau loa ke paee mawaena o Mekiko a me Guatemala ma ka hooholoia ana i Mei 7 o ka apono ana a ka Aha Senate Mekiko.
Ua hoole ae ke Kuhina o Coseta Rica ma Wasinetona, Mei 24, aohe oiaio o na lono no ke ala ae o kekahi kaua mawaena o Costa Rica a me Nicaragua.
Nui ka hopohopoia ma na poai Aupuni o Suedena e pili ana i ke kue limaikaika ae me na lako kaua, a o ka hopena o ia no ka hoopau ana ae i ka noho hui ana mawaena o Norewai a me Suedena.
Ke manao la na poe koa kahiko o ka Hema o Amerika Huipuia e hoala ae i kia hoomanao no J. Davisi. Ua luluia a ua loaa ae he $13,681 ma ka waihona, me na tausani lehulehu hou aku no i koe aohe i ohiia mai
Mamuli hoi o na lawe'na olelo ma Ladana, Mei 21, no ka hoopauia ae o ka Ahaolelo, ua kohokoho koke e ia no ka Aha Kuhina hou o ka aoao Conosavativa (kokua i na ano kahiko). Ua oleloia ae o ka Mea Mahaloia A. J. Balafoa ke Kuhina Nui, o ka Mea Mahaloia J. Kamalena ke Kuhina o na Hana Kuloko, ka Makuisa o Saulebure ke Kuhina o ko na Aina E. a pela aku.
Na Hana Imua o na Aha.
Elua Pake puhi opiuma i hoopaiia imua o ka Aha Apana i ka Poaha, la 6 nei, a hoounaia no kanakolu la pakahi ma Kawa. He haole kekahi i hoopaiia e uku i $5 me na koina no ka lawelawe, hoopapa-a kamailio wale i kamalii wahine haole ma na kihi alanui a ma ka luakini Halepapu.
No ka holo kaa hehihehi wawae o kekahi Pake i ka po, ua hoopaiia oia e ka Lunakanawai Apana e uku i $5 a me na koina i ka Poalua, la 4 nei. Ia la like no hoi, ua hoounaia he Pake i Kawa e noho ai no hookahi malama no ka aeahaukae. Ua loaa aku oia iloko o kekahi keena o ka hale holoi lole o ke Aupuni kahi i moe ai o ka po.
No elua manawa o ka hookolokoloia ana o A. Hemanasona no ka laweola imua o ke kiure haole no ka make ana ai o Maia i Aperila 4, i kulaiia a hina ilalo, O ka mua i ka Poakolu, la 5 nei, a hora 7 no hoi o ia ahiahi, hookuuia na kiure no ka loaa olelo hooholo ole. Nolaila, ua hana hou ia i ka Poalima imua o kekahi poe kiure okoa a hookuuia, hookahi- kue.
O ka hihia hewa mua loa o keia kau i hanaia me ke kiure ole, no kekahi Pake o Lini Tai ka inoa, no ka wahi puupaa. Imua no o Lunakanawai Kaapuni Kupa oia i hookolokoloia ai i ka Poaha, la 6 nei, a ku ole i kahi o ka hewa, nolaila, ua hookuuia oia. Laki no oia i kona ae ole ana i ke kiure. Ua loaa keia kuleana i kekahi mea malalo o kekahi hoololi kanawai o ke Aupuni Kuikawa iho nei.
Po Poaono, la 1 nei, i hopuia ai o Wagena, makaikiu i pau, no ka ona ma kahi kokoke i ka Nekina a no ka lawe huna i ka pu-panapaua. No ka lawe i ka pu, ua hoopau wale ia ae no e ka Hope Ilamuku imua o ka Aha Apana i kakahiaka Poakahi mai. Aka, no ka ona, ua hoole oia aole i ona, aka, aole pela ka manao o ka Aha, oiai, ua hoike ae na makai ua ona no oia, a hoopaiia e like me ko na poe ona e ae. Pii kona kai.
Ekolu makahiki hoopaahao ka hoopai a ka Aha Kaapuni i kau aku ai maluna o E C Kiriki, no kona ae okoa ana no i kona hewa, aka, ua hookauluaia ka hooko ana i ka hoopai, i haawi ai hoi i manawa nona e hookaawale aku ai mai keia mau kaiaulu aku, a ua hala aku oia, e like me ka makou i hoike mua aku ai. Ua lohe mai makou ua haawi aku ke Aupuni he $150 iaia e holo pu ai no ka uku ana i kona lilo holomoku.
Hoolaha Hooko Moraki me
ke Kuai.
Ke hoolahaia aku nei ma keia mamuli o kekahi mana kuai maloko o kekahi mo raki i hanaia i ka la 26 o IULAI, M. H. 1888, e D. KAPOI, o Waihee, Mokupuni o Maui, a me J M KAMAWAE o Honuaula, Maui i olelo mua ia, ia Hawaiian Commercial and Sugar Company., he hui i hoohuiia, a kopeia ma ke keena o ka Luna Kakau Kope Aupuni maloko o ka Buke 113, ma na aoao 141 me 142, ke manao nei ka Hawaiian Commercial an d Sugar Company., e hooko aku i ka moraki i ole oia no ekahi uhaki ana o na kumu i hoakakaia ma ka moraki i oleloia, oia hoi: a hookaa ole ia o ke kumupaa a me ka ukupanee ke hiki i ka manawa.
Ke hoolahaia aku nei no hoi ma keia e hoolilo ia aku ana na aina, na pono me na pomaikai a pau i hoikeia a i hoakakaia ma ka moraki i oleloia ma ke kuai kudala akea, ma e keen a ku dala o George Hons ma Wailuku, Maui, ma ka POALIMA, ka la 31 o MEI, M. H. 1895, ma ka hora 12 o ke awakea o ka la i oleloia,
Eia iho a hoakakaia ana o ka waiwai ma ua moraki la, penei:
1---O kela mau wahi a pau loa i hoakakaia maloko o na Palapala Sila Nui Helu 1424, ia Kapoi i oleloia, e loaa ana he ili o 32 1-10 eka ma Honuaula, Maui.
2---O kela mau wahi a pau loa i hoakakaia ma ka Palapala Sila Nui Helu 2199 ia Kapoi i oleloia, e loaa ana he ili o 21 56-100 eka ma Honuaula, Maui.
3----O ka pono, kuleana a pomaikai a pau loa o Kapoi i oleloia iloko o hookahi-hapalua i mahele ole ia iloko o na aina i hoakakaia ma ka Palapala Sila Nui Helu 6721 Kuleana 2635 no Palulu a i lilo mai ia Kapoi i oleloia mai ia Kalalea w ma ka palapala hoolilo i hanaia i Feberuari 15, M. H. 1877, a kopeia ma ka Buke 49, ma na aoao 350 me 351.
4----O na pono, kuleana a pomaikai a pau loa o J M Kamawae i oleloia iloko o kela apana aina i hoakakaia ma ka Palapala Sila Nui Helu 2620 no Keokalani, e loaa ana he ili o 53 36-100 eka ma Honuaula, Maui, a o ia no hoi ka aina i lilo mai ia Kamawae i oleloia ma o ka palapala kuai mai ia S. D. H. Kanuha, i kopeia ma ka Buke 84, aoao 326,
HAWAIIAN COMMERCIAL AND SUGAR COMPANY.
Kuike na kumu. Mai aoao o ka mea
kuai ka lilo no na palapala.
No na mea hou aku i koe, e ninau ia
JOHN RICHARDSON,
Wailuku, Maui.
Loio no Hawaiian Commercial and Sugar
Company, a i ole, ia
GEORGE HONS,
Luna Kudala.
Wailuku, Maui, Mei 4, 1895.
Ua hoopaheeia hooko ana aku i ke kuai ku dala o na waiwai maluna ae a Iune 21,
M H 1895.
iune 3-3pl