Ka Makaainana, Volume IV, Number 23, 2 December 1895 — Page 6
6 HONOLULU, OAHU, POAKAHI, DEKEMABA 2, 1895.
NA PALAPALA
[Aole maluna iho o makou ke koikoi o na hala a me na hewa no na manao i hoopukaia malalo o keia poo , aka aia no maluna iho o na poe na lakou i kakau mai .]
-
E Hoomanao i ke Sabati Mua o Dekemaba .
M R. LUNAHOOPONOPONO:
Aloha: - Malia o hoopoina ka lahui o keia mokupuni no ia la, ke paipai aku nei au i la hoano no ko kakou Akua Alii Hoano loa, oia ka piha o na la 7 o ka'u kumuhana i kahea a ku ai ma ka nupepa KA MAKAAINANA. Eono la ma na home, hookahi hoi la ma na luakini, e hana io ia ai Kona makemake. A pau keia mau la ehiku i ka hooko pono ia e ka lahui i aloha io i kona aina, kona alii, kana mau keiki. No ka mea, o lakou aku ana ka lahui nana e hoolaha aku ko kakou aina aloha, alaila, nanaia aku ka hana a ko kakou Akua Hoano loa mai kahiko mai.
Aia keia Aupuni ma Kona lima kahi i paaia ai. Ua lawa loa na makahiki o ka naku makapo ana o keia lahui he 75. Ua emi mai ka I s eraela , he 40 o lakou makahiki no ka holo ana imua a i hope a pae wale no i Kanaana, ka aina e kahe ana o ka waiu a me ka meli. Ua lele oi aku nei kakou mamua o lakou, he 35 makahiki. Ua ike kakou a pau i ka uku kupono mawaena o na alii a me kakou na makaainana. Aole kanaka Hawaii makapo a kuli hoi i ike ole i ka inea o na la i kaa aku la mahope i maopopo ole ua ike na poe i moe aku la i ka opu i ka home o na kino lehulehu, a ua ike hoi kakou na poe i koe a hiki mai i keia la.
Mai kaumahaia ka manao, e hoolana. "E hauoli mau loa, e pule hooki ole," i ko kakou Akua Hoano loa. Nou e Hawaii ke Akua, m ai laila mai e paikano nei kahi poe makaainana he alii au. I alii la ma owai la? Ka i no hoi i alii ma o nei ala a kakou e noke nei i ka wahakole a me ke kuamuamu, a me ka hoino maoli loa no mai loko a waho o ke kanaka Hawaii. Nolaila, me keia mau manao pokole, nau e noonoo a me a'u, a na ka Haku Hoano loa e kau mai i na hoopomaikai a pau maluna o kuu lahui ponoi.
E.W. PALAU.
Waikahalulu, Honolulu, Novemaba 26, 1895.
-
Ua Kapaeia ka Oiaio .
[Hoomauia.]
O ka oihana lapaau, o ia ka mahele nui iloko o ka papa hulihonua. No loko mai o ka papa hulihonua ke ola o ka lahui a me na mea a pau o ia au. Ua imi aku la kou me ko lakou ike a me ko lakou noonoo nui ma ka hoiliili ana mai i na lau o kela a me keia lau o na laau, mai ka mu'o o luna a ka mole o lalo, mai na laau mai o ke kuahiwi a na laau e ulu ana i ke kula a hiki i na mea ulu o ke kai a me na mea kolo e ae o kahakai, e laa na pipipi, na pupuawa, a me kekahi mau mea kolo e ae o ke kai. Ua hoolilo iho la lakou ia mau mea a pau i kahi hookahi i papa laau, ma ka hoohuihui ana i ko lakou ikaika i kupono no kela a me keia ma'i o ke kanaka, mai ka wa o ke keiki iloko o ka opu a hiki i kona wa oo. Ua hoomakaukauia keia mau laau kiai ola no ke ola loihi o ko lakou ola lahui ana. Aia no ka hooponopono ana o na mea a pau i oleloia a e la maluna malalo o ke kuhikuhi ana o ka papa kilokilo, no ka mea, o ia ka papa kahuna kiekie o ke au kahiko, a o ia paha ka mea i oleloia, o "ke ola paha ia a ke Akua, ke hele la a kolopupu a hau makaiole." O ko lakou ola ia wa, hookahi haneri makahiki ka haahaa, a he 150 m akahiki ke kiekie, a o ia ka hua o ka lakou hooponopono lahui ana, a pela lakou e hana mau ai a hiki i ka piha ana o na makahiki he 2,000.
Penei ka pule palo a na poe hoohuihui laau o ke au kahiko: (He mea pono e unuhiia ma ke ano hoopokole i mea e ike ai na makamaka heluhelu o KA MAKAAINANA, he hana naaupo paha ka lakou i hana ai, aole paha, aka, na kakou e koho mai ka mokuna ehiku mai o ka buke moolelo o Kane.)
Pauku 7 - O Kane ia W aiololi , o ka wahine ia Wa iolola , hanau ka puaa iki, noho i ke kai, kiaiia e ka laauaki, noho iuka, he pau hee i ka wawa, he nuku, he wai ka ai a ka laau o ke akua ke ko mo i ka hale, aohe komo kanaka.
Pauku 8 - O Kane ia Waiololi, o ka wahine ia Waiolola, hanau ka limukele n oho i kai, kiaiia e ka ekele noho iuka, he pau hee i ka wawa, he nuku, hee nuku, he wai ka ai a ka laau o ke akua he komo, aohe komo kanaka.
Pauku 9 - O Kane ia Waiololi, o ka wahine ia Waiolola, hanau ka limukala, noho i kai, kiaiia e ka akala noho iuka, he pau hee i ka wawa, he nuku, he wai ka ai a ka laau o ke akua ke komo, aohe komo kanaka.
Pauku 10 - O Kane ia Waiolo li, o ka wahine ia Waiolola, hanau ka lipeepee, noho i kai, kiaiia e ka akala, noho i kai, he pau hee i ka wawa, he nuku hee wai ka ai a ka laau o ke a kua ke komo, aohe komo kanaka
Pauku 11 - O Kane la Waiololi, o ka wahine ia Waiolela, hanau kaloloa, noho i kai, kiai ia e ke kaiamaloloa, n oho iuka, he pau hee i ka wawa, he nuku hee wai ka ai a ka laau o ke akua ke komo, aohe komo kanaka.
Pauku l2 - O Kane ia Waiololi, o ka wahine ia Waiolola, hanau ka ne, noho i kai, kiaiia e ka neneleau, noho iuka, he pau hee i ka wawa, he uuku hee wai ka ai a ka laau o ke akua ke komo, aohe k omo kanaka.
E na makamaka heluhelu i keia moolelo, e kala ma i i ka mea kakau moolelo, no ka mea, he nui aku kahi i koe aku, a ua unuhiia mai keia wahi i mea hookaulike no na mea i h oikeia ma na helu mua a me na helu e hoopukaia a ku ana. O ka pau ku maluna ae , o ia k a lakou papa laau i hoohuihui ai a lilo i laau kiai me ka ae pu mai o na anela kiai o ke kanaka.
I mai o Iesu, " ke holoholo mau nei ko oukou mau anela kiai e nana i ka helehelena o ko oukou Makua ma ka lani."
I kela a me keia la mua o ka makahiki, he la hoomaemae ia no ka lahui mai o a o o ka aina, no na haumia o ka aina malalo o na r ula o ka oihana kahuna , aohe mea koe i kauhale, ua kapaia ia la he la hiuwai, hiuwai kane, hiuwai wahine, hiuwai keiki, hiuwai ka aina. O ia ko lakou la mihi i ke akua, i kapa ia, Ilohima, ke akua nui mana loa. O ko keia wa hoi, o ka la mua o ka makahiki he la inu rama a pili waiwai no na haole, ma na ano hana lapuwale no a pau a na haole e hana nei ma ke ano hookamakama. Nolaila, haalele mai ke Akua i ka lahui e make iloko o ko lakou noho huikau ana, mamuli no ia o ke alakai hewa ana a na mikanele, e like me ka olelo a kekahi mau makua mikanele. Olelo hoi o Laiana o Kohala, "wae aku ka opala i ka lani, paa aku i ka lani na ke Akua ia, haule mai i ka honua nei, na Laiana." Olelo hoi o Laimana o Hilo, "e wiki kakou o piha opala ka lani ia Laiana." O na olelo ana a keia mau makua o ka pono pela, he hoohaahaa ana la i ko laua kulana iho, a ua hoohaahaa pu ia ka inoa maikai o ka lahui ma kela huaolelo "piha opala ka lani i na Hawaii." Pela io paha, ua piha opala io ka lani a me ka honua i na hua kikania, no ka mea, ke ohi nei na Hawaii i ka hua, he make.
(Aole i pau.)
-
Ua eo mai nei ia Lolokulani ka heihei lio i malamaia ma kaleponi Lalo me na lio heihei o laila, he elima anana ke kowa iloko o 1:02 ΒΌ
Ua makanaia mai nei e A G . Spalding & Bro. na keiki o ka hui kinipopo o Sana Lui me kekahi hae s ilika i kinohinohiia me ka wai g ula , no ka eo ana ia lakou o ka paani kinipopo ma waena o na haumana o kela a me keia kula i waeia. E hoomanaoia, ua hoalaia he hui kinipopo mahope iho o ka pau ana o ka paani ana o ka Hui Kinipopo Nui o kela a me keia kula, a o keia ka hua o ka hoomanawanui ana .
I ka auwina la Poakahi i hala i komo mai ai ka Warimu mai ka Akau mai me ka piha ukana a me na ohua no keia awa. Ho ra 10 iho o ka po i hoomau aku ai ma kona alahele moana no na Panalaau Hema.
-
Hoolaha Luna Waiwai Banekarupe .
Oiai, ua hookohuia na mea no laua na inoa malalo iho nei i keia la i mau lunahooponopono no ka Waiwai o TIN SANG WAI & CO., he poe i banekarupeia , ke kauohaia aku nei na poe a pau loa e hooia koke mai i ka lakou mau koi e kue ana i na mea i banekarupe i oleloia , a o na poe a pau e aie dala ana ia lakou ke hoolahaia aku nei e hookaa koke mai ia mau aie i na mea no laua na inoa malalo iho.
WON G CHONG ,
NO GANG.
Hanaia Honolulu, Novemaba 22, 1895.
no v . 25-3pl.
-
Waiwai Hou
Waiwai Hou!
Ma ka Halekuai o
SING LOY ,
[ SINI LOI.]
51 & 53 Alanui Moi , - Honolulu.
-
Na Lole o na Ano a Pau .
Na Palule Keokeo o na Kane o na Ano a Pau ,
Na Palemai Huluhulu o na Kane a me ko na Keikikane,
A pela aku , a pela aku , a makena wale.
-
He nui wale aku o na waiwai like ole hiki ole ke helupapa aku . E naue mai a e ikemaka no oukou iho .
no v 25-mp
-
Waihona Buke Hawaii.
E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke:
Laieikawai - - - $1 00
Gaberiela Lenoa - - - 75
R.W. Wilikoki - - - - 50
Hookahuli Aupuni o 1895 - 50
a pela aku, a pela aku.
O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia
F.J. TEST (Hoke),
ok 28-tf 327 Alanui Moi.
-
HALEKUAI LAHUI KALAHIKI.
Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."
Ma ia halekuai o na oiwi e loaa ai na anoi a me na paihi o na ano hou loa, e laa
Na Kalakoa, Na Keokeo,
Na Makalena, Na Kinamu,
Na Huluhulu, Na Lihilihi,
Na Kamaa o na Kane, Wahine me Keiki, a pela aku.
Oluolu no ke kuai ana. Aohe hewa ke kipa mai e ikemaka, a aohe no hoi he kunukunuia no ka hoikeike ana i na mea kuai.
M. PALAU, Luna Nui.
ok 14-tf
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.
-
AINA PA-HALE NO KE KUAI.
Aia keia pa-hale ma Kapauhi, ma Waikiki iho o ka Hale Ahahui Opiopio Pake, he 3,120 kapuai-huinaha ka ili.
No na mea a pau e pili ana, e ninau ia
F J TESTA,
nov 11-mp 327 Alanui Moi.