Ka Makaainana, Volume VI, Number 18, 2 November 1896 — Page 8

8 HONOLULU, OAHU, POAKAHI, NOVEMABA 2, 1896.

(Mai ka aoao 5 mai)

ka inoa o Walata M. Kakela, ma Ladana ano koke mai nei, ua hopuia laua a he $200,000 ka bela i kauia ai. Na ka wahien ka hewa i imi ma ka aihue ana i na ili huluhulu holoholona hoopumehana a me na waiwai e ae o loko o na halekuai ma kahi o $30,000 a keu. Ua lilo kela hana i mea no laua a elua e hilahila loa ai. (Aole laua i pili i ko kakou ohana Kakela.)

                O ka ohua palemo liula nae hoi ka i olelo ae, oiai hoi he wahine wale nokela mea nana i hana ka hewa, he mea pono ole loa paha hoi ke hookauia aku na olelo koikoi a kupono ole maluna ona, no ka mea, he ma'i no ka kela no na wahine la. Iaia nae hoi e noke ana i ka hoino a me ka hailiili i ke Aliiaimoku i kekahi wa i hala ae, aole no i mamao loa, ua noonoo ole ae ua ohua palemo la he wahine wale no ke Alii, aka, noke no nae i ka hailuku lepo. Pela no hoi me ka Rev. S.E. Bihopa, Alapaki Kauka, a me kekahi poe e ae o ia poai.

                I lohe nae paha hoi ka alelo i nei wa, no ka mea, he wahine haole Amerika kela. Nolaila, maopopo loa no ka ili no ko lakou kue a me ka hoino loa. He mea ole ke kulana a me ka naauao, e like me ka ike a hoomaopopo a na poe malihini i hui a launa kamailio pu me ko kakou Alii. A i na hana hoi a neia wahine haole, puu na nuku o lakou nei ma ae i ka io liu.

                Aole loa he kuleana iki o na Pukiki alemakule ma ke koho ana ia Bila Kamaa i Luna Alanui, ina aole ka lokahi o na kanaka e kakoo iaia, oiai, o ka luna alanui a na Pukiki he okoa loa. Eia nae, he keu no hoi o ka punahele o na Pukiki i ka Luna Alanui. He loaa wahi uku kaulele paha mai na Pukiki, pela ka wa o ka manu o Hilia.

                Kakahiaka nui Poaono nei, hora 7:35, i ku mai ai ka mokumahu Rio de Ianerio iloko o 11 la, 15 hora a me 25 minute mai Iokohama mai. Ua lawe mai oia he 306 Kepani me 158 Pake limahana. Hora 5 a hala ae o ia ahiahi iho i holo loa aku ai no Kapalakiko.
                He koho balota hoomeamea ke malamaia ana i ka la apopo ma ko Taramu halekuai buke no ka peresidena o Amerika Huipuia. Ua paa na inoa o 100 paha poe kupono i ke koho balota. Owai ana la ke puka maanei? I ke koho ana iloko o 1891, puka o Kalivilana.
                I keia holo ana mai nei ka a ka Auseteralia, ua iho ae ka Puali Puhiohe Lahui i kai o ka uwapo e hoolaulea ai i ka lehulehu no na makamaka Honolulu e hoi mai ana, o na leo no ka hoi o na ohe a me na himeni pu Ohuohu no ka hoi na ohua me na lei, e like la no ka hoi me ia maanei, a ua oleloia he la Honolulu ia no laila.

KELA A ME KEIA.

                Poaono iho e weheia ai ka Hale Opera Hawaii o ka hoomaemae hou ia ana iho nei.
                Ma ka hora 4 p.m. o ka Poaha nei i holo aku ai ka mokumahu Auseteralia no Kapalakiko. Ua kipa ike aku ke Komisina Beretania ia luna o ka mokukaua Adamu i kekahika Poaono nei.
                Eia mai he hoolaha ma nei helu no ka pomaikai o na lal o ka Hui Kaawai Kina, Helu 5, i pau.
                I nei kakahiaka, hora 10, i weheia ai ke kau kiure e ka Aha kaapuni Ekahi, o Lunakanawai Kaapuni Pere ke kahu. Mai Kapalakiko i ku mai ai ka mokumahu Peru i nei kakahiaka, hora 6:30, a e holo loa aku ana no ke Komohana i nei ahiahi.
                Hora 2:30 p.m. mao nehinei i malamaia ai na hana hoolaa i ka luakini Pukiki hou ma Ainaimi, Mana, ma Ewa ae o ka pa o ka Halemai Moiwahine. Lehulehu no na oe i hele ae.
                Ua lohe hou ia mai nei no Kama'liiwahine Kaiulani, ke pau ka laulea ana ma Sekotia, e holo aku ana oia no Kairo, Aigupita, e makaikai ai ia wahi a i ka aina hoi o na Parao.
                Ma ke kakahiaka Poaha nei i i holo aku ai ka mokumahu Miowera no Kanada, a maluna aku nei ona o Kuhina o ko na Aina E Kupa, a ua haawi ae ka papu o Kakaako i na ki pu aloha ana nona, he 19 ka nui.
                Eia no ke hoolahi hou ia aku neino ka waiwai o Kalahiku (k), o Ewa, imake, ua hoopaneeia ka wa e noho ai a ka la 27 ae. I hewa no ia makou, i ka hooko pono ole i ka wa e hoopuka ai i ka hoolaha.
                Ua oleloia ina ka e huli hoi mai ka Auseteralia, e hookiaiia mai ana kona holo a ku ianei i ka la 15 ae. Ke kau ka hae keokeo me ke kia mua o Baraiana ka i kohoia, a ina hoi he hae ulaula, o Mikinile.
                Eia o Ailuene Buki ke komo a ke lawelawe nei ma ka oihana imi loaa ma ke kuai a hoopukapuka aina aku paha. Poina ka paha hoi ka oihana laa, hele i ka piepiele i mea e ola ai. Aohe hewa o ia, o ka loaa wahi ola ka paha o keia mau la.
                Mamuli o ka ulolohi o ke ku ana mai o ka Auseteralia i ka Poakahi i hala, ua aui ka la, ua hoopaneeia kona wa holo mai ka auwina la Poakolu a i ka Poaha ae, a ua heo aku nei oia. O na hiona mau no ka i ikeia makai o ka uwapo Osianika.
                Ua hoomoe hou ia ka hihia apuka o J.K. Kamakea mai ka Poaha nei a i ka Poakolu, la 18 o nei, mala na i loaa ai he manawa e loaa io mai ai paha o ke pani no ka waiwai ana i lawe aku ai mai ia makou aku ma ke ano kolohe a imi apa me ka manawa-ino pu. manawa e loaa io mai ai paha o ke pani no ka waiwai ana i lawe aku ai mai ia makou aku ma ke ano kolohe a imi apa me ka manawa-ino pu.
                Ua hopuia ia ka Poakolu nei o D. Kueka, he mea kalaiwa kaa papa, mamuli o ka hoamainoino holoholona, oia hoi, he puka nui me ka iwihoehoe o ka hoki oiai e kauo ana i ke kaa nui me ke kaumaha. He keu no hoi a ka hoomainoino, a noonoo ole iho no hoi he ike no ka holoholna i ka eha, aohe nae hoi he pae leo ae, aka, hoomanawanui no.
                Ua hala hou aku no ka Bihopa o Honolulu no ka nana ana i na apana ekalesia o kona kihapai ma Maui a me Hawaii ma ke Kinau o ka Poalima nei.
                He hookahakaha paikau hookuku ke malamaia ana iwaena o na pualikoa o ke Aupuni Repubalika mahope aku o ka la i ae nei o Ianuari, 1897, no ka uku makana o $5,00.
                Mamuli o ka pa paukiki loa ana aka makani i kela mau la aku nei ma ke kulanakauhale nei, ua hoomoe pu ia na mahina laiki o uka o Kapalama aenei a ahu mokaki iho la iloko o ka lepo.
                Mamua o ko Kuhina Kupa holo ana aku nei, ua lualele oia i ka holo ma o a maanei e haawi ai i ka ike hope ana no ka manawa i na luna o na aina e. Ii no hoi ka manao i ko ka Miowera lohi loa.
                O keia ka la o na Uhane a pau, a he la hoano keia e hoomanaoia ana ma ka luakini o Malieokamalu. Ke pau ka pule o nei kakahiaka, hele na hoahanau i ka ilina e kau pua ai ina he o na makamaka a me na hoaloha i hala mua.
                Ma ka auwina la o ka Poaha nei, maloko o ka papa o Alani me Lopikana, ua loaa iho la o Kaaa i kekahi ulia ma o ke ku ana o kona kumu pepeiao i ke poo okekahi pua laau aaho, oiai o Kauwila e hooiho mai ana maluna mai. Aohe nae he kukonukonu loa o ka poino.
                Ua holo heihei aku na mokumahu malulani me Iwalani i kakahiaka Poalua iho la no ko laua mea e ku mua aku ana i Lahaina. A ua loheia mai na ka Iwalani ka ke ao, ua kali no 1 3/4 hora malaila, a mahope aku ka hoa i oili aku ai. Mau no ka hoi ko ka Iwalani kulana olali.
                La Pule, Okatoba 18, ka la hookuku kiki pu o kekahi poe wae o ka Puali Ki pololei o ke Aupuni a me kekahi poe wae no hoi o Deneva, Kolorado. I nei kakahiaka i loaa mai nei ka hoike ma ka mokumahu Peru no ko o huina, a na eo i ko kakou poe he 8 ka oi, oia hoi, 865 kue ia 857. Nui ka olioli o ko nei poe.
                Ua ae mai nei Siliva, ka hookalakupua holokaa hehihehi wawae o Manoa, i ka heihei ana me Silaveta ma ke kaapuni ana ia Oahu nei, e hoomaka ana mai Honolulu aku nei a hoi mai ma ke ala ae o Waialua me Ewa. O ka hora 6 kakahiaka o ka la 8 o Novemaba ko laua wa e hoolilo ai i ko laua mau oloolo wawae i pauma e hele ai na huila no ka pahu eo o Oahu nei. He mau opio 'Ukiki no laua a elua.
                Lehulehu na kamaaina o kakou i huli hoi mai ma ka Auseteralia o ka Poakahi i hala me na ola kino a me na hiohiona a nanaina maikai. Eia iho kahi o lakou: F.W. Makapolena a me kana wahine, Kauka Hebeta a me kana wahine, Kaoikela Kenerala Amerika Mila a me kana wahine, Rev. O.P Emekona a me kana wahine o ka holo ana aku nei i o e mare ai a hoihoi mai, H.P. Balauwina, Misasa Mele Mooheau, Misasa Kahale Iaukea Balaunu, Misasa Numana, E.C. Makapolena, E.D. Tene a me kana wahine, Misasa Pibe Maki, Aberahama Fenana, a me kahi poe lehulehu e ae.
                Ua noe ae o hanale Pua imua o ka Aha Kaapuni no kona hooliloia i mea ua banekarupa.
                Eia i o kakou nei he mau ha o e malihini e wehe ana i hale no ka lapaau ana i na poe maa mau i ka inu rama, ke puhi opiuma, a me na mea e aku o ia ano like. Ua lilo mai ia laua malalo o ka hoolimalima o luna o kela hale uinihepa loihi ma alanui Hotele, e heaia nei o ka Alinetona. E lawelaweia ana na hana lapaau malalo o na Kauka Hebeta a me Wesona.
                Ma ke kakahiaka Poakolu nei, ua puiwa ae kekahi kaa holoholo lealea o ka huikau kaa Pake o na Alanui Maunakea me Moi. Ua noke iho la ka lio i ka okioki i na ili a liilii, a mahuka aku la, ua puiwa ae hei ke kaa a kau iluna o kekahi kaa huila-lua a upepe iho la. Ua maneleia ka mea i upepe no ka hale kauka hana kaa malalo mai o Leleo. Nui ke poho, aka, he hoailona paha keia no ke kulanalana

o ka Repubalika. Ea, pela paha?
                Ekolu La Pule i hala ae i hopuia ai ka ona o ka Hale Saratoga, Waikiki, no e kuai waiona me ka laikini ole. Ua loaa na omole waiona o na ano like ole i oi aku paha hoi mamua ae o ke kupono, a o ka ona, o J.F. Ashworth, kahi mea kahi umiumi poupou o alanui Moi nei, a me na omole a me na lako e ae a pau ka i unuia ae a ka Halewai. Ua belaia a hemo mai. Mahope iho nei o na hoopaneenee pinepine ana, a hanaia ana kona hihia i ka Poakolu iho, ke ole e hoopanee hou ia.
                Poakolu i bala i hookunia mai ai ka moku ili Gaineboro mai luna mai o ke alahukimoku, kahi ona i kau ai no kekahi mau la loihi no ka pahonohono iki ana i kahi o lalo ae i poino iki. Ua hooholoia iho nei e hoouna iaia e holo aku no Kapalakiko e hana hau ai, no ka hiki kupono ole ka i o kakou nei e hana ai i kahi moku-hao. Nolaila, ke makaukau oia no ia huakai, e holo aku ana oia. Iaia nae i hemo mai ai a mahope mai,ua liu hou no oia, aka, ua kiki hou ia no a paa, me ka manaoia ua kupono ia paa no kela huakai au moana aku.

OLELO HOOLAHA.

I KA MEA E PILI ANA:---
                Ke hoolahaia aku nei ma keia ua haawi a hoolilo aku ka Hui Kaawai Kina, Helu 5, i pau, i kona mau wawai a me na loaa a pau i ka Ahahui pake lokahi ma ke ano kahu no ka pono a me ka pomaikai o ka Halemai pake e kukuluia aku ana ma Honolulu nei. Ua aelikeia nae hoi e loaa mau no ka pono i na lala o ka Hui Kaawai Helu 5 i oleloia e lapaauia i na wa a pau a lakou e makemake ai i na lawelawe lapaau ana maloko o ia Halemai me ka uku ole.
HUI KAAWAI KINA HELU 5,
AHAHUI PAKE LOKAHI
Hana a ma Honolulu, Okatoba 27, 1896.
nov 2--4mnw.

Iloko o ka Aha kaapuni Apana Hookolokolo
Ekahi o ko Hawaii Paeaina Ma ka Hooponopono Waiwai.

                Ma ka hana o ka waiwai o Kalahiku (k) o Ewa, Oahu, i make kauoha ole.
                No ka mea, ua waihoia mai e Akaneki Kekua [w] ka moopuna, he palapala noi no ka hookohu Lunahooponopono Waiwai no ka waiwai 5 oleloia, a e hoopukaia aku ia palapala ia Solomon K. Oili, nolaila, ma keia, ke hoolahaia aku nei i ka poe a pau i kuleana na na waiwai la, o ka POALIMA, NOVEMABA 27, M.H. 1896, ma Aliiolani Hale. Honolulu , hora 10 o ke kakahiaka, o ia kahi a me ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.
J.A.THOMPSON;
Kakauolelo.
Honolulu, Okatoba 26, 1896.
nov 2--3mw