Ka Makaainana, Volume VI, Number 10, 7 September 1896 — Page 2

Ka Makaainana.

            2          HONOLULU, OAHU, POKAHI, SEPATEMABA 7, 1896

 

LEONE DE BOANE

 

KA MEA OHUMU KIPIO COADOVA

 

MOKUNA I.

KA NAITA NOREMANA.-NA ULIA O KA MANAWA.

[Mai ka Helu 9.]

 

            I ka pau ana iho o keia mau olelo ana a Gaberiela i kona haku naita, ua huli mai la oia a nana pono mai la i kona kokoolua, a hala he manawa pokole, ua pane aku la oia me ka mikeoi a me ke ano mau o ke kanaka koa a nae ka eleu:

            "Aole loa au i manao a hoolala hoi i keia apana hana a'u e manao nei, he mea ia naua e hookoemi mai ia'u a me oe, ao'e no hoi au i hoolala i ua hana la, he mea e hookomohia aku ai ia kaua iloko o ka poino nui; ke aa au e lawelawe i ua hana la, e imi e auanei au i kona hikimua a me kona hopena, ina he mea e pono a e pomaikai ai, alaila, e hoomau aku; aka, ina he hana e poino io ai, alaila, na pono ke hooki io la mamua o kona palahalaha loa ana aku. Aka, ke ike lea nei no nae au, he mea oiaio no, e hahani io ana no paha kaua ma ka'o kapuahi enaena o ka maka o ka pahikaua. Aka, aole loa e hiki hou ia'u ke hooki i ka hana a'u i hookumu ai no ka wa loihi, e hookeia aku ia e pono ai."

            "O ia ka hoi paha ka'u e kue aku nei ia oe ma kela hana hookaumaha, e oki e ia mamua o kona mahuahua ana."

            No keia mau olelo hookuikui mau a Gaberiela, aohe no he wahi mea a kuukuu iho o na manao (ono meli) o na naita Ia, i ke aiwa hoouiui loa ae la ia, a o ka oi loa iho la ia o ka hoololohe ia wahi me ke kekake la ua ike i ka auwai.

            No ka nui uluhua loa o Gaberiela i kona haku, ka Naita Leone de Boane, ua hiki ole loa iho la iaia ke hoomanawanui iki hou aka, nolaila, ua pane okoa aku la no oia me ke ano hoonaukiuki:

            "E kuu haku, ka Naita Leone de Boane, e haliu oluolu mai oe i ka'u uwalo aku ia oe, a e hoomaopopo iho hoi, ina o kou manao io no ia, alaila, i hoike aku au ia oe, e kali aku ana no kaua iaia maanei, a malia io paha, o loaa o @ mai oia maanei mamua popoi@ e o ko kaua alo a nalo ae mai a kaua aku nei, alaila, aole loa oe a me a'u e ike aku ana i kona mau helehelena, a heaha iho la ka waiwai o keia kali wale a@ no maanei i keia po pooli a ho@ iho, me keia mo nei e hele mai nei a hoomakua o luna, aole hohoi o kaua mau wahi @ahu kupono e pakele ae ai kaua i keia poino nui e nee mai nei, no keia waiwai paakiki wale iho no, e poao ai (paha) ke hookahi wale iho no, a e poino ai ke ola o ka lehulehu, me ka hiki ole e ike wale aku i kona mau helehelena, a oki loa aku hoi e milimili i kona mau aoao a pau."

            "Aole no au i manao nui no ka ike ana aku i kona mau helehelena wale no, aka, ua makemake wale no au e ike i ka maloeloe o ka'u papa hoonohonoho i kulike ai hoi me ka'u i lohe ai nona mai iaia ponoi mai no,m e hele mai ana oia i keia ahiahi noenoe ma kekahi huakai ano nui no kona pono ponoi iho mamuli o ke alakai a kona makuakane, ka Moi Abederama, me kona ae ole, a ua makemake oia na'u e wawahi i ua papa hoonohonoho la, a ke hiki io mai oia maanei, alaila, na oiaio kana i hoopu-a wale mai @ ia'u, a o ka hoike maopopo loa ia o ka holopono loa o ka'u mau mea a pau i hoolala ia."

Aole i pau.

 

            Ma Kukuluaeo i ka po Poalua iho la, ua hanai wahi ku'ala paa ae kekahi wahi Adamu i kana Eva ponoi no, a ua manuheu iki no ka. E ole anei hoi e eha ka wahine i ka leo. He pepa ka wahine, he iwiaoao palupalu.

            Ke puapuai mai nei na lono mai ka mokupuni mai o Keawe, aia o luna o Mokuaweoweo ke hoopunohu mau la i ka uwahi a ka wahine Huai no o luna a owela no o lale o Kilauea. O wela paha auanei kai o Mamala.

            O kela mau Corea elua i ike mau ia iho nei ma na alanui o ke kulanakauhale, a ua komo mai kekahi o laua iloko nei o ko makou halepai, ua kau ma ka Miowera no Vanokouwa. He ano Pake no, aka, he mau kahiko ano e nae me na papale ipu loloa laulau palaulau, iluna pono o na poo e kau ai, koe hoi ke komo pono iho.

            Ina ua pololei ole ka makou mea i hoike ai no na pelo a Kamaki, lunahooponopono,e loaa na keiki hana nona, o ia ae la no paha; eia nae, mai laila mai no ka lono i loaa ai ia makou. Ma ke ano nui nae hoi o ka makou i hoike aku ai, ua pololei a ua oiaio loa no. He mea ole na kenikeni i lilo i mea ai awakea no na keiki hana, aohe o makou kuleana ia mea.

            Ua pau ka hoike ana o ka ohua palemo a aula no kela wahine lapu o ka po me ka aahu eleele, a eia ke hoike nei no kekahi mea okoa ae me ka aahu keokeo. Ma alanui Rikeke ka, i ikeia ai i keia mau aumoe po iho la, i ka holoholo i uka a i kai, mawaho iho o ka pa o ka Hotele Hawaii, a ke nalowale aku ka a oili hou mai, he aahu eleele. Nui no ke akamai ma ka hoohele kamailio ana, a e ole no nae hoi ia, piha kahi kowa o ia nupepa. Piha hoopunipuni no hoi la.

 

MOOKUAUHAU ALII.

Na Iwikuamoo o Hawaii Nei Mai Kahiko Mai.

[Mai ka Helu 9 mai.]

KO LUYCY POH@IALII KOII MA

 

            36. Piilaniani k noho ia Laielohelohe w, loaa o Kiha a Piilani k.

            37. Kiha-a-Piilani k noho ia Koleamoku w, loaa o Kekauhiakalani k.

            38. Kekauhiakalani k noho ia Kaouomano w, loaa e Makakuikalani k.

            39. Makakuikalani k noho ia Ikeakaponoole w, loaa o Kaoao k.

            40. Kaoao k noho ia Pueopokii w, loaa o Lonoikamuakahiki II. k.

            41. Lonoikamakahiki II. k noho ia Xaiuluakea w. loaa o Koo k me Kaiuli k.

            42. Kaiuli k noho ia Ahu w. loaa o Kauakahiakua II. k.

            43. Kauakahiakua II. k noho ia Keau w, loaa o Kauahine w.

            44. Kauahine w noho ia Koii I. k, loaa o Aarona Unauna k.

            45. Unauna k uoho ia Kilice w. loaa o J. Koii nauna.

            46. J. Koii Unauna i kana poe wahine pakahui, loaa na pua malalo nei.

            47. Lonomaaikanaka w noho ia Hulu k. loaa o Kekohimoku k.

            48. Kekohimoku k, noho ia Keaweaiopelu w, loaa o Koiileo lani k.

            49. Koii I. k noho ia Kauahine w, loaa o Aarona Unauna.

            50. Aarona Unauna e noho ia HalalukaLi w, loaa o Adele Mikahala w.

            51. Aarona Uauna k noho hou ia julia Kilice, loaa o John Koii, Maraea Kapu@akokoulaokalani w, Kaniu k, Kaholemanolani k, Jane Kulokuloku w, Hattie Kaauamookalani w me James Kalimaila k.

            52. John Koii noho ia Keahuaokalani, loaa o Lucy Pohaialii.

            53. John Koii noho hou ia Kamala w, loaa o Julia Kailimahuna, Lydia Kahuakai w David Koii me Esther Namahana.

            54. John Koii noho hou ia Ikuwa w. loaa o Mary Kekai.

            55. Lucy Pohaialii noho ia Peter Doiron, loaa o Julia Kapapakuialii Kalaninuipoaimoku, me Moses Koii Luhaukapewa.

            56. Lucy Pohaialii noho hou no ia William E. Alohi@ loaa o William Kahoapili Ke@ohimoku me Alfred Unauna.

            47. Lucy Pohaialii noho hou no ia S. Kaluaimokuokama Mahoe, aohe pua.

            58. Lucy Pohaialii noho hou is Rev. Sa@ola Kaili, loaa o David Kauahiaalaiwilani.

            59. Julia Kalimahuna, hookahi ana pua.

            60. Lydia Kahuakai, hookahi ana pua.

            61. David Koii mare ia Minnie Sheldon, aohe pua.

            62. Ka@iu he nui a lehulehu kana mau pua e ola nei.

 

NA MOOPUNA A KAHAULE-O KUA KINI MA.

            1. Maluhi w noho ia Manuel Reis, loaa o Alexander Boki, Palmyra Lonokahikini me Helen Kekumualii.

 

HOOPOLOLEI. Ma ke kuauhau o ka pule i hala, Augate 31, ua paewa kekahi mau inoa. Aia malalo o ko Kapooloku ma ka helu 24, ua komo penei: Kaikainalii w noho ia Unualoha k, ioaa o Kapooloku w me Apikaila w; a pela aku no na helu malalo iho. Eia ka pololei:

            (a) Kaikainalii w noho ia Unualoha k, kaikaina ponoi o Kuhio, loaa mai o Abigaila Kapooloku w me Kepookalani w.

            (e) Abigaila Kapooloku w noho ia J. W. H. Maikaik loaa o Samuela Ikuwa Maikai.

            (i) Samuela Ikuwa Maikai noho ia Annie Palekaluhi Ka ikiowea loaa mai o Heliuna Kaiwaokalani w.

            (o) Samuela Ikuwa Maikai mare hou ia Wahinepio w, loaa o David Unualoha, Samuela Kahilolaamea me Abigaila Kalanikuikapooloku.

            (u) Kepookalani w noho ia John Meek, loaa o John Meek Jr.

            (h) Kaahumanu k noho ia Hilina w, loaa o Maraea Kaoao pa w me Hamukoki w. O keia ae la ka mea pololei, ua hewa na mea i puka mua aku ai.

Aole i pau.

 

            Po Poakahi, Augate 24, i haawi ai o W. Tela i kela aha hookani ogana no na kumukula e ko hou nei i ka ike ma ke Kula Kumu, a paewa hoi ka makou i hoike ai i ka po Poakolu e malamaia ai. Loheia mai ua piha no ka i na kumu a me kahi poe a ae.

 

F. J. TESTA, (Hoke).

MEA OHI A KOI AIE

Mea Huli Moolelo Aina a Waiwai e ae paha.

Mea Unuhi a Mahele Olelo Hawaii a Enelani paha.

Mea Hana Palapala Kauawai @ na Ano a pau.

Mea Kuai Mikini Humuhumu Lole.

Mea Hoolimalima @ Hoolilo Aina.

Mea Kuai Waiwai no ka Uku Komisina Haahaa.

Ua makaukau mau oia e lawelawe i na hana a pau e haawiia mai ana iaia. He kuike ka rula.

 

E loaa no oia ma keia Keena.              apr 8-1mk