Ka Makaainana, Volume VI, Number 7, 17 August 1896 — Page 1

Ka Makaainana.

BUKE VI--Ano Hou  Honolulu, Oahu, Augate 17, 1896.     HELU 7

 

MISS ELSIE ADAIR

--

Hoikeike o na Hana o Kana

Puali Keaka Ponoi.

            Ma ka po Poakahi, la 10 nei, hora 7:30, i hoao mua ae ai ka Miss Elese Adea hui keaka ponoi ma ka halepaikau ma Haimoeipo.  Ua piha o loko o ke keena holookoa mai o a o, aka, aole no ia he mea e hooki ai i ke komo aua o ka lehulehu; ke komo nei no  Aka, oiai no ko loko e kakali malie aku nei me ka hiaai nui i na mea hou e ake no e hoonuu na maka, ua weheia na hana me ke mele ana mai o ka puali himeni Kawaihae--kui i ke mele "Oi Hoi Ha," a o ka hoomaka ana ia o na hana o ia "po lea o Haialii."

            I ke kuu ana iho o ka lakou mele ana i puka mai ai o Elese Adea a me Vanedalipa, kona luna nui, ma ka laua mau papa olelo hoomakeaka ana, a in a e kaupaonaia ka maikai o ka laua mau hana, alaila, o ka paipai a me ke ohohia nui a ke anaina ka mea nana i hoike mai i ka hauoli nui o na poe lehulehu i lohe pono i ka laua mau k@ke olelo ana.  Ua mele mai o Vanedalipa i kekahi mele me ka maikai me ka nahenahe a he ku i ke ohohia ke lohe aku i kona leo.  Ua mele pu mai no o Else Adea, a no ka lea loa ua paipai mau ke anaina holookoa a hiki i kona puka hou ana mai a hoolawe mai la hoi i ka makemake o ka anaina me kekahi himeni hou i oi loa ae o ka maikai

            Nalo aku hoi oia, ua hoopihaia ke kowa e Misi Tile Jadine.  Ua mele mai oia me ka leo kani ka wi, a no ke ano apulu paha hoi o kana wahi maunu, he papai kana i'a o ka hoi ana.  Ua puka hou mai no oia a melo mai, a ia wa i hui pu mai ai kekahi kahuli leo lea e noho ana iwaena o ke anaina, a e ole ia akahi no a ulumahiehieia.  O ka maikai paha ia la ke paipaiia la a hiki i ka puka hou ana mai.  O na hana a Hiu Emeta, ka mea hoolele leo kaulana, ua hanaia mai ia me ka noeau a me ka mikioi, a o ke akamai paha ia la ke hele la a kaumailio a himeni pu ke kii laau me he kanaka ola maoli la.

            O ka oi loa aku o na hana no eau ma ia po, o ia no ka hula kaawili nahesa a Elese Adea, a makou hoi i kapa ai he "anapau ahi."  Ua noiau ka wili'na a ua mikioi ka lawe'na, a o kana mau oni'na me kona mau kapa wilika maemae a nauahe loa, ua like me ka holu a ke kawelu i ka luna o Lanihuli, malalo o ka malaiualama o ke Kukui Ea.  Ua hooleleia aku ka malamalama o na waihooluu like ole maluna on a iaia e kaawili ana a he nani maoli no ke nana aku, oiai, e loli mau eia ka waihooluu o luna o ke kapa ailika.  He mea maopopo, uaho ikeia na helehelena o ke ahi e ia me kona aahu, ka a ana, ka puoko ana o ka ula o ke ahi i ka wa makani me he la ua nininiia i ka aila-mahu, ke amiomio ana o ke ahi i ka wa pukiki o ka makani.

            A ma ka palena o kaua mau wili'na a me kana niau haa ana, oa hooleleia aku ke kii o kekahi nahesa e pakaawili ana a puui kona kino, a o ka pulelehua hoi me kona mau eheu i uholaia a ua hoolele pu ia aku no hoi na kii o kekahi mau Peresidena o Amerika Huipuia a ua komo pu ma ia papa ke kii o Peresidena Kole, ka have Hawaii, mau kii e ae i ohohia nui ia a i hiki ole hoi ke hoikeia aku maanei.

            A o ka hopena loa o ia apana hana, he mau huaolelo moakaka.  "Good Night," a o ka panina loa no hoi ia.  Ua hoi mai makou me ka piha hauoli, a pela aku no hoi paha me ka lehulehu o ia po.

            O ka hele ae no o ikekumaka i keia mau nani a pau, o ia ka pono, o lohe pepeiao wale no auanie, aohe e ike i ka nani io maoli.

--

Kauluaia a Lilo i Hookahi.

WAHINEMAIKAI-KAMANA.

            E like no me ka make i hook ai ma ka helu i hala, pela no i hookoia ai ka mare o John Wahinemaikai ia Miss Esther Holo Kamana i ke ahiahi Poaono, la 8 nei.  Na ka Rev. H. H. Paleka i uo ae i ka hipuu polena o ke kaula a paa, maloko o ka luakini o Kawaiahao, a lilo ia mau puuwai elua i hookahi pana aua.  He papaaina luluu ma kahi noho o ua makua o ka wahine mahope iho.  Ua lehulehu no @a hoa'loha i kipa aku e haawi i na hoomaikai no ka paa mare.

IUNE-HALELAAU.

            Auwina la Poalua iho la, ma ka luakini o Kawaiahoa, i hoohuiia ae ai e ka Rev. H. H. Paleka o Iune (k) ia Halelaau (w).  He mau mea noho no laua no kahi mawaho ae o ia luakini

BROWN-DICKSON.

            Pau hoi ia, ua holo aku ke kahunapule no lalo o Moanalua, a malaila oia i ua ae ai i ka hipuu polena o ke kaula e paa loa ai o Senatoa Kikila Balaunu "no ke kau ai a no ke kau wi, no ka wa loaa a no ka wa nele, a no ka wa ola a me ka wa ma'i" ia Misesa Mele Maina, kaikamahine a Keoki Maina o Makawao a wahine kanemake hoi a M. Dickson.  O ko ka wahine wahi noho ia.  Ua malamia keia mare me ka palanehe loa, oiai, aohe i wawa nui ia ae, a o kekahi kaikuana hoi o ke kane ka mea hookahi o kona ohana i hiki aku.  Ma ka Auseteralia o ka Poaono nei i holo makaikai aku ai laua no Kapalakiko.

WALKER-CORNWELL

            Ia po iho hoi ma ka luakini o Sana Anaru, ua hooko ae no hoi ka Haku Bihopa o Honolulu i ke anaina laahia o ka materemonio mawaena o Keoni Waka (J. S. Walker), keikikane hiapo a kona luaui, me Miss Blanche Adele Cornwell, kaikamahine haipo o Konela W. H. Konuwela.  He mau opio oiwi laua a elua no kakou nei.

            Ole no i ano akea loa ko laua mare ana, no ka mea, eia no hoi ka ohana o ka wahine ke noho nei iloko o ke kanikau no kona kupunawahine i make, eia nae, ua piha no ka luakini i na poe i konoia, mai ua poe koikoi a kuonoono, i hiki ole hoi ia makou ke helupapa aku i na inioa, a me na poe no hoi i hele makaikai aku.  Ma ka halenoho hoi o ke kupunawahine i make mauka o Puunui, alanui Kauka, i malamaia ai he ana ike i ka paa hoohuiia a lilo ko laua mau puuwai i hookahi pana aku.  Ua aumoe ae no hoi, hoi laua no waho o Waikiki e hoohala ai hoi i na la kinohou o ko laua noho kane-a-wahine ana.

            Ke panee aku nei KA MAKAAINANA i na hoomaikai ana no na poe paa mare a pau i hoikeia maluna ae.

--

            No elua aenei paha pule o ka waiho mai ana o kekahi paahao haole o Kawa, o Nicholas Oldman kona inioa, a make i kakahiaka o nehinei.  Ua hoolewaia ae i ka auwina la a nalo iuka o ka ilina o Makiki, o Lunapaahao Lo a me ka Rev. J. Waiamau ka i ukali aku mahope maluna o ke kaa huilalua o ka inoa mua.

            Eia ae ke paa nei iloko o ka Halewai me ke akaka pono ole o kona hewa he akaka pono ole o kona hewa he kaikamahine hapa-Pake o ka hoea ana mai ma ka Mariposa aku nei mai Kapalakiko mai, a ma ka Auseteralia i hiki mai nei kekahi Pake a nana hoi i haawi ae iaia i na makai.  Ua hoao ae ua mea la e kaawe iaia iho ae ua mea la e kaawe iaia iho i ka po Poalima nei, loaa e nae hoi i na kiai a okiia ka hainaka a pakole oia.  Ma kekahi o na hale keaka Pale oia i noho iho nei

 

OILI KA HUAELO.

--

I Kinohi no, Pau i ka Weluwelu

no ke Ino o ka Maunu.

            Pololei no ka makou wahi huanahuna iki ma ka helu i hala no ka huaele a Kamaki i hoohanau kamehai ae ai.  O ka Poaono aku ka la o ka hookohi ana, aole nae hoi i haule a ka Poakahi mai a hoea mai imua o makou i kakahiaka Poalua ae.  Loihi no ka auwana ana mai.

            Ua mana ka luaui na makou ka e imi aku.  Ae no hoi paha, nani ka wini.  E hoohaahaa ka makou e huli aku.  Ka i no hoi nana makou e huli mai, ka mea i paa mua kahua a i loaa hoi he kulana iwaena o ka lahui.

            Ia makou i kilohi iho ai ma ka akau o kona poo, ua kapaia oia o "Ke Anu Pou."  Pela io no paha he pouhananuu a he pauakaaka.  A ma o a maanei o kona mau aoao eha, he keu a ka piha olohaka a ka launa ole mai, me ka hoonui wale ia aku no paha hoi o na hoolaha, i mea paha hoi e manaoia aku ai he nui ka laki a me ka hilinaiia.  Ua hiki ole ke hoopapa mai i KA MAKAAINANA nei, ma ka piha pono i na mea heluhelu o na ano like ole.

            Hapaimemeue koke ae la no kamalii hanau hou iaia iho he "Hiwahiwa."  Akahi no a omaka ae, o ka hiwahiwa koke iho la no ka ia.  Eia mai no KA MAKAAINANA, he oia mau, aohe nae hoi i paikano a i painuu ae iaia iho he hiwahiwa.  Ua ae makou e waiho malie aku a ua ka lahui ia e kapa a e hoohanohano a hoohiwahiwa mai, a aole loa hoi a na makou ponoi a hapaimemeue ae no me ka ike mua ole i ka hoihoiia mai a hoihoi ole ia paha hoi e ka lehulehu.  Hoopailua a hoohilahila ia ano hana.  E pono no e hoi a ua ko Waolani poe keiki e ao mai.

            Ua hoike e ae no ko ka lehulehu wahawaha, oiai, iloko o na heluna nupepa lehulehu i haawi wale ia, ua hiolaia kahi a ua pau hoi kahi i ka haehaeia.  Mamuli mai no keia o ka hoihoi ole ia.  Pololei no ka makou i olelo mua ai i ola honua, no kahi o ia nupepa e heluheluia ai.  Malia ua hoea i k@uhale o hope a i ole no hoi ia, ua hoea io aku la no paha, owai ka i ike aku.

--

            Alua aenei paha pule o ka hoomaka ana o ke kula ao i na kumuao, aia ma Keoua Hale.  He 200 a kea ka nui o na kumu kula i hiki mai e hoolaukanaka ia kakou o nei.