Ka Makaainana, Volume V, Number 19, 11 May 1896 — Page 3

Ka Makaainana.

Honolulu, Oahu, Pooakahi, Mei 11, 1896

IOSEPINE

ka

EMEPERESE PUUWAI OLU

O FARANI

MOKUNA I.

NA LA OPIO MA MATINUKU.

Ua manao wale ia no ma kela mau olelo wanana a kela kilokilo paele, o ke keiki a kekahi o na kanaka waiwai o ua wahi inokupuni la ka Iosepine kane e mare aku ai me ka hauoli ole, oiai, aia kona mau anela kiai ke hookonokono la iaia e hooko aku pela. O ia mau upu ana nae a na anela kiai a me na kokoia ana no hoi o kela manao aloha iloko ona no ua keiki la, a ole wa i hookoia.

            Ma kekahi wahi o kana wanaua ua hookoia me ka ewaewa ole, no ka mea, i kona wa i mare ai me kana kane, aole loa laua i noho me ka hauoli; aka, o ke kuee iloko o ka ooho’na ohana ana , o ia ka mea i loaa a hiki i ko laua kaawale ana me kana kane. Ano ka hapa hope loa hoi, e pile ana i koea make iloko o k halemai me pa hoohiwahiwa ole a me ka hune pu no hoi, ua halahu loa ia mawaho e kona noonoo maikai. Aole paha i kuikahi na Lani me ia ma kana wanana. Ma kahi o ko Iosepine make ilok o ka halemai, ua make oia maloko o ka halealii nani o Malamaisona ma Parisa. Ma kahi hoi o ka ilihune a me ka nele, oia kekahi o na wahine waiwai o Europa iloko o ia mau la, e ohi ana hoi i ka uku makahiki o eono haneri tausani dala i kela a me keia makhiki. E hoopuni ana hoi i kona haelalii me na pua nani like ole o ka honua a o loko o kona rumi a me na keena e ae ua hanaia me na mea e oluolu ai na maka ke nana aku. I kona la i make ai, e ku ana ma kona aoao ka Emeperoa Alekanedero o Rusia; na alii a me na poe hanohano o Europa e hoopuni ana ma kona mau aoao a pau. A oiai, ua kaawale oia me Napoliona malalo o ka loaa ole o ke keiki a me  ka manao inaina o ka Emeperoa, ua mau no kona heaia o ka Emeperese Iosepine o Farani.

            Ua noho o Iosepine me ka hanohano mai kona wa i lilo ae ai he Emeperese a hiki wale no i knona make ana, ka wahine hookahi hoi i pii mai mai ke kulana haahaa a hiki wale no i ke kiekie ana.

            Maanei paha he mea pono i ka mea kakau ke hoakaka i ke an o ka pilipaa ana o ke aloha mawaena o Iosepine a me ke keiki a kekahi kanaka Beritania, ke keiki nana i hoolilo i ke aloha makua o Iosepine i mea ole a aueane e hoauwanaia kona kino malalo o keia mea he aloha.

            O kekahi ohana Pelekane i noho me ka ilihune ma Enelani. ua ku ae lakou a haalele i ka aina hanau a holo mai la no keia mokupuni e hule waiwai ai. Aia iwaena o keia ohana, he keiki kane ui hookahi wale iho no, i kokoke aku no i ko Iosepine mau makahiki. He kokoke loa @o laua hale, a ua hui aku a hui mai laua ma ke ano hoa’loha. Iloko o ia manawa na hoomaka mai la ka pili ana o ke aloha mawaena o laua. No ia mea, ua hooholo iho la ka ohana o keia keikie, Uilama, a me na makua o Iosepine na pono kela manao o laua, a he mea pono e hoohuiia laua i ka wa e piha ai ko laua mau makahiki. Hauoli loa laua i ka wa o laua i lohe aku ai ua lokahi ko laua mau ohana no keia manao mare mawain o laua.

            Iloko mae o ia manawa a ke aloha e onipaa ana iloko o keia mau opio, loaa mai la ke kauoha i ko Uilama mauakane e hoi aku no ka home ma Enelani, no ka mea, e hoi hou mai ana iaia kona waiwai nui i nalowale. No ia mea i hoomakaukau koke ae ai kona makuakane me ka ohana e hoi not ka home me na manao hauoli. O keia hoomakaukau nae o Uilama me kona mau makua no ka hoi i Enelani, ua like ia me kekahi puupuu ikaika imua o ua opio la no ko laua hookaawaleia mai ka pili aloha ana. la lana i hui ae ai ma kekahi wahi mehameha, ua uwe iho la laua me ka walania a mokumokua o ka naau.

            Kaawale ae la lana a noho hookahi iho la o Iosepine me na hoomanao poina ole no Uilama maluna o ua wahi mokupuni la. Pau ae la kona ano hoopilipili aku me kona poe hoa e paani pu ai, na lauua ana me ka hauoli me na poe e kipa mai ana i o lakou, a me ka noh’na home iho no hoi.

            I kela a me keia la. e hoopuka mau ae ana oia i na hualelo i ka wa e pa mai ai he wahi oaniani makani – “Ke hoomanao la no auei o Uilama ia’n, aole paha.” Kau mei hoi imua ona ua hoomanao ana no na la o laua e noho ana me ka hauoli, ka kaua hooipoipo ana, ka luana iho, a pela wale aku. “Auwe oe, e ke aloha! Pehea la ka loihi o keia ehaeha a’u e auamo ai,” wahi ana e puana ae ai me ka uwe pu ana iho. Hala ae aua he mau malama, sole no he