Ka Makaainana, Volume VII, Number 12, 22 March 1897 — Page 7
HONOLULU, OAHU, POAKAHI, MARAKI 22, 1897. 7
NA AINA MAMAO.
Mau Lono Huikau mai kela a
me keia Wahi Like Ole.
Pane Helena i na Mana Nui.
Mai A tenai mai ka lono o ka la 8 nei, ia kakahiaka i pau pono loa ae ai ka Helene pane i ka palapala hui a na Mana a ia auwina la iho i hoounaia aku ai i na Amebasedoa. Ua ala na Kuhina ia po ma kekahi
ahakuka, a aole i hoi hale nui a hiki i ke ao ana. O ka ano nui loa o keia pane, aohe no ka he akenui loa o ka Moi Keoki o Helene i ke kaua, aka, o ka maluhia
no ma na ano a pau, eia nae hoi, aole loa oia i makemake iki e hookikinaia aku e unuhi ae i na koa a i na aumoku hoi mai na kai o Kerete. Ua hoaiai aku no ia pane no na ala kipi ana ma Kerete mamua aku no eono manawa, a ua hiki ole loa hoi ke manaoia o ko na Mana manao ka mea e loaa ai o ka maluhia malaila a e pio ai hoi o ke kipi. A ma ka hope loa nae hoi o ia pane, ua uwalo aku o Helene i ka manao oluolu nana i hoeueu aku i na Mana, me ke noi aku hoi ia lakou e hookuu aku na ka lahui Kerete e kukala ae no lakou iho i ke ano a lakou i makemake ai no ko lakou hoomalu a hooponoponoia aku.
Oluolu Loa na Mana i ka Pane.
O ka pane a Helene i na palapala like a na Mana, i haawiia ma Atenai i ka la 2 aku, wahi a kekahi lono mai Ladana o ka la 8 nei, oia hoi, i kela koi i ko Helene unuhi mai i na pualikoa mai Kerete a i na aumokukaua hoi mai na kai o Kerete, ua loaa ae ia malaila i ke awakea. Ua manaoia ua pane la a Helene ma ko laila mau poai oihana ma ke ano maikai loa, a ua manaoioia hoi e pau koke ae ana ke okaikai, no ka mea, ua waiho aku o Helene i kahua no na Mana e noonoo a e hana ai me ka manao maikai ia e na aoao a pau i kuleana.
Na Lonolono Helene-Tureke.
No Kanea, o ka la 9 nei, ka
lono, ua pau ke kaua ana mawaena
o na kipi a me n a pualikoa Tureke e hoopuni la ia Akeretiri, a ke hoomamao la hoi na kipi i ko lakou kahua no ka
hopohopo o hoolele poka ia aku e na aumokukaua. Ua hoomaopopoia
nae hoi e na kanikela ma Canadia o ka mea i hoikeia,
a i hooleia hoi mamua, he 400 poe i luku wale ia ma ka apana o Sitia, ua pololei loa no ia.
Ia auwina la, ma ka hoolohe hoi i ke kauoha a Adimerala Canevaro, ua kau aku ka Hope-Kanikela
Helene a me kona mau ukali a me na poe kakau nupepa Helene a pau ma kekahi moku no ka hoi a na no Helene.
Ua oleloia ae ua hopohopo ka ke Kuhina Tureke ma Atenai no kona ola, a ua noi aku i kona aupuni e kauoha mai iaia e hoi. Ke mau la no ka hiki aku o na koa kokua a ua nui ka hoihoiia a me ke ano pioloke. Ua kue aku hoi ke Aupuni i na Mana no ke kipakuia e ke Kanikela Helene mai Kerete.
Loaa Hakaka Hou no o Sepania.
Ua loaa ae he lono ma Kapalakiko, la 6 nei, maluna aku o ka mokukaua Vine, e auamo
kaua hou ana no o Sepania, i nei wa, ma na Paemoku Caroline, ma ko Iapana koi aku paha no na hana luku maluna o kona poe kanaka malaila. Mamuli paha hoi o ka pau loa ana aku o na hana kalepa o laila iloko o na lima o na Kepani (kanaka hauliuli liilii), ua lilo ka ia i mea hoonaukiuki i na kanaka ponoi o ka aina, a ua hooko aku hoi lakou i ko lakou inaina maluna o na Kepani i ka hoea ana mai o ka wa kupono no ia hana, oia hoi, ma ka luku ana aku ia lakou a pau. Ua hoounaia ae he mau mokukaua Kepani no laila, e kakoo hoi i ka hanohano o ka hae.
He lahui hapa-Paniolo ko ia paemoku. I kinohi, ua hookipa aku lakou i na Kepani, eia nae, i ka wa o lakou i hoomaka ae ai e lawe nui aku i na hana kalepa, ua pii ae ka inaina o ko laila poe. Ma ia hope iho, ua hoomaka na Kepani e lawe aku i na wahine ui opiopio i poe wahine na lakou, ua hoomaka ae ka hoino a me ke kue loa ia. Ua ala like ae ka lehulehu a lukuia na Kepani a pau ma kekahi mau mokupuni liilii. He hana hilahila ole keia o ka hanaia ana, a ua manao no paha hoi ke Aupuni o Iapana e like pela. Malia ua hiki aku la na mokukaua Kepani ilaila a ua lilo na kauhale o ka mokupuni o Ruka i puu lehu a ua make aku paha hoi he mau tausani o na kanaka
no keia luku mau wale ia o na Kepani.
Hakaka ma na Paemoku Pilipine.
He lono ka i loaa ae i ka nupepa Ahailono o Nu Ioka o ka la 6 nei, e hoike ana ua hoea ae he mau puuluulu nunui o na kipi mawaena o Sana Mateo a me Marakuina, kokoke i Manila, i ka la mamua iho. Ua uhaiia aku lakou e Lutanela-Konela Jimineze, a na ia hana i hoopoino aku he 200 poe kipi. Ua hoao ae na kipi e houpoo ae a komo i ka apana o Nueva Eciha, eia nae,
ua pau nui i ka hoopuehuia a nee ka holo no kuahiwi.
Hapapa na Lima o Farani.
Ua loaa ae na lono ma Barasa, Aekai Komohana o Aferika, la 9 nei, aia he puali Farani o 400 kanaka, malalo o na luna haole ili-keokeo, ke noho la ma ka kulanakauhale o Bousa, a ua hooia loa ia nei lono. Aia na luna o ka Hui Naiga Beritania ke noonoo la e kue aku i keia komo hehiku aku. Ua oleloia he hana kupono ole keia, oiai, o kahi i komoia, he wahi ia aia maloko aku o ko Beritania kuleana.
Na Hunahuna Laulaha.
Aohe ke kuikahi mawaena o Amerika Huipuia me Beritania Nui e pili ana no ka palena o Alesaka e noonooia ana iloko o ke kau kuikawa o ka Ahaolelo.
Ua hoolaha aku ke Kanikela-Kene rala Beritania e kauoha ana i na kupa Pelekane a pau ma Kina a me Iapana e hoopaa i ko lakou mau inoa iloko o Ianuari i hala.
Me ke ano hamau loa ia e oleloia la iwaena o na Pake ma Sanahai ua haawi aku ka ke Aupuni o Kina i kekahi mau pono eli lanahu a waiwai e ae paha ia Beritania Nui.
Ua hauoli o Venezuela no kela kuikahi aha-uwao palenaaina i hooponopono hou ia me Beritania Nui a ua haawi hoi i na mahalo a hoomaikai ana ia Amerika Huipuia no kana hana ma ia mea.
Ua hoea ae ma Honakona i Dekemaba 24 na moku hoopoino topido Hata a me Hanade mai Enelani a ua ukaliia mai laua ma kela a me keia anuu o ka huakai aumoana e na mokukaua Beritania like ole.
He loea Pake waiwai loa ka i noi aku i ke Kiaaina o Kanatona no ka aeia mai e kukulu i halewili palaoa a me hale hoomaemae kopaa ma Kanatona, i mea ka e paonioni aku ai me ko Amerika palaoa e komo la ilaila a hikiwale ka pau koke i ka lilo.
Ma ka ae like ana o Beritania
Nui, Geremania a me Amerika Huipuia, e lilo aku ana o W. L.
Chambers o Alabama i Lunakanawai Kiekie no Samoa ma kahi o Lunakanawai Ide i waiho aku. Na ka Moi o Samoa e hana keia hookohu, a me he la e aponoia ae ana no e ia nei kanaka Amerika.
Ua oleloia e paniia aku ana kahi o ka mokukaua Rukini Imiperatoa Nicolai I., o ka haalele ana aku i ke kahua o Kina no Europa, e ka mokukaua Navarini, he moku oi loa ae. He moku kila ka Navarini me ka ihu palau o 9,476 tona ka nui a ua hoolakoia me na enekini e hiki ai ke holo no 15 mile.
William Kamali.
Pena Hale o na ano a pau, Kau Pepa a
Lu One paha, e like me ko oukou makemake. Ua hiki ke hoohinuhinu i na
Umeke, Pakaukau, Pahu-ume, Moe,
Puniu, i hiki ole ke hoomaemae hou ia.
Ua hiki ke hookoia na hana me ka eleu
loa, a o na kauoha a pau mai na kuaaina
mai ua hiki ke hookoia. He oluolu loa
ka uku ma ke kuka olelo ana. E kipa
mai e na makamaka, mai poina.
Keena hana, ma ko S. K. Pua keena,
Helu 7 1/2, Alanui Konia.
Wahi Noho, Kapalama. ma r 15—6m
H. W. Schmidt & Sons
(H. W. KAMIKA & KEIKI)
Loaa mau mai na Waiwai Hou ma
kela a me keia mokumahu. He 25 pa-kene ta ka hoemiia iho o na
waiwai kahiko a pau loa. Na Palule Huluhulu, he $1.50 me $1.80 mamua, he 90 keneta pakahi
i nei wa; na Palule $1.00 mamua, he 50 keneta pakahi i nei wa.
& c., &c., &c.,
Halekuai, ma ka Hale vona Holo,
Alanui Moi, kokoke i Halehai. ma r. 15—1yr.
HALEKUAI LAHUI KALAHIKI
Helu 405, Alanui Moi, ma Waikiki aku o
Alanui Nuuanu, ma ka aoao mauka, ke
keena mua o ka "Hawaii Holomua."
Ma ia halekuai o na oiwi e loaa ai na anoi a me na paihi o na ano hou loa, e laa
Na Kalakoa, Na Keokeo, Na Makalena,
Na Kinamu, Na Huluhulu, Na Lihilihi,
Na Kamaa o na Kane, Wahine me Keiki,
a pela aku.
Oluolu no ke kuai ana. Aohe hewa ke
kipa mai e ikemaka, a aohe no hoi he kunukunuia
no ka hoikeike ana i na mea kuai.
M. PALAU, Luna Nui.
ok 14-tf
Robert Napunako Boyd
(I TALIA)
He Ana-aina a he kokua no hoi ma ka hooponopono
ana i na waiwai paa, huli ana
paha i na Buke o ke Aupuni, a pela aku.
Keena Hana: Mauka iho o ka Hale Leta, maluna ae o ka haleaina Pake, Alanui Betela. apl 13-mp
Hoolaha Manao Hooko a Kuai
a ka Mea Paa Moraki.
I kulike ai hoi me na hoakaka ana o kekahi Mo raki i hanaia e J. E. CHAMBERLAIN, o Honolulu, Oahu, ia
Helen Boyd, Kahu Waiwai, o ia wahi like no, ma ka la 7 o Maraki,
M. H. 1895, a i kopeia ma ke Keena
Kakau Kope, Oahu, iloko o ka Buke
151, ma na aoao 499 me 500, ke hoolahaia
aku nei ma keia ua manao ka Mea Paa Moraki i oleloia e hooko
aku i ka Mo raki i oleloia no ka
uhakiia o ke kumu aelike, oia hoi: no ka uku ole ia o ke kumupaa me ka ukupanee pu i ka wa i kauohaia ai no ka hookaa ana.
Ke hoolahaia aku nei no hoi, mahope iho o ka pau ana o na pule ekolu mai keia la aku, e hoolahaia aku no ka waiwai i hoopaaia ma ua Moraki la no ke kuai a e hooliloia aku no ma ke kuai kudala akea ma na keena kudala o W. S. Luce, ma Alanui Moiwahine, Honolulu i oleloia ma ka Poakolu, la 31 o Maraki, M. H. 1897, ma ka hora 12 awakea o ia la.
Kuike ke kumu, ma ke dala gula o Amerika Huipuia.
I ka mea kuai mai na lilo palapala,
HELEN BOYD, Kahu Waiwai, Mea Paa Moraki.
No na mea e ae i koe, e ninau ia A. Rosa, Loio no ka Mea Paa Moraki, Helu 13, Alanui Kaahumanu, Honolulu. Hanaia Honolulu, Maraki 8, 1897.
Penei iho ka hoakaka o ka aina e hooliloia aku ana:
O kela apana aina a pau loa e waiho la ma Kalii a me Pauwalu, Koolau, Mokupuni o Maui, nona ka ili o 10 5—11 Eka, i hoike a hoakakaia maloko o ka Palapala Sila Nui (Aina Aupuni) 1899, a i hooliloia hoi i ka Mea Hana Moraki e A. K. Kekapa, ma o kekahi Palapala Kuai i hanaia i Iulai 18, M. H. 1881, a i kopeia ma ka Buke 70, aoao 360. mar. 8—4ts.