Ka Makaainana, Volume IV, Number 23, 2 December 1895 — Page 8
8 HONOLULU, OAHU, POAKAHI, DEKEMABA 2, 1895.
KELA A ME KEIA.
-
Po mahina piha keia.
I keia Poakahi ae ka Au s eteralia e ku mai a i.
E oili aku ana ka Buke Mele Lahui a ko makou Puuku i keia mua koke iho.
Ua hiki aku i ka 340 ka nui o na haumana o ke Kula Kiekie e ku nei ma Alanui Ema.
Nui wale o na poe himeni maau hele i ka po Poakolu iho la. Keu a ka hanakuli.
E holo makaikai aku an a ia Kauai ke Komi s ina Beritania Hoe s e ma keia mua iho.
Kopaa, 3 3/8 ke kumukuai e like me ka mea i hoike mua ia aku. O ia ka lono hope mai nei.
Ua loaa mai ia makou he kope o ka nupepa hou loa - Ko Hilo T aribune , i hoopukaia ma Hilo.
Ua huli hoi aku no Iapana ke Kanikela mua iho nei, Shimi z u , ma ke Kopatika o ka Poaha nei.
Elua mau Hawaii kuewa ma na aina e i hoihoiia mai e ka mokupea Aloha i ka pule i hala mai Kapalakiko.
He 42 ka nui o na hihia o ke kau kiu re kuikawa o Kauai i noho ai i ka Poakolu, la 20 o No v emaba iho nei.
Ke kukuluia nei he hale hana keaka no na Kepani ma ke alanui Kalepa. E ku ana paha no hookahi mahina a pau ae no.
Ua loheia e pau ana ka na poe pio i huikalaia ai i ka Poaha nei i ka lawe i ka hoohiki kakoo i ka Repubalika.
Ua make ma Manana, Ewa, i kahi mau la o ka mahina i hala ihola o Kawaimaka ( w), makuahine o Ade Kawaimaka o Waikahalulu.
O nehinei ka La Pule a la mua loa o ka makahiki hou o na Ekale s ia Anegalikana a me Katolika Roma, a ua kapaia hoi o ke Dominika Mua o ka Hikianamai.
Ua lilo aku i ke kuai kudala ia ka mokupea Dono Adolofo i ka Poakolu iho la ma ke alo iho o ka Halewai no $1,000 ia Kapena Nisena o ka mokunea Mele Winikelemana.
Ua hooleia ke noi a ko Koolaupoko poe no ka hookohuia aku ona Kauka Aupuni no ia apana e ka Papa Ola, aia ka a oe mai ko laila poe e kokua like ma ka uku ana.
O ka Pake pue wahine a makou i hoike aku ai mamua aku nei, a i hoopaiia e ka Aha Apana a hoohalahala i ka Aha iluna, na hoopaiia mai e ka Aha Kaapuni i ka Poakolu iho la e noho paahao a pau ke ola ma Kawa.
O ka Poaono nei ka la o Sana Ana r u . He anaina haipule ka i malamaia i ke kakahiaka no ka hoomanao ia la, a i ke ahiahi ho r a 7 i malama hou ia ai he anaina haipule no na Hawaii ma ka luakini o ia inoa. Ua hoomanaoia no hoi ma Malie okamalu.
He mokumahu hou ke pani mai ana ma kahi o kela moku nana i lawe mai ke kolera i Hawaii nei, oia ka Aferida. He 6,000 tona kona nui, a e holo ana ma ka 12 mile i ka ho ra . E makaukau ana paha ka Bele g ika iloko o keia makahiki ae, alaila, hoomauia mai no oia ma kona wahi.
I ka Poaono nei i pau ai ke kau kiure o ka Aha Hookolokolo Kaapuni Ekahi.
Ua kalaia i ka Poaha iho la na Pake he 26 i hoopaiia he $100 pakahi no ka hoole ana aole e hana malalo o na mahiko, a ua ae nui e hele e hana.
Ke hoomauia la no ka hana ana i ke alanui mawaena o Hilo a me Puna, a ua hiki aku i ka ekolu mile kahi i pau i ka hoomaikaiia.
Ua huli hoi mai ma ke Kopatika o ke ahiahi Poakolu iho la o Kanikela Kene rala Amerika Mila. Ua lawe pu mai nei oia i kokoolua nona ma keia ao.
O nehinei, la l, i piha ai ka 255 makahiki o ke kuokoa ana o Potu g ala. Ua welo ae na hae o na luna aupuni o na aina e maanei no ka hoomanao ana i ka la kuokoa o ia aupuni.
Ua hala aku ma ke Kinau o ka Poalima nei ka Lunakanawai Kiekie a me Kokua Lunakanawai Faria no Lahaina, no ka hoolohe ana i kekahi hoopaapaa pono wai malaila me ka Halewili Paionia.
Ua haalele aku ia Kapalakiko ma ka la 15 o Novemaba ka mokukuna misionari R.W. Lo g ana no na Paeaina Karoline, malalo o ka noho kapena o Be re , kapena o Hokuao mamua. E ku mai ana oia maanei mamua o kona holo loa ana no ia mau paemoku.
He paina hoomanao la make no ka pihi ana o ka makahiki hookahi o ka waiho ana iloko o ka opu o ka honua ka Misita a me Misasa Kaluna e haawi ana ma ka la 6 iho ma Kunawai. Ua noa no hoi i na mea a pau ka hele ana ae . He mau lealea kekahi e haawiia ana malaila, pela ka mea i hoikeia mai ia makou.
I ka wa e puhi ana ka bana Aupuni ma ke alo iho o ka Halealii i ka Poakolu nei, ua komo aku la ke Komisina Farani a me ka Bihopa o Panopoli s a iloko o ka pa no ka hele ana e ike i ka Peresidena, a o ia no ka wa i puhiia mai ai ke mele lahui o Farani ma ke ano ohaoha ia laua, a oia no hoi ko laua wa i wehe ae ai i ko laua mau papale a pau wale no ke puhiia ana o ia leo.
Eiwa ma ka ahewa a he ekolu kue o na kiure ma ka hihia laibila i hoopiiia ai o ka lunahooponopono o ka nupepa Pukiki S ene t inela . He hihia keia mai ka Aha Apana mai. Poaono nei i hoopaiia ai o V iva s a e uku i $50 a o kona hoa hoi, J. M. T ei x e r a , he $25, a me na koina pakahi. Na Numana, loio o ka aoao hoopii, i noi e hoopai mama ia laua. Ua hoohalahala loa aku laua i ka Aha Kiekie.
Ua ahiahi loa no o k a Poalua iho la, mamua o ka holo ana aku o ke Kalaudine no kona mau awa ma Maui, ua hauhauna ae la ka hohono uwahi opiuma iluna o ia moku, no ia mea, ua hoounaia aku la kekahi kiai o ka Hale Dute e hanu aku i kahi i lolii ai o ua akua lapu la. I ka hanu ana aku a nei kiai, ua loaa aku la ua mea hoonoenoe la e lolii ana iwaena o na puolo ukana liilii e ae iloko o ka rumi waiho ukana o ke kupakako. He iwakalua kini i loaa aku i maheleheleia iloko o elua puolo ma ka umi tini o ka puolo hookahi Ua wa-hiia o waho me ka nupepa a ua kauia ka inoa o Robert En g li s h o Kahului mawaho.
I ka holoholo moku o Uwaia Napoliona i ka Poaha nei . A iaia e alualu ana me kona waapa mahope o kona wahi moku , ua oili aku la a piholo iloko o ke kai he omole gini mai kona poli aku . No kona nui minamina loa i ua omole gini la, ua luu aku la oia me ka hoomanawanui e loaa ua mea la ana mamua o ka hoea ana mai o Keaka, aole nae i loaa aku. Nui loa kona minamina .
He lono ka i hoikeia mai ia makou, aole ka he oiaio o na mea i hoolahaia maloko o Ka Leo o ka Poalima iho la e pili ana i na hana ino a kekahi mau makua i ka laua keiki hanai ma Waiau, E wa , he mau la i hala ae. Ua hiki aku ka Makai Nui o Ewa ma kahi i hanaia ai o kela hana pelapela, oia hoi ka hookikinaia o kela keiki e palu i kona mimi, a pela aku. Aohe oiaio o ia mea.
Oiai ka malamamoku o Keauhou ma kona paina awakea ilalo o ka moku i ke S abati i hala ua komo aku la he keiki Pukiki iloko o kona rumi a lawe mai la h e mau dala mai loko mai o ka lolewawae. I kona ninauia ana aku no kona kuleana i hiki ai malaila, ua hoike ae la oia he kuai nupepa kana hana, a hoomaka aku la e hele a nalowale. I ke komo ana aku o ka malamamoku iloko o kona rumi a haha aku la iloko o ke eke o ka lolewawae, aia hoi, ua lilo na wahi kenikeni iloko. Ke huliia nei kahi keiki kolohe.
Oiai e hana ana iluna loa o ke kia o ka mokupea C oloma i kakahiaka Poalua iho la kekahi luina, a no ka paa pono ole o kona wahi e noho ana, ua pahemo mai la kona mau lima mai kahi ana e paa ana a haule pono iho la iloko o ka waapa iluna no o ka moku. Ma keia haule ana ua hakihaki liilii kekahi mau niho a opa pu ia ka ihu a moku a lele ka lehelehe lalo mai kahi aoao a kahi aoao. Manaonao kona ano i ka wa i kiiia aku ai e hapai ae. Ua kauoha koke ia ke kauka o ka Beninetona a nana i wahi ae kahi i eha mamua o ka hoihoi loa ia ana no ka Halemai Moiwahine.
-
LOAA.
He Buke Hoahu o ka Banako Hunahuna Hale Leta ka i loaa . O ka mea nona ia buke , e uku i keia hoolaha , a e ninau ia F.J. TESTA ,
dek 2-1mnw 327 Alanui Moi .
-
LEO KONO AKEA.
"Owau mai kau e hea mai ai ,
E hea ke kanaka e komo maloko,
E hanai ai a hewa e ka waha,
Eia no ka uku - o ka leo!"
Aloha Oukou:
Ke kona a ke poloai akea aku nei au i na Hawaii e kipa mai ma ko'u halekuai a e kuai i na lole nani o na ano hou loa loaa mai nei ia'u mai Enelani , Farani , a me kahi mau aina e ae . e loaa no na
Papale Mauu Laiki,
Na Lipine,
Na Lihilihi,
Na Hulu,
Na Keokeo Lilina a ano e ae ,
Na Kawele , Na K hei
A me na waiwai e ae he nui loa ke helupapa aku , ma na kumukuai haahaa loa.
He kuleana ke loaa ana i kela a me keia e
Kuai ana a Piha ka $5.00
E lilo mai ai o kekahi piano o $350 ka waiwai io ma ke koho ana i ka nui o na hua o loko o kekahi ipu pu , a i Dekemaba 31 e okiia ai imua o kekahi komite.
Owau no me ka mahalo.
L. B. Kerr,
Alanui Moiwahine , e pili pu ana me ko Kimo Mogana keena kudala.
dek 2-4 mnw.
1896
KA MAKAAINANA
NO NEI MAKAHIKI AE.
-
UKU O KA NUPEPA
No ke Kope Hookahi - - $.10
No Hookahi Malama - - - .25
No Ekolu Malama - - - - .75
No Hookahi Makahiki - - 2.25
Ina e hookaa mua ia , penei iho ka auhau ana :
No Ekolu Malama - - - $.50
No Eono Malama - - - - 1.00
No Hookahi Makahiki - - - 2.00
UKU O NA LUNA NUPEPA.
No 5 Inoa - - - 15 ken.
No 10 Inoa - - - 20 "
Maluna aku o 10 Inoa - - 25:
-
1 - Ke hoikeia aku nei ka lohe i na poe a pau e makemake ana e lawe i keia nupepa i nei makahiki ae , e hookaa mua mai ka pono , ina no ma ka hapaha , hapalua a makahiki holookoa paha . Ke ole no ia , aohe nupepa e loaa aku ana . E ukali pu mai ke dala me na kauoha nupepa a pau . Ua koe no nae hoi me makou ke kuleana hilinai aku i na poe a makou i ike a i maopopo ai ua kupono ke hilinaiia.
2 - O na manao hoolaha , e pono e ukali pu ia mai me na inoa oiaio o na poe hoolaha manao . Ke ole ia , aole loa e hoopukaia aku . Pela no hoi me na hoolaha anoai , a pela aku . Aole i manaoia na inoa oiaio no ka hoolaha aku , aka , i mea e hiki ai ke hilinaiia.
3 - Aia no me makou ke kuleana o ka manawa e hoopukaia aku ai o na manao , oia hoi, ke loaa he wa kaawale kupono . Ina hoi he mau manao i akeia e puka koke , e laa me na hoolaha make, a pela aku , e pono no e hoouna mai i uku no ia mea, i hoihoi ai hoi ka hana ana . Ke ole no, alaila , waiho no a ko makou wa kupono me ka uku ole no ia moe ana.
4 - E hoouna pololei mai i na olelo hoolaha i ka inoa malalo iho . Pau pu no hoi me na kauoha nupepa . A iaia no hoi e hoouna mai ai i na manao a pau no ka hoolaha aku.
5 - O na hoouna dala ana a me na kikoo leta , ma ka inoa wale no ia o ko makou Puuku . Ua lawa kana palapala hookaa no makou , a o kana hookahi wale no ka mea mana , aole o ka makou a me ke kahi poe e ae .
-
HALEPAI - Aia ma Alanui Konia , ma ka aoao Ewa , a mauka ae o ke kihi akau o Alanui Moi.
KEENA HOOPUKA - Aia ma ke keena o ka Puuku , Mr. F.J. TESTA ( Hoke ), ma Waialeale , Helu 327, Alanui Moi , ma ka aoao mauka o kahua Halewai kahiko , a malalo iho e pili pu ana ma Ewa aku o ka hale o ka Ahahui Pake.
No na mea aku i koe , e ninau ia
W.H. KAPU ,
Ona, Luna Nui a Lunahooponopono .